Adituak aztarnategiko ustezko faltsifikazioengatik egiten ari diren epaiketan deklaratu du; ustez 476 zeramika-piezatan egin zituzten grafito faltsuak, eta berak 39 aztertu ditu.

Espainiako Kultura Ondarearen Institutuko geologo batek Iruña-Veleiako erromatar aztarnategiko grafitoetan ustez egindako "faltsifikazio" batzuk "guztiz baldarrak" direla esan du, grafitoak faltsuak ote diren ebazteko egiten ari diren epaiketan.

Astelehen goizeko saioan, adituaren txostena izan dute hizpide. Bertan, aztarnategiko 39 zeramika-pieza aztertuta (ustez, 476tan egin zituzten grafito faltsuak) "zalantzarik gabe" ondorioztatu du 39 horietako 35ek "jatorri garaikidea" dutela.

Ikerketa egiteko, adituak mikroskopio elektroniko bat baliatu zuen, "ia 400 orduan". Erabilitako teknikak ez du inolako arrastorik uzten zeramikan, nabarmendu duenez.

Argi fluoreszente ultramoreaz aztertu zituzten piezak (lanetan berriro margotu duten edo zerbait erantsi duten egiaztatu ahal izateko). Esan duenez, bakarrik teknika horren bidez ikus zezakeen faltsuak zirela; izan ere, kasu batzuetan faltsifikazioa "guztiz baldarra" da.

Informazio osoa iturriaren webgunean irakurri