Baigorriko ibarraren bihotzean, Bixente Hirigarayk Baxe Nafarroako historia ezagutarazteko iturri historikoak aztertzen ditu. Historia aberatsa du herrialdeak, baina memoria barreiatua.

Historiaren halabeharrek Baxe Nafarroak patu bereziko lurraldea egiten dute. Europako erreinurik antzinakoenetakoa zen Nafarroaren baitako herrialdea, luzaroan mantendu zuen berezko identitatea. Bere kontakizuna oraino idazteko dago. Historian lizentziatua den Bixente Hirigarayk Baigorrin egiten du lan, iturri historikoen balantze bat egiteko. Ondoko hilabeteetan interpretazio gune baterako artxibategiak osatzeko lan garrantzitsua izanen da. Desmartxa hau “Kintoan Barne” mugaz gaindiko europar proiektuaren baitako marko zabalago baten parte da.

2018ko irailetik ondarearen babeserako laguntzaile den gazteak bere sorleku den lurrarekiko eta iraganarekiko sustrai sendoak ditu. “Historia beti izan da pasio bat, lanean hasi aitzin hala ikusten nuen”, azaldu du. Gasteizko Unibertsitatean lizentziatu ondotik, Okzitaniako Tolosako Jean-Jaures Unibertsitatean “Mondes médiévaux” masterra eskuratu zuen, “Memoriarako nire gaia `XIII-XIV. mendeko Baxe Nafarroako jendarte eta populua´ izan zen”.

Oraingo bere lana herrialde historiko hau biziaraztea da. “Baxe Nabarre erresuma garaian” da proiektuaren izena, garai hura landuko baitu. XI. mendetik Frantziar Iraultzaraino iraunen zuen epealdia, hain zuzen.

Informazio osoa iturriaren webgunean irakurri