Hauteskundeen errepikapenak herritarren interesa murriztu du azken hauteskunde orokorretan
2019.eko azaroak 15
Hauteskundeen errepikapenak murriztu egin du herritarren zati handi baten interesa azaroaren 10eko hauteskunde orokorretan, Prospekzio Soziologikoen Kabineteak azken hauteskundeetan euskal herritarren hauteskunde-portaerari buruz egindako ikerketa baten arabera.
Inkestaren arabera, Herritarren %61ek diote interes handia edo nahikoa izan dutela azaroaren 10eko hauteskundeekiko; jaitsiera nabarmena da hori apirileko Hauteskunde Orokorrekin alderatuta, momentu hartan %79k esan bait zuten hori bera.
Herritarrek botoarekiko agertutako konbentzimendu maila jaitsi egin da apirileko hauteskundeekin alderatuta. Boto-emaileen %59k konbentzimenduz eman zuten botoa (apirilean %71k), %11k zalantzekin (apirilean bezala) eta %29k aukera txarren artean onena zelako (apirilean %17k).
Botoa ematera joan zirenen %96 konforme daude emandako botoarekin. Botorik eman ez zutenen artean, %19k bakarrik diote, emaitzak ikusita, nahiago luketela botoa ematera joan izan balira.
