Hogei urterekin argitaratu du aurreneko eleberria Maddi Etxeberria Otaegi andoaindarrak. 'Zein usain dute oroitzapenek?' du izenburua

Ez da ohikoa nerabezaroaren eta heldutasunaren artean dauden gazteei berariaz zuzenduta dauden liburuak argitaratzea, ezta horiei bilduma oso bat eskaintzea ere; are gutxiago da ohikoa horietako liburu bat idatzi duen idazlea argitaletxeak begiz jota dituen irakurleen adin berekoa izatea.

Ohikoa ez bada ere, batzuetan gertatzen da. Astelehen honetan, bere lehen eleberria aurkeztu du Maddi Etxeberria Otaegik (Andoain, 1988). Erein etxeak argitaratu du, «17-24 tarte horretan» dauden gazteentzako lanak biltzen dituen 'Bioleta' sailean. 'Zein usain dute oroitzapenek?' du izenburua, eta aurkezpenean Iñaki Aldekoa editoreak esan duenez, Etxeberriaren lanaren «sinesgarritasunak» konbentzituta erabaki zuen argitaletxeak idazle hasiberriari toki bat egitea Saizarbitoria, Landa edo Linazasororen lanak barne hartzen dituen bilduman.

Informazio osoa iturriaren webgunean irakurri