Pedro Miguel Etxenike, Zientzia Zehatzen, Fisikoen eta Naturalen Errege Akademiako kide osoa da
2017.eko maiatzak 31
- Cristina Uriarte Hezkuntza sailburua Etxenikek Zientzien Errege Akademiako kide osoaren plaza hartzeko ekitaldi solemnean izan da
Pedro Miguel Etxenike, Donostia International Physics Center (DIPC) zentroko presidentea eta UPV/EHUko Materia Kondentsatuaren Fisikako katedraduna, Zientzia Zehatzen, Fisikoen eta Naturalen Errege Akademiako kide osoa da gaurdanik. Etxenike irakasleak Madrilen, Akademiaren egoitzan gaur arratsaldez egindako ekitaldi solemnean hartu du kide osoaren plaza. Ekitaldian izan da, Jaurlaritzaren ordezkaritzan, Cristina Uriarte Hezkuntza sailburua, Adolfo Morais Unibertsitate eta Ikerketa sailburuordea, eta Estibaliz Hernaez Teknologia, Berrikuntza eta Lehiakortasun sailburuordearekin batera.
Etxenike irakasleak “Ioi eta elektroien dinamika solido eta gainazaletan, eta zientziaren inguruko zenbait zertzelada” (“Dinámica de iones y electrones en sólidos y superficies y pequeñas pinceladas sobre ciencia”) hitzaldia eskaini du. Erakundearen izenean, Madrilgo Complutense Unibertsitateko Fisika Teorikoko katedradun emeritu eta Errege Akademiako ohorezko presidente Alberto Galindo Tixairek erantzun dio akademiko berriari.
Zientzien Errege Akademiako 35. domina jaso duen Pedro Miguel Etxenike Donostia International Physics Center DIPCeko presidentea da, UPV/EHUko Materia Kondentsatuaren Fisikako katedraduna, CIC nanoGUNEko presidentea, BERC Material Physics Center-eko presidentea eta UPV/EHUren Nazioarteko Bikaintasun Campusaren Euskampus Fundazioko presidenteordea. Gainera, Jakiunde Zientzia, Arte eta Letren Akademiako ohorezko presidente ere bada.