Artikulu nabarmenak: 'Zer harreman dagoen ingurukoengandik jasotako laguntasuna eta adimen emozionalaren artean', 'Berriak eskuratu eta kontsultatu', 'Sare sozialak eta segurtasuna'

Lorea ASPIAZU, Igor ESNAOLA eta Marta SARASA. Capacidad predictiva del apoyo social en la inteligencia emocional de los adolescentes. European Journal of Education and Psychology. Almeria: CENFINIT, 2015eko ekaina, 8(1) 23-29 . ISSN 1888-8992 

Ea nerabezaroan zer harreman dagoen ingurukoengandik jasotzen dugun laguntasunaren (familia, lagunak, irakasleak) eta adimen emozionalaren artean (arreta emozionala, sentimendu argiak eta emozioak sendatzea); horixe azterlanaren helburua. Korrelazio-analisiek erakusten dute lotura esanguratsuak daudela aztertu diren aldagaien artean, bai lagin maskulinoan bai femeninoan. Maskulinoan, lagunen laguntasuna da arreta emozionala aurreikusten duena; eta sentimendu argiak edukitzeak eta familiaren laguntasunak dakarte, berriz, emozioen erregulazioa. Femeninoan, ordea, parekoen laguntasunak aurreikusten du ondoen arreta emozionala; eta familiaren laguntasunak, berriz, emozioen argitasuna eta erregulazioa.

GARCÍA JIMÉNEZ, Antonio, Beatriz CATALINA-GARCÍA eta Carlos OLIVA-MARAÑON. Estudio sobre la frecuencia de búsqueda y consulta de noticias por parte de los jóvenes. Documentación de Ciencias de la Información. Madril: Madrilgo Unibertsitate Konplutentsea, 2016 39, 283-298. ISSN 1988-2890 

Unibertsitateko gazteak sarri-sarri ibiltzen dira berriak eskuratzen eta kontsultatzen, lanerako behar dutelako edo jakinaren gainean egon nahi dutelako. Informatzen ez direnak ingurukoengandik jasotzen duten informazioarekin konformatzen dira. Ohiko medioen artetik, telebista da lehenik nahiago dutena, eta irratia azkena. Edonola ere, ia gazte guztiek berreskuratzen dute informazioa inguru digitaletik, sare sozialetatik batez ere, Facebook eta Twitter. Gazteak bietatik ibiltzen dira informazio bila: ohiko medioetatik eta on-linekoetatik. Bestalde, unibertsitateko gazteen artean, informazio gehien kontsultatzen dutenak ez dira gehien zabaltzen dutenak.

RODRÍGUEZ GARCÍA, Lorena eta José Rafael MAGDALENA BENEDITO. Perspectiva de los jóvenes sobre seguridad y privacidad en las redes sociales. Icono 14. Revista científica de comunicación y tecnologías emergentes. Madril: Icono14, 2016, 14(1), 24-249. ISSN 1697-8293

Sare sozialak darabiltzaten gazteek (Facebook, Twitter, YouTube, WhatsApp, Instagram eta Ask.fm) segurtasun gutxiko pasahitzak erabiltzen dituzte, eta uste dute segurtasun-neurri handiagoak behar direla sare horietarako erregistroan eta bajan. Ez dituzte pribatutasun-politikak ezagutzen, eta ez dakite arlo horretako aukerak zuzen konfiguratzen. Konfiantzazko jendea eta jende ezagutu berri-berria sartzen dute beren zerrendetan. Irudiak eta bideoak kontaktu guztiekin partekatzen dituzte, batez ere WhatsApp, Twitter eta Facebooken, inor bereizi gabe eta mugarik gabe, nahiz eta komentarioekin baino tentu handiagoz ibili. Orokorrean, uste dute sare sozialak ez direla seguruak, baina tresna erabilgarria eta garrantzitsua direla.

• Beste laburpen batzuk irakurri nahi badituzu klikatu artikulu nabarmen atalean
• Dokumentazio Zentroko webgunera esteka
• Euskadiko Irakurketa Publikoaren Sarea (EIPSren) liburutegien katalogoaren esteka
• Argibide gehiago nahi izanez gero, jo ezazue ondoko helbide elektronikora: geb-liburutegia@euskadi.eus 
  
  OHARRA: Dokumentazio zentroko material oro kontsultagai dago, eta maileguan har daiteke 

Jarrai gaitzazu gizarte-sareetan!