Kukuxumusutik irten eta gero, marrazkilariak Katuki Saguyaki marka berria, berorren logotipoa eta sanferminei begira eginiko lehen diseinua aurkeztu ditu Iruñean.

Mikel Urmeneta marrazkilariak Katuki Saguyaki marka aurkeztu du gaur Iruñean. Atzo Kukuxumusutik “kanporatu” zutela iragarri eta gero, gaur marka berriaren logotipoa eta 2016ko sanferminei begira diseinatutako lehen lana bistarazi ditu Urmenetak, inguruan berarekin lan egingo duten hainbat marrazkilari zituela.

Kukuxumusuk, bere aldetik, erantzun egin zuen atzo, Urmenetak oharra kaleratu eta gero. Urmeneta kanporatu izana ukatu zuen, eta oraindik ere enpresako bazkide badela azaldu zuen.

Txema Sanz, Belatz, Asisko eta MKO Kukuxumusuko marrazkilari “historikoak” ondoan zituela agertu da Urmeneta kazetarien aurrean, eta 1989ko sanferminetan sortu zutenetik nafar marka ezagunak bere iritziz izan duen bilakaera aletzeari ekin dio.

Informazio osoa iturriaren webgunean irakurri