Hamaika urte eta gehiagoz Platerueneko kudeatzaile izan da Beñat Gaztelu-Urrutia. Gorputza eta arima eskaini dizkio kultur egitasmo herritarrari, bere hirugarren seme-alaba balitz bezala. Orain, kudeatzaile lana utzi, eta beste era eta erritmo batera laguntzeko unea dela esan diote Beñati gorputzak eta arimak. Liher Granadosek ilusioz eta gogotsu heldu dio Pateruenari, presarik barik, baina etenik egiteko asmorik barik.

Liher Granados: Nola bururatu zitzaizuen Plateruenaren moduko ekimen herritarra sortzea?
Beñat Gaztelu-Urrutia: Urteak generamatzan Berbaro Taberna kulturgune eta topaleku euskalduna sortzen eta garatzen. Begibistako mugak zituen egitasmoak, eta sasoi berriei baliabide berriekin aurre egiteko momentua zela pentsatu genuen. Horrela sortu zen Plateruena. Hasierako egitasmoa dezente aldatu da hamaika urte hauetan. Euskararen alde jardungo zuen kulturgune eta topaleku bat izatetik, espazio sozial euskalduna izatera pasatu gara. Gizartea aldatu den hein berean aldatu da Plateruena, logikoa den moduan.

B.G.: Zergatik esan zenion baietz, Platerueneko arduradun lanari?
L.G.: Nire ikasketak zein esperientzia profesionalak lan harreman eta pertsonen kudeaketaren esparruan izan dira orain arte, eta banuen gogoa nire kultur zaletasunarekin lotura duen zerbaitetan lan egiteko. Aukera paregabea da nire profil pertsonala eta profesionala uztartzeko.

B.G.: Eta, nola ikusi izan duzu kanpotik Kafe Antzokia? ze itxura hartu izan diozu?
L.G.: Orain arte ez naiz Platerueneko langilea izan, baina proiektua hasieratik ezagutzen dut bezero, musikari eta kulturzale naizen heinean. Iazko Eta urte askotarako kanpainaz geroztik, bazkidea ere banaiz, eta Plateruenak bizi duen egoera ez zait ezezaguna egiten. Plateruena erreferentziazko kulturgunea da Durangaldetik haratago ere, eta bertan antolatutako ekintzak positiboki baloratu izan ditut erabiltzaile moduan.

Informazio osoa iturriaren webgunean irakurri