Araudia

Arautegia

Inprimatu

AGINDUA, 2026ko urriaren 2koa, Hezkuntzako sailburuarena, Euskal Autonomia Erkidegoko unibertsitateaz kanpoko ikastetxe publikoetan eskola kontseiluetako kideak aukeratzeko hauteskunde-prozesua zabaltzen duena.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Hezkuntza Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 194
  • Hurrenkera-zk.: 4191
  • Xedapen-zk.: ---
  • Xedapen-data: 2026/10/02
  • Argitaratze-data: 2026/10/09

Gaikako eremua

  • Gaia: Segurtasuna eta justizia; Hezkuntza
  • Azpigaia: Herrizaingoa
Deskribapenak

Testu legala

Azaroaren 12ko 258/1996 Dekretuak urtarrilaren 30eko 11/2007 Dekretuak aldatu egin zuen dekretu hori Euskal Autonomia Erkidegoko unibertsitateaz kanpoko ikastetxe publikoetan eskola-kontseiluak hautatzeko eta berritzeko prozesua arautzen du.

Dekretu horiek ezartzen dutenez, ikastetxeetako Eskola Kontseiluaren erdi biak urte bitik behin berritu behar dira, txandaka.

2024-2025eko ikasturteko lehen hiruhilekoan egin ziren ikastetxe publikoetako eskola-kontseiluetako kideak hautatzeko azken hauteskundeak, eta, beraz, 2026-2027ko ikasturteko lehen hiruhilekoan berriro berritu behar dira eskola-kontseiluak.

Hezkuntzako sailburuari dagokio irekitzat ematea dena delako hauteskunde-prozesua gauzatzeko epea.

Hori dela eta, eman zaizkidan eskumenak erabiliz, honakoa

XEDATZEN DUT :
1. artikulua 1. Irekitzat ematen da Euskal Autonomia Erkidegoko unibertsitateaz kanpoko ikastetxe publikoetan (Lanbide Heziketako ikastetxe integratuetan izan ezik) eskola-kontseiluetako dagozkion kideak aukeratzeko hauteskunde-epea.

  1. 2024-2025eko ikasturteko azken hauteskundeez geroztik izandako bat-egite edo integrazio prozesuaren ondorioz sortutako ikastetxeetan, Eskola Kontseiluko kide guztiak aukeratu behar dira.

  2. Hauteskunde-prozesua azaroaren 12ko 258/1996 Dekretuak xedatutako moduan egin behar da (258/1996 Dekretu hori Euskal Autonomia Erkidegoko unibertsitateaz kanpoko ikastetxe publikoetan eskola-kontseiluak hautatzeko eta berritzeko prozesua arautzen duena da, eta urtarrilaren 30eko 11/2007 Dekretuak aldatu egin zuen).

2. artikulua Hauteskundeak 2026ko azaroaren 5a eta 23a bitartean egin behar dira ikastetxe guztietan, eta ikastetxeko Eskola Kontseilu berriak 2026ko abenduaren 16a baino lehen egon beharko du eratuta. Behin Eskola Kontseilua eratutakoan, organo horrek norbait izendatu beharko du hezkuntza-neurriak bultza ditzan gizonen eta emakumeen artean benetako berdintasun eraginkorra sustatzeko. AZKEN XEDAPENETAKO LEHENENGOA

Agindu honen aurka, berraztertzeko errekurtsoa aurkez diezaiokete interesdunek Hezkuntzako sailburuari, hilabeteko epean. Bestela, administrazioarekiko auzi-errekurtsoa jar dezakete Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epearen barruan. Kasu bietan, Euskal Herriko Agintaritzaren Aldizkarian agindua argitaratu eta hurrengo egunean hasiko da kontatzen epea.

AZKEN XEDAPENETAKO BIGARRENA

Agindu honek Euskal Herriko Agintaritzaren Aldizkarian argitaratu eta biharamunean izango ditu ondorioak.

Vitoria-Gasteiz, 2026ko urriaren 2a.

Hezkuntzako sailburua,

MARÍA BEGOÑA PEDROSA LOBATO.

Gaiarekin lotutako edukiak.


Arauaren historia

Ez dago lotutako edukirik

Eskumenak eta transferentziak

Ez dago lotutako edukirik

Garrantzi juridikoko dokumentazioa

Ez dago lotutako edukirik