Araudia

Arautegia

Inprimatu

AGINDUA, 2026ko martxoaren 30ekoa, Industria, Trantsizio Energetiko eta Jasangarritasuneko sailburuarena, zeinaren bidez argitaratzen baita «Joxe Mari Korta» sarien 2026ko ekitaldirako deialdia, «Joxe Mari Korta» saria arautzen duen Industria, Trantsizio Energetiko eta Jasangarritasuneko sailburuaren 2025eko maiatzaren 16ko Aginduan ezarritako esparruan.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Industria, Trantsizio Energetiko eta Jasangarritasunaren Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 68
  • Hurrenkera-zk.: 1571
  • Xedapen-zk.: ---
  • Xedapen-data: 2026/03/30
  • Argitaratze-data: 2026/04/14

Gaikako eremua

  • Gaia: Ogasun eta Ekonomía; Administrazioaren antolamendua
  • Azpigaia: Ekonomia; Instituzional
Deskribapenak

Testu legala

Industria, Trantsizio Energetiko eta Jasangarritasuneko sailburuaren 2025eko maiatzaren 16ko Aginduak (2025eko maiatzaren 21eko EHAA, 94. zk.) «Joxe Mari Korta» saria arautzen du.

Aipatutako aginduaren 4. artikuluan ezarritakoaren arabera, egokia da 2026ko ekitaldirako sarien deialdia egitea, eta, horretarako, eman beharreko arauak ematea.

Horiek horrela, aipatutako aginduaren 4. artikuluan ezarritako eskumenaz baliatuz, hau

XEDATZEN DUT :
1. artikulua Xedea.

Agindu honen xedea da, «Joxe Mari Korta» saria arautzen duen Industria, Trantsizio Energetiko eta Jasangarritasuneko sailburuaren 2025eko maiatzaren 16ko Aginduan ezarritakoa betez, 2026ko ekitaldirako deialdia egitea.

2. artikulua Eskakizunak.

Agindu arautzailearen 3. artikuluan deskribatutako pertsona fisikoak izan daitezke agindu honen bidez deitutako sariaren onuradun.

Egiaztatu beharko da aurkeztutako hautagaitzek agindu honetan ezarritako eskakizunak betetzen dituztela, agindu arautzailearen 5. artikuluak exijitzen duen bezala.

3. artikulua Eskabideak eta epea.

  1. Hautagaitzak eta nahitaezko gainerako dokumentazioa Eusko Jaurlaritzako Industria, Trantsizio Energetiko eta Jasangarritasunaren Saileko Kabinete Zuzendaritzara bidali behar dira (Donostia kalea 1, 01010 Vitoria-Gasteiz), Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan zehaztutako edozein bide erabiliz.

  2. Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera.

    AZKEN XEDAPENETAKO LEHENENGOA

    Deialdia egiten duen agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

    AZKEN XEDAPENETAKO BIGARRENA

    Agindu honen aurka, berraztertze-errekurtsoa aurkeztu ahal izango zaio Industria, Trantsizio Energetiko eta Jasangarritasuneko sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

    Vitoria-Gasteiz, 2026ko martxoaren 30a.

    Industria, Trantsizio Energetiko eta Jasangarritasuneko sailburua,

    MIKEL JAUREGI LETEMENDIA.

Gaiarekin lotutako edukiak


Arauaren historia (1)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.