Araudia

Arautegia

Inprimatu

AGINDUA, 2025eko uztailaren 14koa, Justizia eta Giza Eskubideen sailburuarena, zeinaren bidez behin betiko ebazten baita Auzitegi Medikuntzako Euskal Erakundean hizkuntza eta/edo lanpostuagatik bereziturik dauden Auzitegiko Medikuen kidegoko lanpostuak betetzeko berariazko lehiaketa.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Justizia eta Giza Eskubideen Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 142
  • Hurrenkera-zk.: 3312
  • Xedapen-zk.: ---
  • Xedapen-data: 2025/07/14
  • Argitaratze-data: 2025/07/29

Gaikako eremua

  • Gaia: Kultura eta Kirola; Segurtasuna eta justizia; Administrazioaren antolamendua
  • Azpigaia: Justizia; Sailak; Funtzio publikoa
Deskribapenak

Testu legala

Aurkibidea erakutsiAurkibidea ezkutatu

Ikusi da Justizia eta Giza Eskubideen sailburuaren 2025eko maiatzaren 8ko Aginduaren bidez deitutako lekualdatze-lehiaketa espezifikoaren ondorioz izapidetutako espedientea. Agindu horren bidez, Auzitegi Medikuntzako Euskal Erakundean hizkuntza eta/edo lanpostu berezituak dituzten lanpostuak betetzeko deialdia egin zen.

Botere Judizialaren uztailaren 1eko 6/1985 Lege Organikoa aldatzen duen abenduaren 23ko 19/2003 Lege Organikoaren VI. liburuko VIII. tituluan eta abenduaren 7ko 1451/2005 Errege Dekretuak onartutako Justizia Administrazioaren zerbitzuko langile funtzionarioen sarrerari, lanpostuak betetzeari eta lanbide-sustapenari buruzko Erregelamenduaren 43. artikuluan eta hurrengoetan xedatutakoarekin bat etorriz, hau

EBATZI DUT :
Lehenengo artikulua Behin betiko ebaztea Auzitegiko Medikuen Kidegoko funtzionarioen arteko lekualdatze-lehiaketa, Justizia eta Giza Eskubideen sailburuaren 2025eko maiatzaren 8ko Aginduaren bidez deitua, eranskinean zerrendatzen den bezala.
Bigarren artikulua Destinorik lortu ez duten eskabideak, lehiaketa honetan parte hartu dutenek aurkeztutakoak, iraungitzat jotzea. Beraz, hurrengo lekualdatze-lehiaketetan ez dira kontuan hartuko.
Hirugarren artikulua Lehiaketa honetan esleitu ez diren plazak bete gabeak direla adieraztea.
Laugarren artikulua Destinoa lortu eta jardunean, zerbitzu berezietan edo senitartekoak zaintzeko borondatezko eszedentzian dauden funtzionarioek, lehiaketa honetan aipatzen diren kidego edo eskaletara itzultzen ez badira, 2025eko irailaren 3an utziko dute lanpostua.
Bosgarren artikulua Lortzen diren destino berriez hiru egun balioduneko epearen barruan jabetuko dira izangaiak, funtzionarioek herriz aldatu behar ez badute, edo zortzi egun balioduneko epearen barruan, Euskal Autonomia Erkidegoan dagoen beste herri batera aldatu behar badute, edota hogei egun balioduneko epearen barruan, baldin eta beste autonomia erkidego batera joan behar badute, kasu hauetan izan ezik: Kanarietako Autonomia Erkidegoa, Balear Uharteetako Autonomia Erkidegoa, Ceutako Hiri Autonomoa eta Melillako Hiri Autonomoa; kasu horietan epea hilabetekoa izango da. Epea, betiere, lanpostu-uztearen egunaren biharamunetik hasiko da zenbatzen. Plaza baten esleipendunak lanpostuaz jabetzean zerbitzu aktibora itzultzea lortzen badu, hogei egun baliodunekoa izango da lanpostuaz jabetzeko epea, agindu hau Euskal Herriko Agintaritzaren Aldizkarian argitaratzen den egunetik aurrera.

Lanpostu bat zerbitzu-eginkizunetan betetzen ari diren funtzionarioen kasuan, lanpostuaz jabetzeko epeei dagokienez, zerbitzua ematen ari diren herria hartuko da «funtzionarioaren herritzat».

Seigarren artikulua Esleitutako destinoei ezin izango zaie uko egin. Justizia Administrazioko Zuzendaritzak horien esleipenaren berri emango dio Justizia Ministerioari.
Zazpigarren artikulua Esleitutako lanpostuak betetzen ari diren bitarteko funtzionarioek lanpostua utziko dute, titularra lanpostuaz jabetu aurreko egun baliodunean. AZKEN XEDAPENETAKO LEHENENGOA

Agindu honen aurka, berraztertzeko errekurtsoa aurkez dakioke, aukeran, Justizia eta Giza Eskubideen sailburuari, hilabeteko epean; bestela, administrazioarekiko auzi-errekurtsoa aurkez daiteke Vitoria-Gasteizko Administrazioarekiko Auzien Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

AZKEN XEDAPENETAKO BIGARRENA

Agindu hau Euskal Herriko Agintaritzaren Aldizkarian eta Estatuko Aldizkari Ofizialean argitaratu eta hurrengo egunean jarriko da indarrean.

Aldi berean argitaratzea lortzen ez bada, epeak Euskal Herriko Agintaritzaren Aldizkarian argitaratu eta hurrengo egunetik aurrera zenbatuko dira.

Vitoria-Gasteiz, 2025eko uztailaren 14a.

Justizia eta Giza Eskubideen sailburua,

MARÍA JESÚS CARMEN SAN JOSÉ LÓPEZ.

(Ikus .PDF)

Gaiarekin lotutako edukiak


Arauaren historia (1)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.