Lehenengoa. Baimena ematea Donostiako (Gipuzkoa) «San Ignacio de Loyola» Haur, Lehen eta Bigarren Hezkuntzako ikastetxe pribatuaren titulartasuna aldatzeko. Orain arte, «Colegio de San Ignacio de Loyola Provincia de España Compañía de Jesús» (IFK:R200028G) erakundea izan da ikastetxe horren titularra, eta 2024ko irailaren 1etik aurrera, ordea, «Fundación Educativa Jesuitas Norte» (IFK:G56295736) erakundeak izango du titulartasuna. Horrenbestez, erakunde hori subrogatuta geratuko da aitortzen zaion ikastetxeari dagozkion betebehar eta eskubideetan.

Bigarrena. Titulartasun-aldaketak ez du eraginik izango ikastetxearen ohiko funtzionamenduan eta ikastetxea Hezkuntza Sailaren Unibertsitateaz kanpoko Ikastetxeen Erregistroan inskribatuko da, erregistroko datu hauekin:

Kode-zenbakiak: 012537 (EAE) eta 20004502 (unibertsala).

Izen generikoa: Haur, Lehen eta Bigarren Hezkuntzako ikastetxe pribatua.

Izen espezifikoa: «San Ignacio de Loyola».

Titularra: «Fundación Educativa Jesuitas Norte».

Helbidea: Calzada Vieja de Ategorrieta, 28.

Udalerria: Donostia / San Sebastián.

Lurralde historikoa: Gipuzkoa.

Baimendutako irakaskuntzak:

Haur Hezkuntzako 1. zikloa: 6 unitate, honako edukierakoak:

6 unitate 2-3 urte bitarteko haurrentzat, 18 ikaspostuko edukierakoa bakoitza.

Haur Hezkuntzako 2. zikloa: 12 unitate, 242 ikaspostuko edukierakoa.

Lehen Hezkuntza: 25 unitate 625 ikaspostuko edukierakoa.

Derrigorrezko Bigarren Hezkuntza: 16 unitate 480 ikaspostuko edukierakoa.

Batxilergoa: 8 unitate Zientziak eta Teknologia eta Giza eta Gizarte Zientziak modalitateetarako, 280 ikaspostuko edukierakoa.

Hezkuntza berezia: 2 gela ireki.

Hirugarrena. Ikastetxearen erakunde titularrak indarrean dagoen araudia bete beharko du ikaspostu-kopuruari, ekipamenduari, titulazio akademikoari, irakasleen hizkuntza-eskakizunari eta indarrean dagoen eta aplikagarri den gainerako legeriari dagokienez, eta emandako baimena berrikusteko eskatu beharko du, ikastetxearen erregistro-daturen bat aldatu behar denean. Bestela, emandako baimena baliogabetu egingo litzateke.

Laugarrena. Era berean, zentroak martxoaren 17ko 314/2006 Errege Dekretuak onartutako Eraikuntzaren Kode Teknikoa bete behar du, bai eta indarrean dagoen legerian adierazten diren higiene-, osasun-, akustika-, bizigarritasun-, segurtasun- eta irisgarritasun-baldintzak ere. Baldintza horiek ez betetzearen erantzukizuna ikastetxearen erakunde titularrari dagokio.

AZKEN XEDAPENETAKO LEHENENGOA

Agindu honetan jasotako baimena emateak ez du esan nahi, inola ere, hezkuntza-itunen edo dirulaguntzen deialdien bidez laguntzak lortu direnik.

AZKEN XEDAPENETAKO BIGARRENA

Agindu honen aurka aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2024ko maiatzaren 17a.

Hezkuntzako sailburua,

JOKIN BILDARRATZ SORRON.