Arautegia
InprimatuAGINDUA, 2023ko maiatzaren 10ekoa, Hezkuntza sailburuarena, Sopuertan (Bizkaia) dagoen «San Viator» Lanbide Heziketako Ikastetxe Pribatu Integratuaren baimena aldatzeko dena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 95
- Hurrenkera-zk.: 2405
- Xedapen-zk.: ---
- Xedapen-data: 2023/05/10
- Argitaratze-data: 2023/05/22
Gaikako eremua
- Gaia: Administrazioaren antolamendua; Hezkuntza
- Azpigaia: EAEko udalak
Testu legala
«San Viator» Lanbide Heziketako Ikastetxe Pribatu Integratuaren titularrak hasarazi duen espedientea aztertu da, zeinean eskatzen baitu baimena alda dakiola Lanbide Heziketako erdi-mailako heziketa-ziklo berri bat eta Lanbide Heziketako erdi-mailako espezializazio-kurtso berri bat emateko.
Espediente horren izapideak araudiak ezarritako prozedura jarraituz egin dira; gainera, indarrean dauden arauek eskatzen dituzten agiriak erantsi zaizkio, eta arlo horretan eskumena duten erakundeek egin diote txostena.
Arau hauek ikusi dira: 332/1992 Errege Dekretua, apirilaren 3koa (apirilaren 9ko BOE), araubide orokorreko unibertsitateaz kanpoko irakaskuntzak eskaintzeko baimenak ikastetxe pribatuei emateari buruzkoa, otsailaren 12ko 131/2010 Errege Dekretuaren bidez aldatua (martxoaren 12ko BOE); 1147/2011 Errege Dekretua, uztailaren 29koa (uztailaren 30eko BOE), hezkuntza-sistemako lanbide-heziketaren antolamendu orokorra ezartzen duena; 1593/2011 Errege Dekretua, azaroaren 4koa (abenduaren 15eko BOE), Mendetasun-egoeran dauden pertsonak zaintzeko teknikariaren titulua ezarri eta gutxieneko irakaskuntzak finkatzen dituena; 250/2012 Dekretua, azaroaren 27koa (otsailaren 4ko EHAA), mendetasun-egoeran dauden pertsonei arreta egiteko teknikariari dagokion curriculuma ezartzen duena; 46/2016 Dekretua, martxoaren 15ekoa (apirilaren 1eko EHAA), Lanbide Heziketako hainbat tituluri dagokien curriculuma ezartzeko eta ikastaro osagarriak sortzeko zenbait dekretu aldatzen dituena, hirugarren urtean aurreko tituluei lotutako titulu berriak lortzeko; 281/2021 Errege Dekretua, apirilaren 20koa (maiatzaren 10eko BOE), Ibilgailu hibrido eta elektrikoen mantentze-lanak espezializazio-ikastaroa ezartzen duena eta curriculumaren oinarrizko alderdiak finkatzen dituena; eta gai horretan aplikatu beharreko gainerako legeak. Horiek horrela, hau
Kode zenbakia: 48007818 eta 014824.
Izen generikoa: Lanbide Heziketako Ikastetxe Pribatu Integratua.
Izen espezifikoa: «San Viator».
Titularra: Fundación Canónica Autónoma Escuelas Católicas Marcelino Gangoiti.
Helbidea: San Cristobal, 2.
Udalerria: Sopuerta.
Lurralde historikoa: Bizkaia.
Baimena:
Lanbide Heziketako erdi-mailako heziketa-ziklo bat emateko: «Mendekotasun-egoeran dauden pertsonei arreta egitea».
Lanbide Heziketako erdi-mailako espezializazio-kurtso bat emateko: «Ibilgailu hibrido eta elektrikoen mantentze-lanak».
Ikastetxearen osaera:
Lanbide Heziketa:
Lanbide-arloa: administrazioa eta kudeaketa.
Administrazio-kudeaketa, erdi-mailako heziketa-zikloa. Edukiera: ziklo 1.
Administrazioa eta finantzak, goi-mailako heziketa-zikloa. Edukiera: ziklo 1.
Lanbide-arloa: merkataritza eta marketina.
Merkataritza-zerbitzuak, lanbide-heziketako oinarrizko heziketa-zikloa. Edukiera: ziklo 1.
Lanbide-arloa: elektrizitatea eta elektronika.
Elektrizitatea eta elektronika, lanbide-heziketako oinarrizko heziketa-zikloa. Edukiera: ziklo 1.
Instalazio elektrikoak eta automatikoak, erdi-mailako heziketa-zikloa. Edukiera: ziklo 1.
Sistema elektrotekniko eta automatizatuak, goi-mailako heziketa-zikloa. Edukiera: ziklo 1.
Lanbide-arloa: fabrikazio mekanikoa.
Elementu metalikoen fabrikazioa, lanbide-heziketako oinarrizko heziketa-zikloa. Edukiera: ziklo 1.
Mekanizazioa, erdi-mailako heziketa-zikloa. Edukiera: 2 ziklo.
Fabrikazio mekanikoko produkzioaren programazioa, goi-mailako heziketa-zikloa. Edukiera: ziklo 1.
Lanbide-arloa: gizarte- eta kultura-zerbitzuak eta erkidegoarentzako zerbitzuak.
Mendekotasun-egoeran dauden pertsonei arreta egitea, erdi-mailako heziketa-zikloa. Edukiera: ziklo 1.
Haur hezkuntza, goi-mailako heziketa-zikloa. Edukiera: ziklo 1.
Lanbide-arloa: garraioa eta ibilgailuen mantentze-lanak.
Ibilgailuen mantentze-lanak, lanbide-heziketako oinarrizko heziketa-zikloa. Edukiera: 2 ziklo.
Karrozeria, erdi-mailako heziketa-zikloa. Edukiera: ziklo 1.
Ibilgailu automobilen elektromekanika, erdi-mailako heziketa-zikloa. Edukiera: ziklo 1.
Automozioa, goi-mailako heziketa-zikloa. Edukiera: ziklo 1.
Ibilgailu hibrido eta elektrikoen mantentze-lanak, erdi-mailako espezializazio-kurtsoa. Edukiera: kurtso 1.
Arduraduna: Plangintza eta Antolaketa Zuzendaritza, Hezkuntza Saila.
Xedea: Lanbide Heziketako ikastetxe pribatuen erregistro ofiziala. Ikastetxeen irekiera- eta ixte-baimenak, baita emandako baimenetan aldaketak ere.
Legitimazioa:
Aplikagarriak diren lege-eginbideak betetzeko beharrezko tratamendua.
4/2018 Legea, ekainaren 28koa, Euskal Autonomia Erkidegoko Lanbide Heziketari buruzkoa.
8/1985 Lege Organikoa, uztailaren 3koa, Hezkuntzarako Eskubidea arautzekoa.
Hartzaileak:
Hezkuntza eta Lanbide Heziketa Ministerioa.
Eskubideak: eskubidea duzu datuak irispidean izateko, datuak zuzentzeko eta ezerezteko, bai eta informazio gehigarrian adierazitako beste eskubide batzuk ere.
Informazio gehigarria: datuen babesari buruzko informazio gehigarri eta zehatza kontsulta dezakezu gure webgunean: https://www.euskadi.eus/informazio-klausulak/web01-sedepd/eu/gardentasuna/133300-capa2-eu.shtml.
Araudia:
Datuak Babesteko Araudi Orokorra (https://eur-lex.europa.eu/legal-content/ES/TXT/?uri=CELEX%3A02016R0679-20160504).
3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa (https://www.boe.es/boe_euskera/dias/2018/12/06/pdfs/BOE-A-2018-16673-E.pdf).
AZKEN XEDAPENETAKO LEHENENGOA
Agindu honetan dagoen baimen-emateak ez dauka bere baitan, inola ere, hezkuntza-itunen araubidearen bitartezko laguntzak lortzea.
AZKEN XEDAPENETAKO BIGARRENA
Agindu honen aurka aukerako berraztertze-errekurtsoa aurkez dakioke Hezkuntza sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Justizia Auzitegi Nagusian, hil biko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2023ko maiatzaren 10a.
Hezkuntzako sailburua,
JOKIN BILDARRATZ SORRON.
