2022ko urtarrilaren 19an, eskabide bat sartu zen Gobernantza Publiko eta Autogobernu Sailean, Fundación Laboral San Prudencio izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko.

Fundazioaren patronatuak 2021eko urriaren 19an erabaki zuen aldaketa, eta eskritura publikoan gauzatu zen Vitoria-Gasteizen 2022ko urtarrilaren 13an Fernando Ramos Alcázar notario jaunaren aurrean (protokolo-zenbakia: 19). Eskabidearekin batera espedientean dagoen dokumentazioa aurkeztu zen.

Erabaki horren bitartez, fundazioaren estatutuetako artikulu hauen idazketa aldatu da: 1, 5, 7, 8, 9, 13, 14, 15, 16, 21, 30 eta 31.

Gobernantza Publiko eta Autogobernuko sailburuari dagokio estatutuak aldatzeko espediente hau Agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; Euskal Autonomia Erkidegoaren Administrazioko sailak sortu, ezabatu eta aldatzen dituen eta horien eginkizunak eta jardun-arloak zehazten dituen lehendakariaren irailaren 6ko 18/2020 Dekretuaren 7.1.n) artikulua; eta Gobernantza Publiko eta Autogobernu Sailaren egitura organikoa eta funtzionala ezartzen dituen urtarrilaren 19ko 8/2021 Dekretuaren 3.1 artikulua.

Espedienteari funtsezko iritzitako datu eta dokumentu guztiak erantsi zaizkio, eta bereziki bete da Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan eta Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak.

Horrenbestez, estatutuen aldaketa bat dator aplikagarriak diren lege eta erregelamenduetan ezarritakoarekin.

Hori guztia kontuan hartuta, honako hau