2022ko urriaren 11n, eskabide bat sartu zen Gobernantza Publiko eta Autogobernu Sailean, Kirolgi Fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko. Fundazioaren patronatuak 2022ko irailaren 12an erabaki zuen aldaketa, eta publiko egin zen 2022ko irailaren 28an, Donostian, José-Carlos Arnedo Ruiz notario jaunaren aurrean egiletsitako eskrituraren bidez (protokolo-zenbakia: 2.208). Eskabide-idazkiari espedienteko dokumentazioa erantsi zitzaion.

Dokumentazio horren bidez, fundazioaren estatutuetako 3.1 eta 5.4 a) artikuluak aldatzen dira, kirol «ez-profesional»ari buruzko aipamenak kenduz, estatutuen testua goi-errendimenduko kirol-lehiaketaren kalifikaziora egokitzeko hainbat kirol-modalitatetan, patronatuak hartutako erabakiari jarraikiz.

Gobernantza Publiko eta Autogobernuko sailburuari dagokio estatutuak aldatzeko espediente hau agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; Euskal Autonomia Erkidegoaren Administrazioko sailak sortu, ezabatu eta aldatzen dituen eta sail bakoitzaren egitekoak eta jardun-arloak finkatzen dituen lehendakariaren irailaren 6ko 18/2020 Dekretuaren 7.1.n) artikulua, eta Gobernantza Publiko eta Autogobernu Sailaren egitura organikoa eta funtzionala ezartzeko urtarrilaren 19ko 8/2021 Dekretuaren 3.1 artikulua.

Espedienteari funtsezko iritzitako datu eta dokumentu guztiak erantsi zaizkio, eta bereziki bete dira Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan eta Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak. Horrenbestez, estatutuen aldaketa bat dator aplikatu behar diren lege eta erregelamenduetan ezarritakoarekin.

Hori guztia kontuan hartuta, hau