Unibertsitateei buruzko abenduaren 21eko 6/2001 Lege Organikoak 14. artikuluan xedatutakoaren arabera, Euskal Unibertsitate Sistemari buruzko otsailaren 25eko 3/2004 Legeak V. tituluan arautzen du Euskal Herriko Unibertsitateko Gizarte Kontseilua.

Euskal Herriko Unibertsitateko Gizarte Kontseilua osatzeko aurreko arauetan Euskal Unibertsitate Sistemaren otsailaren 25eko 3/2004 Legearen 71.2.b artikuluan batez ere xedatutakoaren arabera, Arabako Batzar Nagusiek, 2022ko azaroaren 9ko osoko bilkuran, Euskal Herriko Unibertsitateko Gizarte Kontseilurako ordezkari berri bat izendatu dute.

Ordezkari horren agintaldia lau urtekoa izango da, haren izendapena Euskal Herriko Agintaritzaren Aldizkarian argitaratzen den egunetik hara zenbaturik; bestalde, Gizarte Kontseiluko kideok, aipatu legeko 72. artikuluan ezarritako bateraezintasunak izango dituzte. Era berean, ezartzen da Gizarte Kontseiluko kideak beste agintaldi baterako bakarrik hautatu ahal izango direla berriro, hau da, segidakoa izan edo ez. Iñaki Martínez de Luna Pérez de Arriba jauna Euskal Herriko Unibertsitateko Gizarte Kontseiluko kide izendatu zuten Arabako Batzar Nagusiek, Hezkuntzako sailburuaren 2018ko maiatzaren 24ko Aginduaren bidez. Beraz, ezin izango da berriro hautatu ondorengo agintaldi batean.

Horren arabera, eta otsailaren 25eko 3/2004 Legearen 73.2 artikuluak interes sozialak ordezkatuko dituztenak unibertsitateen arloan eskuduntzak dituen sailburuaren aginduz izendatuak izango direla ezartzen duenak xedatutakoaren arabera, hau