Datorren ostiralean, azaroak 18, 2022ko Euskadiko datu irekien sariak emango ditugu Bilbon kokatuta dagoen Euskadiko Artxibo Historikoan. Aukera ezin hobea izango da proiektu irabazleak xehetasun handiagoz eta zuzenean ezagutzeko.
Ekitaldira bertaratzea doakoa da, baina edukiera-mugak baldintzatzen du (70 pertsona).
Sari ematea ekitaldi berean egiten den Foro Irekiaren barruan egongo da, modu presentzialean eta birtualean. Bertan, Elkarlan 2021 Sariak ere emango dira, eta OGP Euskadik 2021-2024 aldirako euskal herritarrekin lankidetzan prestatu duen Planaren jarraipena partekatzeko aukera izango dugu.
Ekitaldiaren gai-zerrenda
- 10h. - Ekitaldiaren hasiera, Olatz Garamendi Landa Eusko Jaurlaritzako Gobernantza Publiko eta Autogobernuko sailburuaren eskutik.
- 10:15 - Gobernu irekiko erronkak. Rudi Borrmann, Gobernu Irekirako Nazioarteko Aliantzaren tokiko OGPren zuzendari ondokoa.
- 10:30 - Balio publikoa batera sortzeko Elkarlan 2021 Sarien banaketa eta saritutako proiektuen erakusketa.
- 11h. - Open Data Euskadi 2022 Sarien banaketa eta saritutako proiektuen erakusketa.
- 11:30 - Atsedenaldia eta kafea.
- 11:45 - Aurrerapenak OGP Euskadiren 2021-2024 Planeko konpromisoetan, eta elkarlaneko lanean ateratako lehen ondorioen kontrastea:
- 1. konpromisoa: COVID19 behatokia eta zerbitzuak herritarrei egokitzea.
- 2. konpromisoa: Aurrekontu-arloko gardentasunerako eta kontuak emateko tresna.
- 3. konpromisoa: Open Eskola: herritarren garapena eta indartzea.
- 4. konpromisoa: Nola sustatu legegintzako/araudiko/erregelamenduzko herri-ekimenak Euskadin.
- 5. konpromisoa: ALTXOR: Adineko pertsonen bizi-proiektuetarako informazioko, orientazioko, bitartekotzako eta laguntzako online zerbitzua eta bulego pilotu erdipresentzialak.
- 13h. - Foroaren itxiera.
Izen ematea
Ekitaldian izena emateko, bidali ogpeuskadi@euskadi.eus helbidera mezua, bertaratuko den pertsonaren izen-abizenak eta lehentasuna (on line edo aurrez aurre) adieraziz.
Aurrez aurreko parte-hartzea edukiera-mugak baldintzatzen du (70 pertsona).
Online parte hartzeko, datozen egunetan saioari dagokion esteka bidaliko diegu izena eman dutenei. Edonola ere, @IrekiaEJGV YouTube-eko kanalean eta Irekia webgunean emitituko da.
