Gaur goizean, Osalanek antolatutako elkarlaneko robotikari buruzko jardunaldia egin da. Bertan, berrikuntza teknologikoak prebentzioaren ikuspegitik dakarren erronkari heldu zaio. Osalanen 2021erako Kudeaketa Planaren barruan, ekintza espezifiko bat dago, 4.0 Industria deiturikoa ezartzeak lan-arriskuen prebentzioaren eremuan izango duen eragina aztertzera bideratua.
Horrela, adimen artifiziala, big data analisia, gauzen internet (IoT), 5G teknologia edo 4.0 Industriako langileekin elkarlanean, eskuz esku, lan egiteko diseinatutako roboten (cobots) agerpena bezalako elementu berriek, Industrian ez ezik, oro har, lan-munduan ere hobetzeko aukera apartak ekartzeaz gain, aldi berean, teknologia berri horiei aurre egiteko moduko erronka seguru batzuk dakartzate, aurrez aurre egin beharrekoak.
Horregatik, Osalanen lan-ildoak I+G+Bko jarduerak sustatu eta bultzatzeko ekintzak biltzen ditu, teknologia berrietara egokitutako prozedura seguruak garatzeko, eta produktu eta material berritzaileen eta teknologia berrien garapenetik eratorritako arriskuak hautemateko eta identifikatzeko metodoak hobetzeko.
