Hizkuntza Politikarako Sailburuordetzaren Datu-baseak (HPSDB) Euskal Autonomia Erkidegoko toponimoak jasotzen ditu (arautuak, dokumentatuak, kartografikoak eta ahoz jasotakoak), baina horrez gain, beste datu garrantzitsu batzuk ere gordetzen dira bertan, adibidez, udalerrien eta biztanle-entitateen izen ofizialei edo arautze-irizpideei buruzkoak. Hemen aurkezten ditugun datuetan Hizkuntza Politikarako Sailburuordetzako datu-basean jasota dauden toponimo arautuak eta ofizialak aurkituko dituzue, bakoitzaren udalerria eta koordenatu geografikoak zehaztuta.

LEINUA: Hizkuntza Politikarako Sailburuordetzak EAEko toponimia biltzeko hainbat lan egin ditu azken urteotan: 1987an Bizkaiko toponimia jasotzen zuen datu basea sortu zuen, eta ondoren, 1991n Gipuzkoako eta Arabako toponimiarekin osatu egin zen datu-base hori. Lanok, ordea, ez ziren hor geratu eta 2003-2009 urteen bitartean datuak osatu eta zuzendu egin ziren ikerketa berrien bidez. Datu-base horretan oinarrituta, Hizkuntza Politikarako Sailburuordetzak EAEko Izendegi Geografikoa (NGEus) egin zuen 2011n. Lan horren ekarpenik nabarmenena datu-baseko toponimo arautu eta ofizial guztiei geometria jartzea izan zen. Geometria horiek esleitzeko Eusko Jaurlaritzako BTA Osatua (Base Topográfica Armonizada Ampliada) erabili zen.