Kontseiluak eginkizun hauek izango ditu:

1. Agiriak eta artxiboak kudeatzeari buruzko edozein arauren gaineko informazioa ematea hala eskatzen duten erakunde hauei:

1. 1. Euskal Autonomia Erkidegoko sektore publikoa, administrazio orokorrak eta sektore publiko instituzional autonomoak osatua.
   2. Lurralde historikoetako sektore publikoa, administrazio orokorrak eta foru-erakundeen sektore publikoak osatua.
   3. Euskal Autonomia Erkidegoko toki-erakundeak eta tokiko sektore publiko instituzionala.
   4. Eusko Legebiltzarra, Arartekoa eta Herri Kontuen Euskal Epaitegia.
   5. Lurralde historikoetako batzar nagusiak.
   6. Euskal Herriko Unibertsitatea.
   7. Euskal Autonomia Erkidegoan zerbitzu publikoak ematen dituzten edo administrazio-ahalak erabiltzen dituzten pertsona fisiko eta juridiko pribatuak.
   8. Euskal Autonomia Erkidegoko dokumentu-ondarea zaintzen duten artxibo pribatuen titularrak diren pertsona fisiko eta juridikoak.
2. Euskal Autonomia Erkidegoko Artxiboen Sisteman sartuta ez dauden sektore publikoko entitateen titulartasuneko dokumentuei dagozkien Euskal Autonomia Erkidegoko Dokumentu Ondareari buruzko deklarazio- eta kanporatze-prozeduretan irizpenak egitea.
3. Profil profesionalen katalogo bat proposatzea, erreferentzia gisa, maila eta funtzio bakoitzerako eskatutako titulazio eta gaitasunekin.
4. Euskal Autonomia Erkidegoko Artxiboen Sistema kudeatzeko eskumena duen zuzendaritzak eskuordetzen dizkion eginkizunak eta araudiak ezartzen dituenak betetzea.