Euskadiko Lurzorua Babesteko Estrategiaren Batzorde Teknikoa sailarteko organo bat da, Lurzorua kutsatzea saihestu eta kutsatutakoa garbitzeko ekainaren 25eko 4/2015 Legearen esparruan sortua. Arau horrek Euskadiko Lurzorua Babesteko 2030erako Estrategia ezartzen du, arlo horretako politika publikoak planifikatu eta koordinatzeko tresna gisa.

Batzorde hori sortzearen arrazoia Eusko Jaurlaritzako sailen inplikazio koordinatua bermatzea da, lurzoruaren babesarekin lotutako eskumenekin. Testuinguru horretan, Elikadura, Landa Garapen, Nekazaritza eta Arrantza Sailak erakundeetako ordezkari gisa parte hartzen du Batzorde Teknikoan, inplikatutako gainerako sail eta erakundeekin koordinatuta, hargatik eragotzi gabe arlo horretan eskumenak dituzten Eusko Jaurlaritzako beste organo eta erakunde batzuen parte-hartzea. Beraz, zeharkako batzorde kolegiatu bat da, eta ez sail honetako organo propio edo esklusibo bat.