Ezagutu Euskadi
Maria Kristina erreginaren lehoia, Ondarroako Turismo Bulegoan ikusgai
Maria Kristina erreginaren lehoia, Ondarroako Turismo Bulegoan ikusgai
XIX. mendeko eskultura bat da, erreginak kostaldeko herriko arraunlari batzuei egindako oparia.
1887an, Bilboko portuko lanak amaitzear zeudela, Maria Kristina eta bere seme Alfontso obra ospetsuaren azken harria jartzera joan ziren. Bisitaren aitzakian, Udalak estropadak antolatu zituen itsasadarrean Bizkaiko Foru Aldundiarekin batera, eta ondarrutarrek irabazi zuten.
Erregina txundituta geratu zen txapeldunek arraunean egiteko moduagatik, eta errege faulak brankan zuen lehoia oparitu zien oroigarri gisa; orain arte, arrantzaleen kofradian egon da.
Eskulturak 2 metroko altuera eta 2 metroko zabalera ditu, eta, aurrerantzean, arrantzale herriaren beste erakargarri bat izango da, Turismo Bulegoan egongo baita ikusgai.