Ezagutu Euskadi
Gasteizek Global Green City Saria jaso du
Gasteizek Global Green City Saria jaso du
2012. urtean Europako Green Capital izan ondoren, Gasteizek mundu osoan ezaguna den aitorpen hori jaso du
Gasteizek, hiri berde gisa, Global Green City Saria jasotzean bere kokapena indartu egin du mundu mailan. NBEk bultzatutako Global Forum on Human Settlements erakundeak eman du saria.
Aitorpen horrek Gasteiz hiri atsegin eta erosoagoa izateko egindako lana berresten du; hiri bat, non, besteak beste, Eraztun Berdeaz goza daiteke: 30 km-ko ibilbide bat, hiria inguratzen duena eta Salburua, Zabalgana edo Armentiako parkeak lotzen dituena.
Hautagai irabazlea aukeratzeaz arduratu den batzordeak 85 adierazle aztertu ditu, sei multzo nagusi hauetan banatzen direnak: jasangarritasuna, ekitatea, nortasuna, segurtasuna, oparotasuna eta zoriontasuna. Aurreko edizioetan saritutako hirien artean daude, besteak beste, Viena (Austria), Vancouver (Kanada), Oakland (AEB), Curitiba (Brasil), Nantes (Frantzia), Mannheim (Alemania) eta Yokohama (Japonia).