Badira 18 urte El Pobaleko burdinolak jendeari ateak ireki zizkionetik, azken 5 mendeetako siderurgia-industria tradizionalik garrantzitsuenetako bat. Zentroaren helburua Bizkaiko burdinaren historia, paisaia eta kultura zabaltzea da, gurpil hidraulikoa agertu zenetik Labe Garaien garaira arte.    

Museoa Barbadun ibaiaren ertzean dago, edertasun handiko ingurune natural batean, eta azpiegitura hidrauliko osoa eta hainbat eraikin ere hartzen ditu bere baitan: olagizonak bizi ziren Jauregi Etxea, ogi-labe bat, irina egiteko erabiltzen zuten errota bat eta burdinola.

El Pobal gure iragan industrialaren parte da, eta, gainera, funtsezko elementua da gaur egun gure oraina ulertzeko. Ondare hori gorde eta zabaldu egin behar da Turismo Industrialaren bidez. Industria-historia horri esker, Euskadik baliabide asko ditu Turismo Industrialari buruzko erreferentziazko turismo-helmugetako bat izatera iristeko.