Plasentia Butron Museoa

Plentziako Alde Zaharrean dago zentroa, udaletxea egon zen XVI. mendeko eraikinean. Plasentia Butron Museoak Plentziako historiaren hainbat elementu berreskuratzea eta erakustea du xede, batik bat, udalerriak itsasoarekin izan duen harremana ardatz hartuta.

Ikusgai daude, besteak beste, nabigaziorako tresnak, itsasontzien maketak, kartografia, garai ezberdinetako itsasontzien erreprodukzioen margolanak, Plentziako Artxibo Historikoan jasotako dokumentazioa, itsasgizonen argazkiak eta itsasoarekin zerikusia duten beste hainbat objektu.