San Migel Arkanjeluaren parrokia (Oņati)

Oñatiko San Migel Arkangeluaren parrokia mende luzez eraikitako tenplua da. Garai bakoitzean zenbait elementu erantsi zitzaizkion.

Jatorrizko eliza XIII. mendean egin zuten, eta nabe bakarra zuen. Bi mende geroago, alboetako nabe txikiagoak gehitu zizkioten, eta ostiko-arkuz lotu zituzten. XVI. gizaldian, berriz, klaustro gotiko flamigeroa eta pulpitua eta Pietatearen kapera (errenazentistak biak) egin zituzten. Kripta XVII. mendekoa da. XVIII. mendean eman zituzten amaitutzat lanak atari nagusia, bi erretaula barrokoak eta dorre neoklasikoa eginda.

Aipatutako erretaula dotoreez gain, aipamen berezia merezi dute barrualdeko mausoleoek eta hilobiek ere. Rodrigo Mercado Zuazola apezpikuarenak, adibidez, Pasioaren, Ama Birjinaren bizitzaren, santuen eta profeten irudiak ageri ditu.