Euskadiko Elkargo eta Kontseilu Profesionalen erregistroa

ELKARGO PROFESIONALA zuzenbide publikoko korporazio bat da, eta nortasun juridiko propioa eta jarduteko gaitasun osoa du. Interes orokorreko helburuekin bat arituz eta egitura eta funtzionamendu demokratikoaz baliatuz, tituludun lanbidea eta elkargoko kideen interes profesionalak ordezkatu eta babesten ditu.

Tituludun lanbide bereko elkargo profesionalek KONTSEILU PROFESIONAL bat osatu dezakete. Kontseiluak nortasun juridikoa lortuko du sorrera-dekretua indarrean jartzen denean, eta jarduteko gaitasuna berriz, gobernu-organoak eratzen direnean. Beren helburua tituludun lanbidearen ordezkari gorenak izatea eta defentsa egitea da, betiere, gizartearen interes eta premia orokorrekin bat eta lurralde-esparrutzat Euskal Autonomia Erkidegoa hartuta.