Garatu beharreko eginkizunak Euskal Autonomia Erkidegoko Poliziaren Legearen testu bategina onartzen duen uztailaren 22ko 1/2020 Legegintzako Dekretuaren 55. artikuluan ezarritakoak izango dira:

• Udalerrietako agintariak babestea eta haien eraikinak eta instalazioak zaintzea.
• Hiriguneko trafikoa antolatu, seinaleztatu eta zuzentzea, zirkulazio-arauetan ezarritakoaren arabera.
• Hirigunean gertatzen diren zirkulazio-istripuen atestatuak instruitzea.
• Administrazio-poliziaren lanak egitea, udaleko ordenantza, bando eta gainerako xedapen eta egintzei dagokienez, eta ingurumenaren eta ingurune-babesaren arloko indarreko arauak bete daitezen zaintzea, gai horietarako toki-eskumenen esparruan.
• Polizia judizialaren eginkizunetan parte hartzea, polizia judizialeko unitateekin lankidetzan.
• Laguntza ematea istripu, katastrofe edo hondamen publikoetan; horretarako, legeek adierazitako moduan hartuko dute parte, babes zibileko planak bete daitezen.
• Delitu-egitaterik ez izateko behar diren prebentzio-eginbideak eta jarduketak gauzatzea.
• Espazio publikoak zaintzea eta manifestazioak babesten eta giza kontzentrazio handietan ordena mantentzen laguntzea, hala eskatzen zaienean.
• Gatazka pribatuak konpontzen laguntzea, hala eskatzen zaienean.

Batxilergoko titulua edo baliokidea izatea, edo goragoko beste edozein.

Europako Kontseiluak onartutako Hizkuntzen Europako Erreferentzia Marko Bateratuko B-2 maila edo baliokidea, edo goragoko beste edozein maila, Euskara Tituluen eta Ziurtagirien Erregistro Bateratuan (ETZEB) jasotako datuen arabera, eskabideak aurkezteko azken egunean

Euskara jakitea merezimendu gisa baloratuko da.

• Aldez aurreko eskaera egitea.
• Espainiako nazionalitatea izatea.
• 18 urte izatea eta 38 urte bete gabe izatea; muga hori Euskal Autonomia Erkidegoko polizia-kidegoetan emandako zerbitzuekin konpentsatu ahal izango da.
• Batxilergoko titulua edo baliokidea izatea, edo goragoko beste edozein.
• Euskal Herriko Poliziaren Hautaketa eta Prestakuntza Erregelamendua onartzen duen Dekretua laugarrenez aldatzen duen azaroaren 22ko 142/2022 Dekretuan agertzen den mediku-bazterketen koadroan sartuta ez egotea.
• Dolozko delituagatik kondenatua ez izatea, ez eta herri-administrazio baten zerbitzutik banandua ere, eta funtzio publikoak betetzeko desgaitua edo etena ez izatea, hargatik eragotzi gabe birgaitzearen onura aplikatzea, zigor- eta administrazio-arauen arabera.
• Armak eramateko eta, hala badagokio, erabiltzeko konpromisoa hartzea, eskatzailearen deklarazioaren bidez.
• Falta astuna edo oso astuna egiteagatik Euskal Autonomia Erkidegoko Polizia Kidegoren batean edo Udaltzaingoko Zerbitzuren batean sartzeko hautaketa-prozeduratik kanpo ez egotea, salbu eta preskripzio-epearen baliokidea den epea igaro bada, kanporatze-deklarazioaren egunetik zenbatzen hasita.
• Praktiketako funtzionario izendapenak ondorioak dituen egunean indarrean dagoen araudiaren arabera, ezgaitasun edo bateraezintasuneko legezko kausaren batean sartuta ez egotea.
• Mugarik gabeko turismoetarako B motako baimena edukitzea, eskabideak aurkezteko epearen azken egunean indarrean dagoena. Baimen hori une oro egongo da indarrean prestakuntza- eta praktika-aldietan, bide publikoetatik gidatzeko eskubidea eten, kendu edo kendu gabe, bide administratibo edo judizialetatik, eta esleitutako puntu guztiak galdu gabe.

Eskabide elektronikorako sarbidea eta hautaketa-prozesuaren jarraipena

Eskabidea bide elektronikoz aurkeztuko da Enplegu Publikoaren Atarian, helbide elektriniko honetan: https://www.euskadi.eus/enplegu-publikoa/akademia, bete bitartean emango zaizkizun argibideei jarraituz, Euskal Autonomia Erkidegoko Administrazio Orokorrak onartutako baliabideetako baten bidez identifikatu beharko zara.

Zure eskaeraren jarraipena egiteko, nahitaezkoa izango da identifikazio elektronikoa izatea.

Deialdiaren oinarriak

Epaimahai kalifikatzailearen izendapena

BEC-eko jarraibideak