Segurtasun Administrazioko zerbitzu laguntzaileetako lan-kontratudun langileentzat gordetako lanpostuetarako enplegua finkatzeko salbuespenezko prozesuen deialdia (bigarren fasea)
Jarraian, deialdiaren bigarren fase honetan eskaintzen diren 42 lanpostuei buruzko informazioa jasotzen da.
"Eranskina" zutabean lanpostu bakoitzerako agertzen den esteka (... eranskina) sakatuz , lanpostuari dagozkion oinarri espezifikoak jasotzen dituen fitxara sartu ahal izango zara.
Antzeko eginkizunetan esperientzia izatea eskatzen duten lanpostuetarako "Titulazioaren/esperientziaren betekizuna" zutabean agertzen den esteka (Eginkizunak...) sakatuz , lanpostuaren eginkizun nagusiak jasotzen dituen dokumentu bat eskuratu ahal izango duzu. Informazio hori baliagarria izango zaizu eskatutako esperientzia duzula alegatu ahal izateko.
Kodea | Lanpostua | Plaza kopurua | Taldea | Eranskina | Titulazioaren/esperientziaren betekizuna | |
3112 |
| 1 | I | Filologiako lizentzia / Euskal Filologiako espezialitatea edo baliokidea eta gai horretan urtebeteko irakaskuntza-esperientzia. | ||
3136 |
| 1 | I | Lizentzia edo baliokidea eta 3 urteko esperientzia antzeko eginkizunetan. | ||
3180 |
| 1 | I | Filologiako lizentzia / Euskal Filologiako espezialitatea edo baliokidea. | ||
3222 |
| 1 | I | Arkitektura edo baliokidea eta urtebeteko esperientzia antzeko eginkizunetan. edo Arkitektura teknikoa edo/eta aparejadorea edo baliokidea eta 3 urteko esperientzia antzeko eginkizunetan. edo Goi-mailako Ingeniaritza /Industria Ingeniaritzaren atala edo baliokidea eta urtebeteko esperientzia antzeko eginkizunetan. edo Ingeniaritza Teknikoa /Industria arloa edo baliokidea eta 3 urteko esperientzia antzeko eginkizunetan. | ||
3226 |
| 1 | I | Goi-mailako ingeniaritza edo baliokidea eta urtebeteko esperientzia antzeko eginkizunetan. edo Arkitektura edo baliokidea eta urtebeteko esperientzia antzeko eginkizunetan. edo Ingeniaritza teknikoa edo baliokidea eta 3 urteko esperientzia antzeko eginkizunetan. edo Arkitektura teknikoa edo/eta aparejadorea edo baliokidea eta 3 urteko esperientzia antzeko eginkizunetan. | ||
3230 |
| 1 | I | Goi-mailako ingeniaritza edo baliokidea eta urtebeteko esperientzia antzeko eginkizunetan. edo Ingeniaritza teknikoa edo baliokidea eta 3 urteko esperientzia antzeko eginkizunetan. | ||
3234 |
| 1 | I | Zuzenbideko lizentzia edo baliokidea eta urtebeteko esperientzia antzeko eginkizunetan. | ||
3246 |
| 8 | I | Informatikako Ingeniaritza edo Informatikako Gradua. edo Softwarearen Ingeniaritzako Gradua. edo Zibersegurtasunaren Ingeniaritzako Gradua. edo Konputagailuen Ingeniaritzako Gradua. edo Konputazio eta Adimen Artifizialeko Gradua. edo Informatikako Ingeniaritza Teknikoa eta 2 urteko esperientzia antzeko eginkizunetan. | ||
3247 |
| 2 | I | Informatikako Ingeniaritza. edo Informatikako Gradua. edo Softwarearen Ingeniaritzako Gradua. edo Zibersegurtasunaren Ingeniaritzako Gradua. edo Konputagailuen Ingeniaritzako Gradua. edo Konputazio eta Adimen Artifizialeko Gradua. edo Informatikako Ingeniaritza Teknikoa eta 2 urteko esperientzia antzeko eginkizunetan. | ||
3275 |
| 1 | I | Informatika ingeniaritza edo baliokidea. | ||
3380 |
| 2 | I | Informatika ingeniaritza edo baliokidea. | ||
3524 |
| 1 | I | Informatikako Ingeniaritza edo Informatikako Gradua. edo Softwarearen Ingeniaritzako Gradua. edo Zibersegurtasunaren Ingeniaritzako Gradua. edo Konputagailuen Ingeniaritzako Gradua. edo Konputazio eta Adimen Artifizialeko Gradua. edo Informatikako Ingeniaritza Teknikoa eta 2 urteko esperientzia antzeko eginkizunetan. | ||
3556 |
| 1 | I | Lizentzia edo baliokidea eta urtebeteko esperientzia antzeko eginkizunetan. | ||
3575 |
| 1 | I | Lizentzia edo baliokidea. edo Unibertsitate-diplomatura eta urtebeteko esperientzia antzeko eginkizunetan. Betekizun espezifikoak: Laneko arriskuen prebentzioko goi-mailako teknikaria (ergonomia eta psikosoziologia aplikatuko espezialitatea) | ||
3586 |
| 3 | I | Lizentzia edo baliokidea. edo Goi-mailako ingeniaritza edo baliokidea. | ||
3588 |
| 1 | I | Zuzenbideko lizentzia edo baliokidea eta urtebeteko esperientzia antzeko eginkizunetan. | ||
3704 |
| 1 | I | Lizentzia edo baliokidea eta urtebeteko esperientzia antzeko eginkizunetan. | ||
3734 |
| 1 | I | Zuzenbideko lizentzia eta 3 urteko esperientzia antzeko eginkizunetan edo Zuzenbideko gradua eta 3 urteko esperientzia antzeko eginkizunetan. | ||
3519 |
| 1 | I | Zuzenbidean lizentzia edo baliokidea eta 3 urteko esperientzia antzeko eginkizunetan. | ||
3231 |
| 1 | II | Ingeniaritza Teknikoa edo baliokidea eta 3 urteko esperientzia antzeko eginkizunetan. | ||
3273 |
| 1 | II | Ingeniaritza Teknikoa edo baliokidea. | ||
3401 |
| 2 | II | Unibertsitateko diploma edo baliokidea eta 2 urteko esperientzia antzeko eginkizunetan. | ||
3509 |
| 1 | II | Ingeniaritza teknikoa edo baliokidea. edo 2 urteko esperientzia ikuskatzaile nagusi lanetan. | ||
3512 |
| 1 | II | Ingeniaritza Teknikoa edo baliokidea. | ||
3518 |
| 1 | II | Ingeniaritza Teknikoa edo baliokidea eta 3 urteko esperientzia antzeko eginkizunetan. | ||
3548 |
| 1 | II | Unibertsitateko diploma edo baliokidea eta 3 urteko esperientzia antzeko eginkizunetan. | ||
3269 |
| 3 | III | Sareko Informatika-sistemen Administrazioko goi-mailako teknikaria eta 2 urteko esperientzia antzeko eginkizunetan. | ||
3244 |
| 16 | III | Goi-mailako Lan Batxilergoa edo baliokidea edo Eskola-graduatua edo baliokidea eta urtebeteko esperientzia antzeko eginkizunetan. | ||
3255 |
| 1 | III | Sareko Informatika-sistemen Administrazioko goi-mailako teknikaria eta urtebeteko esperientzia operadore edo moldatzaile gisa. edo Plataforma Anitzeko Aplikazioen Garapeneko goi-mailako teknikaria eta urtebeteko esperientzia operadore edo moldatzaile gisa. edo Web Aplikazioen Garapeneko goi-mailako teknikaria eta urtebeteko esperientzia operadore edo moldatzaile gisa. | ||
3257 |
| 3 | III | Goi-mailako Lan Batxilergoa edo baliokidea edo Eskola-graduatua edo baliokidea eta 2 urteko esperientzia administrazio-lanetan. | ||
3317 |
| 1 | III | LH II Automozio adarra edo baliokidea eta 3 urteko esperientzia ibilgailu langile lanetan. Betekizun espezifikoak: B1 Gidabaimena | ||
3505 |
| 1 | III | LH II Elektrizitatea eta Elektronika adarra edo baliokidea edo LH II Elektrizitatea adarra / Mantentze Elektriko-elektronikoa espezialitatea edo baliokidea eta urtebeteko esperientzia antzeko eginkizunetan. edo 2 urteko esperientzia-mantentze teknikari lanetan. | ||
3506 |
| 1 | III | LH II Metala adarra edo baliokidea edo LH II Eraikuntza eta Obrak adarra edo baliokidea eta urtebeteko esperientzia antzeko eginkizunetan. edo 2 urteko esperientzia arduradun nagusi lanetan. | ||
3507 |
| 1 | III | LH II Elektrizitatea eta Elektronika edo baliokidea eta urtebeteko esperientzia antzeko eginkizunetan edo 2 urteko esperientzia elektrizitatearen arduradun lanetan. | ||
3569 |
| 1 | III | LH II Elektrizitatea eta Elektronika adarra edo baliokidea edo LH II Elektrizitatea adarra / Mantentze Elektriko-elektronikoa espezialitatea edo baliokidea. edo LH I Elektrizitatea adarra / Elektrizitatea espezialitatea edo baliokidea eta 2 urteko esperientzia ofizial elektrikari lanetan. edo LH I Elektrizitatea adarra / Elektronika espezialitatea edo baliokidea eta 2 urteko esperientzia ofizial elektrikari lanetan. edo 3 urteko esperientzia ofizial elektrikari lanetan. edo 3 urteko esperientzia elektrizitate espezialitateko talde buru lanetan. | ||
3164 |
| 2 | IV | LH I, Ostalaritza eta Turismoko adarra/Sukaldaritzako espezialitatea edo baliokidea. edo 3 urteko esperientzia sukaldeko laguntzaile gisa. | ||
3172 |
| 1 | IV | LH I edo 2 urteko esperientzia antzeko eginkizunetan. | ||
3291 | Biltegizaina | 1 | IV | LH I edo Urtebeteko esperientzia langilearen zereginetan. | ||
3294 | Galdaragilea | 1 | IV | LH I, metalaren adarra edo baliokidea. edo 2 urteko esperientzia ofizial galdaragile gisa. | ||
3313 | Mantenuko ofizial mekanikaria | 1 | IV | LH I Metalaren adarra/ Mekanika espezialitatea edo baliokidea. edo 2 urteko esperientzia ofizial mekanikari gisa. | ||
3165 | Atezaina | 1 | V | Eskola-ziurtagiria edo baliokidea. Betekizun espezifikoak: B gidabaimena. | ||
3217 | Ekinbide burua- Ertzaintzaren zerbitzua hobetzeko bulegoa | 1 | I | Soziologia eta Politika-zientzietako lizentzia edo baliokidea eta 3 urteko esperientzia antzeko eginkizunetan |
Deialdi honen xede diren lanpostuetan, 1., 2., 3., 4. eta 4TP hizkuntza-eskakizunak bete behar dira. Euskara jakitea derrigortasun data igarota duten lanpostuetako betekizuna da. Kautelaz onartutzat joko dira derrigorrezko 4. hizkuntza-eskakizuna duten lanpostuetan 3. hizkuntza-eskakizuna egiaztatuta duten pertsonak.
- Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko tratatuen aplikazio-eremuan dauden pertsonek ere parte hartu ahal izango dute, baldin eta tratatu horietan langileen zirkulazio askea aplikatzen bada. Halaber, aurreko paragrafoetan aipatu ez arren, legezko bizilekua Espainian daukaten atzerritarrek ere parte hartu ahal izango dute.
- Gaitasun funtzionala izatea, deialdiko lanpostuetako zereginak betetzeko.
- 16 urte beteta izatea eta nahitaezko erretiro-adina beteta ez izatea.
- Diziplina-espediente batez zehapenik hartu ez izana Administrazio publiko edo autonomia-erkidegoko organo konstituzional edo estatutarioen zerbitzutik bereizita egoteko; ezta, ebazpen judizialaren arabera, enplegu edo kargu publikorako desgaikuntza erabatekoa edo berezia izatea ere, funtzionarioen kidegora edo eskalara iristeko edo, langile lan-kontratudunen kasuan, bereizteari edo desgaikuntzari lotutako lanpostuaren antzeko eginkizunak betetzeko. Beste estatu bateko herritarra izanez gero, hautagaia ezin izango da desgaikuntza-egoeran edo egoera baliokideren batean egon, eta ezin izango du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
- Oinarri espezifikoetan eskatutako titulazioa edota esperientzia izatea, edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
- Indarrean dagoen araubidearen arabera, ezintasuneko edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
- Langileak hautatzeko deialdietako izena emateagatiko 19,78 euroko tasa ordaindu izana.
- Oinarri espezifikoetan eskatzen diren beste betekizun guztiak.
Deialdi honen xede diren lanpostu jakin batzuek beste betekizun espezifiko batzuk izan ditzakete esleituta (B gidabaimena, etab.). Betekizun horiek alegatu egin beharko dira, eta, horretarako, deklarazioa egin beharko da eskabideak aurkezteko epean, eta oinarri espezifikoetan horietako bakoitzerako zehazten den moduan egiaztatu.
Titulazio- eta/edo esperientzia-aukera desberdinen bidez sartzeko aukera ematen duten lanpostuen kasuan, sartzeko baldintzak betetzen dituela alegatzen duen aukera hautatu beharko du eskatzaileak. Aukeratutako aukeraren arabera onartuko da prozedura.
Betekizuna betetzeko titulazioen alegazioa eskabideak aurkezteko epean egindako deklarazioaren bidez egingo da.
Segurtasun Sailean eta Polizia eta Larrialdietako Euskal Akademian egindako zerbitzuak, eskatutako esperientzia egiaztatzeko alegatzen direnak, ofizioz egiaztatuko dira.
Euskal Autonomia Erkidegoko Administrazio Orokorrean eta haren erakunde autonomoetan eta esperientzia egiaztatzeko alegatzen diren gainerako administrazio publikoetan egindako zerbitzuak egiaztatzeko, egiaztagiriaren kopia soil bat aurkeztu beharko da. Dokumentu horrek, administrazio bakoitzak erabakitzen duen ereduan, lan egindako aldiak banakatu beharko ditu, taldea, kidegoa, eskala, mota edo kategoria eta lanpostuaren izena zehaztuz.
Esperientzia justifikatzeko Administraziotik kanpoko esperientzia alegatzen bada, lan-bizitzaren ziurtagiria (GSINek emana) aurkeztu beharko da, bai eta lan-jarduera egin den enpresak edo erakundeak emandako egiaztagiria ere, betetako lanpostuaren izena adierazita.
Hautaketa-sistema lehiaketa izango da, eta prozesuaren kalifikazioa ondoren adierazten den baremoaren arabera emandako puntuen baturak zehaztuko du. Prozesuan jarraitzeko, gutxienez 20 puntu lortu beharko dira.
Esperientzia orokorra.
Esperientzia orokortzat hartzen dira edozein administrazio publikotan – baita Euskal Autonomia Erkidegoko Administrazio Orokorrean eta haren erakunde autonomoetan ere –, erakunde autonomoetan edo zuzenbide pribatuko erakunde publikoetan emandako zerbitzuak, kasuan kasuko titulazio-taldeko lanpostuetan aritzeagatik, kontuan hartu gabe zein den haien arteko harremana: funtzionarioa edo lan-kontratuduna.
Esperientzia horri 15 puntu emango zaizkio gehienez.
Zenbaketa egiteko, azken 25 urteetan lan egindako aldiak batuko dira, eta, behin hori amaituta, hilabete baino gutxiagokoak baztertuko dira.
Esperientzia espezifikoa.
Esperientzia orokorraren baloraziotik bereizita, haren osagarri eta zehaztuta, Segurtasun Saileko eta Polizia eta Larrialdietako Euskal Akademiako lan-kontratudun langileen hitzarmen kolektiboko lanpostuetan emandako zerbitzuak baloratuko dira, gehienez 45 punturekin
Titulazioak.
Sarrerarako alegatutakoaz bestelako titulu akademiko eta/edo unibertsitate-titulu ofizialengatik 12 puntu emango dira gehienez
Eskabideak aurkezteko epea amaitzen den egunean, lanpostuan sartzeko Segurtasun Sailaren lehentasun goreneko lan-poltsetariko batean egoteagatik; lan-poltsa hori Giza Baliabideen Zuzendaritzaren 2022ko urriaren 3ko Ebazpenaren bidez eguneratu zen (2022ko urriaren 17ko EHAA).
Atal hau baloratzeko, kontuan hartuko da soilik langilea benetan sartu den baloratu beharreko lan-poltsan, etenik gabe 2022tik atzerantz, eta gehienez 15 puntu.
Informatikako ezagutzak.
Informatikako ezagutzak gehienez 8 punturekin baloratuko dira. Informatika-ezagutzak IT Txartelaren ziurtapen-sistemaren bidez egiaztatuko dira.
Hizkuntzen ezagutza.
Ingelesa, alemana eta frantsesa jakitea 5 punturekin baloratuko da gehienez.
Euskararen ezagutza
Euskara jakitea lanpostuaren baldintza ez denean baloratuko da.
Eskabide elektronikorako sarbidea eta hautaketa-prozesuaren jarraipena
Eskabidea bide elektronikoz aurkeztuko da Enplegu Publikoaren Atarian, helbide elektriniko honetan: https://www.euskadi.eus/enplegu-publikoa/, bete bitartean emango zaizkizun argibideei jarraituz, Euskal Autonomia Erkidegoko Administrazio Orokorrak onartutako baliabideetako baten bidez identifikatu beharko zara (https://www.euskadi.eus/identifikazio-bitarteko elektronikoak-onartuak/web01-sede/es /), edo, eskabidea bete ondoren, aplikazioak berak emandako aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideetarako, identifikazio elektronikorako onartutako baliabideetako bat eduki beharko da.
- Oinarri Orokorrak
- Oinarri Orokorrak (hutsen zuzenketa)
- Oinarri espezifikoak
- Oinarri espezifikoak (hutsen zuzenketa)
- AGINDUA, 2023ko ekainaren 16koa, Jaurlaritzako lehenengo lehendakariorde eta Segurtasuneko sailburuarena, zeinaren bidez irekitzen baita eranskinetan zerrendatutako lanpostuak 2022ko abenduaren 5eko Aginduaren bidez (2022ko abenduaren 30eko EHAA) deitutako prozeduran betetzeko eskabideak aurkezteko epea. Agindu horren bidez, Euskal Autonomia Erkidegoko Segurtasun Administrazioko zerbitzu laguntzaileetako lan-kontratudunen enplegua finkatzeko salbuespenezko prozesuetarako deialdia egiten da, eta prozesu horiek arautzeko oinarri espezifikoak onartzen dira.
- AGINDUA, 2023ko uztailaren 7koa, Eusko Jaurlaritzako lehenengo lehendakariorde eta Segurtasuneko sailburuarena, 2022ko abenduaren 5eko Aginduan dauden akats materialak zuzentzen dituena. Agindu horren bidez, Euskal Autonomia Erkidegoko Segurtasun Administrazioko zerbitzu laguntzaileetako lan-kontratuko langileen enplegua finkatzeko salbuespenezko prozesuetarako deialdia egitea da, eta prozesu horiek arautuko dituzten oinarri espezifikoak onartzen dira.
- AGINDUA, 2024ko urtarrilaren 23koa, Jaurlaritzako lehenengo lehendakariorde eta Segurtasuneko sailburuarena, zeinaren bidez Segurtasun Saileko Giza Baliabideen Zuzendariari eskuordetzen baitzaizkio Euskal Autonomia Erkidegoko Segurtasun Administrazioko zerbitzu laguntzaileetako lan-kontratuko langileen enplegua finkatzeko salbuespenezko prozesuen oinarri orokorretan esleitutako eskumenak (prozesu horiek 2022ko abenduaren 5eko Aginduaren bidez onartu ziren).
- AGINDUA, 2024ko martxoren 5ekoa, Jaurlaritzako lehenengo lehendakariorde eta Segurtasunekosailburuarena, zeinaren bidez irekitzen baita Euskal Autonomia Erkidegoko SegurtasunAdministrazioko zerbitzu laguntzaileetako langile lan-kontratudunentzat gordetako zenbait lanposturenenplegua finkatzeko salbuespenezko prozeduretan eskabideak aurkezteko epea,2023ko ekainaren 16ko Aginduan xedatutakoa betetze aldera (2023ko ekainaren 30eko EHAA).
Segurtasun-Administrazioko zerbitzu laguntzaileetako lan-kontratuko langileentzat gordetako lanpostuetarako enplegua finkatzeko salbuezpenezko prozesuen deialdian aplikatzen den tasaren ordainketan salbuezpena edo hobaria aplikatzea
Segurtasun Sailak eta AVPEk deitutako hautaketa-prozesuetan izena emateko ordaindu beharreko tasa 19,78 €-koa da. Tasa hori osorik ordaindu beharko da eskaera egiten den unean.
Hautaketa-prozesuetan izena emateagatiko tasen ordainketan salbuespena edo hobaria zehazten duten inguruabar jakin batzuk daude, hala nola:
- % 33ko minusbaliotasun-maila edo handiagoa duten pertsonek, egoera hori egiaztatzen duen ziurtagiria aurkeztu beharko dute eskabidearekin batera.
- Gutxienez deialdia egin baino hilabete bat lehenagotik (kasu honetan, 2023ko ekainaren 30a baino lehenagotik) enplegu-eskatzaile gisa agertzen diren pertsonak. Horretarako, bi dokumentu aurkeztu beharko dituzte egoera hori egiaztatzeko:
- Egoera hori Estatuko Enplegu Zerbitzu Publikoaren bulegoak emango duen ziurtagiri baten bidez egiaztatuko da. Gainera, epe horretan ez dute enplegu-eskaintza egokirik baztertu behar, eta ez diote uko egin sustapen-, prestakuntza- edo birmoldaketa-ekintza profesionaletan parte hartzeari, justifikatutako arrazoirik izan ezean.
- eta, era berean, ez izatea Lanbide arteko Gutxieneko Soldata baino errenta handiagorik hileko zenbaketan. Egoera hori zinpeko aitorpen baten bidez egiaztatuko da, eta bertan baieztatuko da ez dela jasotzen lanbide arteko gutxieneko soldata baino errenta handiagorik.
- Familia ugariak, Familia ugaria babesteko 40/2003 Legearen 12.1.c. Horretarako, eguneratutako titulua aurkeztu beharko dute.
- % 100 kategoria bereziko familietako kideak.
- % 50 kategoria orokorreko familietako kideak.
Salbuespena edo hobaria eragin duten inguruabarretako bat betetzen duen eskatzaileak erreklamazioa aurkeztu ahal izango dio lehen lehendakariordeari eta Segurtasuneko sailburuari, salbuespenaren edo hobariaren xede den zenbatekoa itzultzeko eskatuz. Horretarako, nahitaezkoa izango da dagokion egiaztagiriak aurkeztea. Erreklamazio hori:
- Segurtasun Saileko Giza Baliabideen Zuzendaritzako Langileen Arlora Larrauri-Mendotxe Bidea, 18, 48950 Erandio, Bizkaia helbidera.
- edo, enplegua finkatzeko prozesurako gaitutako postontzi funtzionalera bidali beharko da: epe-segurtasuna@seg.euskadi.eus
Erreklamazioa aurkezteko epea hilabete batekoa da, eskabideak aurkezteko epea amaitzen denetik hasita (2024/04/20tik).
Jarraian, erreklamazio-eredu (PDF, 191 KB) bat erantsi da, eta deialdi bakoitzeko bete behar da.