MISIOA:

Arlorako zehaztutako jardun-ildoen barruan, soluzio integralak diseinatu eta gauzatzea EAEko nekazaritzako elikagaien sektorean eta arrantza-sektorean eskumena duten erakundeentzat eta administrazioentzat, informatikarekin, komunikazioekin eta informazioaren kudeaketarekin zerikusia duten eta parte hartzen duen proiektuak kudeatuz, eta bere egitekoaren azken emaitza jakinarazi eta bere gain hartuz arlo barruko erantzukizun handiagoko lanpostuen aurrean (eta, hala dagokionean, amaierako bezeroaren aurrean).

ERANTZUKIZUN ARLO NAGUSIAK ETA FUNTZIOAK:

• Sektoreari lotutako administrazioen eta erakundeen beharrei erantzungo dieten soluzio teknologiko integralak diseinatzea:
• Bezeroaren arduradunak transmititutako barneko edo kanpoko bezeroaren beharrei/eskaerei erantzutea, oinarri informatiko garrantzitsua duten soluzio integralak diseinatuz, aztertuz eta eratuz.
• Arau-aldaketen, lege-aldaketen eta abarren ondorioz proiektuan sor daitezkeen beharrak detektatzea, baita bezeroaren beraren eskaerei aurrea hartuta ere, eta bezeroaren arduradunari proposatzea.
• Proiektu berriak proposatzea eta aplikazio informatikoen hainbat osagairen mihiztaketa diseinatzea, barneko zein kanpoko bezeroari erantzuteko edo soluzioak emateko, dauden sistemak eta detektatutako behar berriak integratuz.
• Aplikazioen analisi funtzionala egitea (modulu edo zatien eta egituren analisia), Wireframing diseinuko eta pantailak modelatzeko eta datu-baseak diseinatzeko tresna ofimatikoak erabiliz, laneko ohiko inguruneei buruzko ezagutzatik abiatuta (EJ laguntzak, foru-aldundietakoak, lehen sektorea, NPB…).
• Administrazio eta erakunde eskudunekin zerikusia duten bere bezeroen zorrora proiektu berriak ekartzen eta proposatzen parte hartzea
• Proiektuaren beharrak detektatzea, baita bezeroaren premiei aurrea hartuta ere, eta proiektuaren arduradunari proposatzea
• Bezeroarekin proiektua koordinatzeko bilerak egitea.
• Bezeroari proiektua azaltzea.
• Bezeroaren arduradunarekin lankidetzan aritzea proiektuari lotutako informazioa aztertzeko eta dokumentazioa prestatzeko hasierako fasean:
• Proiektuaren dokumentazio ofizialaren (dekretuak, argitalpenak...) azterketa orokorra egitea eta bezeroaren beste proiektu batzuekiko koherentzia bilatzea
• Proiektuari lotutako dokumentazioa zehaztea:
• Bezeroarekin egindako bileren dokumentazioa: (aktak, txostenak...)
• Proiektuaren kronograma
• Proiektuaren aurkezpena koordinatzea ü Analisi funtzionala egitea
• Proiektuaren berezko eskakizunak eta dokumentazioa aztertzea
• Eskakizunak eta horien dokumentazioa aztertzea. Testatzea / probak eta tresnak.
• Analisi organikoa eta bere dokumentazioa egitea.
• Kalitatearen Kudeaketa Sistemak eskatzen duen dokumentazioa prestatzea
•  Sektoreari lotutako administrazio eta erakundeetan esleitutako proiektuen koordinazioan parte hartzea:
• Arduradunarekin batera planifikatzea eta adostea proiektuari esleitutako langileen eta baliabideen beharrizanen aurreikuspena eta kudeaketa
• Azkenean proiektuari esleitutako pertsonak kudeatzea:
• Proiektuari esleitutako langileen denbora-esleipena zehaztea eta horren jarraipena egitea
• Proiektuari esleitutako baliabideen kudeaketa: aurrekontua, baliabide materialak…
• Aplikazioak teknikoki aztertzea:
• Datu-baseak modelatzea, software-ingeniaritzaren ezagutza (UML eta 3 geruzako arkitektura).
• Garapen-plataformen (Java Net eta SQL datu-baseen motorrak —Server, Oracle…—), Hazin bertan garatutako osagaien eta bere sistema- eta komunikazio-azpiegituraren ezagutza mantentzea.
• Soluzio informatikoak ezartzea eta garatzea:
• Kodea aztertzea eta aplikazioaren programazioa idaztea.
• Datu-baseekin, programazio-lengoaiekin eta objektuetarako orientazioarekin moldatzea, elkarlaneko tresnak (Subversion), posta foroak, garapen- inguruneak edo IDEak (Visual Studio, Eclipse) erabiliz. Web inguruneekin, CSS arakatzaileekin eta zerbitzariekin moldatzea.
• Instalazioa:
• Instalazioa eta sistemak (datu-baseak, zerbitzariak, etab.) baliozkotzea eta proiektuaren beharrak arloen artean koordinatzea, beharrezkoa izanez gero.
• Erabiltzaileei aholkularitza teknikoa ematea:
• Aplikazioaren funtzionamenduari eta prozedurei buruz eta haren lan egiteko modurik egokienari buruz aholkatzea.
• Aplikazioen gorabeherak sailkatzea eta aztertzea.
• Erabiltzaileari aplikazioari buruzko aholkularitza teknologikoa ematea.
• Proiektuaren jarraipena egitea:
• Bezeroarekin adostutako kronogramen faseak eta izapideak betetzen direla gainbegiratzea, jarraipena egiteko.
• Proiektuaren eta aldizkako deskarguen martxari buruzko informazioa ematea bezeroari, beste arlo batzuekin eta proiektuari esleitutako langileekin koordinatuta.
• Proiektuaren bilakaera ekonomikoa kontrolatzea, horretarako ezarritako aurrekontuetara egokituta.
• Bezeroaren arduradunari jakinarazita, proiektu jakin batekin egon daitezkeen gatazketan bitarteko izatea.
• Ezarritako soluzio teknologikoen mantentze ebolutiboa egitea eta HAZI Fundazioak kudeatutako bezeroaren aplikazioen datuak ustiatzeko analisi teknikoa egitea:
• Tresna eta teknologia berriak integratzea lehendik dauden tresnetan, eta dagozkion hobekuntzak proposatzea.
• Esleituta dituen sistema informatizatuak mantentzeko eta hobetzeko lanetan buru izatea.
• Bezeroarekin harreman pertsonal eta etengabea izatea, aholkularitza eta optimizazio teknologiko eta funtzionaleko lanak eginez ezarrita dituen sistemei eta denboran zehar sor daitezkeen beharrei buruz.
• Bertsio berriak instalatzeko argitalpenaren jarraipena egitea, horrek dagoeneko instalatuta dauden proiektuen gainean dakarren guztiarekin.
• Proiektuari esleitutako langileek proiektuari buruz emandako informazioaren gaineko erantzukizun osoa bere gain hartzea, datuen jabeak gainbegiratuta. 
• Datuak ustiatu aurreko analisia egitea eta, proiektuan hasieran ezarritakoez gain, datu gehigarriak ustiatzeko behar diren erabakiteknikoak hartzea.
• Partzuergoko proiektuen identifikazioan, definizioan eta garapen teknikoan aktiboki parte hartzea.
• Prestakuntzako eta dibulgaziozko ekintzak ematea.
• Bere ezagutza arloan teknikoki eta gaur egungo egoerari buruz etengabe eguneratzeko jarrera mantentzea.
• HAZI Fundazioko barne-prozesuei buruzko araudia betetzea.

Informatikako Unibertsitate Diplomatura/Gradua.

B2

Baldintza ezinbestekoak eta baztertzaileak:

• Informatikako Unibertsitate Diplomatura/Gradua.
• Lanpostuarekin lotutako funtzionaltasunetan gutxienez 2 urteko esperientzia izatea eskatzen da.
• Ezagutza eta gutxienez urtebeteko esperientzia Oracle datu-basean
• Ezagutza eta gutxienez urtebeteko esperientzia web-garapenetan: Visual Studio, Jquery, Bootstrap
• Euskara B2 mailan edo maila baliokidean.
• B motako gidabaimena.
• Joan-etorrietarako prestasuna.

Honako hauek baloratuko dira:

1.- Lanpostuaren berariazkoak:

Hauen balorazioa idatzizko proba baten bidez egingo da. Baldintza hauek profilean adierazitako ezagutzetan oinarrituko dira:

• NPBren laguntzak izapidetzeko eskumena duten EAEko erakunde eta administrazioen negozio-prozesuak ezagutzea (0-10 puntu)
• Ezagutza aurreratua eta esperientzia NPBren laguntzei lotutako informazio- sistemetan (0-10 puntu)
• Ezagutza aurreratua eta esperientzia proiektuen zuzendaritzan eta haien baliabideen kudeaketan (0-6 puntu)
• EAEko sektore- eta erakunde-sarea ezagutzea (0-2 puntu)
• Esperientzia merkataritza-harremanetan eta bezeroaren beharrak detektatzen, horiekin bat datozen proiektuak eskaintzeari begira (0-4)

Idatzizko probaren fasea gainditzeko, gutxienez 18 puntu lortu beharko dira.

2.- Frogatutako esperientzia:

Frogatutako esperientzia honako baremo hauen arabera baloratuko da:

Lanpostuarekin lotutako funtzionaltasunetan:

• 2 eta 3 urte bitarteko esperientzia (2 puntu)
• 3 urtetik gorako esperientzia (4 puntu)

Oracle datu-basean:

• 1 eta 3 urte bitarteko esperientzia (2 puntu)
• 3 urtetik gorako esperientzia (4 puntu)

Web-garapenetan: Visual Studio, Jquery, Bootstrap:

• 1 eta 3 urte bitarteko esperientzia (2 puntu)
•  3 urtetik gorako esperientzia (4 puntu)

3.- Gaitasunei lotutakoak:

Gaitasunei dagozkien betekizunak baloratzeko, elkarrizketa pertsonala egingo zaie balorazio-fasea proba idatziaren bidez gainditu dutenei (0-16).

Prozesu honen xede den lanpostua betetzeko baloratzea beharrezkotzat jotzen diren gaitasunak honako hauek dira:

• Antolatzeko gaitasuna
• Arazoak konpontzea eta erabakiak hartzea
• Xehetasunei erreparatzea, ikuspegi orokorrarekin batera
• Informazioa biltzea eta aztertzea
• Komunikaziorako eta harremanetarako gaitasuna
• Talde-lana

4.- Prestakuntza osagarria eta hizkuntzak:

Baremo honen arabera baloratuko dira:

• Datuen edo teknologien tratamenduarekin lotutako masterrak, graduondokoak eta antzekoak (2 puntu master bakoitzeko, gehienez 4 puntu)
• Datuen edo teknologien tratamenduarekin lotutako ikastaroak (1 puntu ikastaro bakoitzeko, gehienez 3 puntu). Gutxienez 35 orduko ikastaroak bakarrik zenbatuko dira.
• Euskara C1 mailan (+1 puntu)
• Euskara C2 mailan (+1 puntu)
• Ingelesa B2 (+2 puntu)

Atal bakoitzak honako ekarpen hau egingo du azken balorazioan:

• Idatzizko proba: % 45,1 (gehienez: 32 puntu)
• Esperientzia: % 16,9 (gehienez: 12 puntu)
• Prestakuntza osagarria: % 9,86 (gehienez: 7 puntu)
• Hizkuntzak: % 5,6 (gehienez: 3 puntu)
• Elkarrizketa pertsonala: % 22,54 (gehienez: 16 puntu)

GUZTIRA: % 100 (guztira: 71 puntu)

Hautagaien ezagutzetan eta esperientzian sakontzeko aukera emango duten idatzizko proba eta elkarrizketak egingo dira, eta, horretarako, galderak, kasu praktikoak edo egoki irizten diren bestelako dinamikak egingo dira, profil honetan agertzen diren ezinbesteko eta baloratzeko moduko betekizunetan zentratuta. Ezinbestekoei dagokienez, nahitaezkoa izango da Auzitegiak aldez aurretik ezarritako gutxienekoak gainditzea.

Interesdunek honako helbidera bidali beharko dute hautagaitza OTEIC: seleccion@oteic.com

referencia 3523.