— Elektrizitateko ofizialaren berezko eginkizunak gauzatzea.

— Semaforo-sarearen eta sare elektrikoaren mantentze- eta kontserbazio-lanak egokiak direla kontrolatzea, eta horietan gauzatzen diren linea berriak kontrolatzea.

— Sare elektrikoaren eta semaforo-sarearen mantentze-zerbitzua ematen dela kontrolatzea, zerbitzuaren kontratuan adierazitako baldintzetan.

— Enpresa hornitzaileari ekitaldietarako (jaiak, azokak, etab.) buletinak eskatzea.

— Iturgintza- eta igeltserotza-konponketa txikiak egitea.

— Material elektrikoko eskariak egitea gauzatu beharreko lanetarako eta eskari horien albaranak kontrolatzea.

— Saneamendu-sarea eta euri-uren sarea libratzea.

— Hiri-altzariak jartzeko lanak gauzatzea (zaborrontziak, bankuak, etab.).

— Bide-seinaleak jarri eta galtzadak margotzeko lanak gauzatzea.

— Sasitza kentzeko eta lorezaintzako lanak gauzatzea.

— Obra-brigadaren ibilgailuak gidatzea eta horiek garbi eta egoki mantentzea.

— Prebentzio-baliabide gisa jardutea obra-brigadan. Ofizial Koordinatzailea egongo ez balitz, egon litezkeen arriskuak behar bezala kontrolatzeko beharra adieraziko du eta arrisku horiek ekiditeko beharrezko prebentzio-jarduerak betetzen direla egiaztatu beharko du.

— Ehorzlea eta bere ordezkaria ordezkatzea biak bajan egongo balira edo zerbitzuaren premiazko egoerarik egongo balitz.

— Arlo teknikoko Lanbide Heziketako erdi-mailako gradua edo DBH.

— Beste titulu batzuk: B gidabaimena.

— Oinarrizko BT instalatzailea izateko baimena.

Hautazko izanda 1. hizkuntza-eskakizuna

1. Baldintza orokorrak

Deialdietako kidego eta eskalarako hautaketa-prozesuetan parte hartu ahal izateko, ondoko baldintza orokorrak eta oinarri espezifikoetako baldintzak ere bete behar dituzte:

a) Nazionalitatea: Espainiar nazionalitatea izatea.

a.a) Funtzionario sartzeko prozesuetan, espainiarrekin bezalaxe eta baldintza berdinetan honako hauek ere hartu ahal dute parte, botere publikoa baliatzen edo estatu edo herri administrazioetako interes orokorren zaintzan zuzenean edo zeharka parte hartzen dutenek izan ezik.

a.b) Europar Batasuneko kide den estatuetako baten nazionalitatea dutenak.

a.c) Espainiarren ezkontideak eta Europar Batasuneko kide den estatuetako baten ezkontideak, ezkontidearen nazionalitatea edozein izanik ere, baldin eta zuzenbidez bananduta ez badaude. Era berean, ezkontide bien ondorengoek hartu ahal dute parte baldintza berdinetan, hogeita bat urtetik beherakoak badira edo bestela, adin horretatik gorakoak izanda eguneroko bizimoduan besteren laguntza behar badute.

a.d) Europar Batasunak izenpetu eta Espainiako Estatuak berretsitako nazioarteko itunenei jarraiki, a.a) atalean zehaztutakoaren arabera langileen joan-etorri askea aplikatzekoa zaion estaturen bateko herritartasuna izatea.

b) Gaitasuna: Bete nahi den plazari dagozkion eginkizunak normaltasunez betetzeko behar den gaitasun funtzionala eta psikofisikoa edukitzea eta beren elbarritasun-maila lanpostuaren betebeharrak eta eginkizunak betetzeko oztopo ez dela egiaztatzea, lan arriskuen prebentzioari buruz indarrean dauden arauak aintzat hartuz, lanaren ondoriozko arriskuetatik babesteko lan-egokitzapenak egin behar badira ere.

c) Adina: Hamasei urteak beteta izatea eta derrigorrezko erretiro-adinetik gorakoa ez izatea.

d) Gaikuntza: Herri administrazioen edo Autonomia Erkidegoetako organo konstituzioan edo estatutarioen zerbitzuetatik diziplina-espedientearen bitartez baztertua ez izatea eta, epailearen erabakiz kargu edo enplegu publikoak burutzeko, ezta funtzionarioa izateko ere, gaitasunik gabe utzia ez izatea.

Beste estatu bateko kide direnei dagokienez, gaitasunik gabe utzita edo antzeko egoeran ez egotea, ezta ere bere estatuan enplegu publikoan sartzea eragozten duen diziplina-zigorrik edo baliokiderik izatea.

e) Titulazioa: Deialdiaren lanpostu horretan sartzeko oinarri espezifikoetan eskatutako titulazio akademikoa edukitzea. Atzerrian eskuratutako titulazio akademikoak direnean, euren homologazioa edo baliokidetza egiaztatzen duen ziurtagiria erantsiko da.

f) Ezgaitasun edo bateraezintasuneko lege-kausaren batean sarturik ez izatea, herri-administrazioen zerbitzura dauden langileentzat bateraezintasunen arloan indarrean dagoen araubidearen arabera; hala ere, kargu publikoan jardun edo jarduera pribatu bateraezina egiten dutenek ez dute aukera egiteko eragozpenik izango, aipatutako legezko arauetan adierazita dagoen bezala.

g) Hautaketa-prozesu bakoitzeko oinarri espezifikoetan eskatzen diren gainerako baldintza guztiak.

Eskabideak Udalbatzako presidenteari zuzenduta aurkeztu beharko dira, hogei (20) egun balioduneko epean, deialdiaren iragarkia Estatuko Aldizkari Ofizialean argitaratu eta biharamunetik zenbatzen hasita.

OINARRIAK (PDF, 1 MB)

GAITEGI OROKORRA

1. Espainiako 1978ko Konstituzioa. Printzipio orokorrak. Funtsezko eskubideak eta betebeharrak. Estatuaren antolaketa.

2. Euskal Autonomia Erkidegoaren Autonomia Estatutua: egitura eta eskumenak.

3. Udal-antolakuntza: kontzeptua. Organo motak. Udala. Alkatea. Udaleko Udalbatza. Informazio-batzordeak.

4. Laneko arriskuen prebentzioa: Laneko segurtasun- eta osasun-neurriak. Laneko Arriskuak Prebenitzeko Araudia.

5. Langileen eskubideak laneko arriskuetatik babesteko. Langileen betebeharrak.

6. Emakumeen eta Gizonen Berdintasunerako Legea, Euskal Autonomia Erkidegokoa.

GAITEGI ZEHATZA

1. gaia (JTO-BT-03/05): Instalatzaile baimendunak eta enpresa instalatzaile baimendunak. Dokumentuak eta instalazioak abian jartzea. Egiaztatu eta ikuskatzea.

2. gaia (JTO-BT-06/07): Behe-tentsioan banatzeko aireko eta lurpeko sareak.

3. gaia (JTO-BT-08/11): Energia elektrikoa banatzeko sareetan neutroa eta masak konektatzeko sistemak. Kanpoko argiteria instalatzea. Behe-tentsioan hornitzeko karga-aurreikuspena. Energia elektrikoa banatzeko sareak. Harguneak.

4. gaia (JTO-BT-12/17): Lotura-instalazioak: eskemak. Babesteko kutxa orokorrak. Elikatze-linea orokorra. Banako deribazioak. Kontagailuak: kokapena eta instalazio-sistemak. Aginte- eta babes-gailu orokorrak eta banakoak. Potentzia kontrolatzeko etengailua.

5. gaia (JTO-BT-18/21): Lur-harguneetarako instalazioak. Barruko instalazioak edo hartzaileak: xedapen orokorrak. Instalazio-sistemak. Babes-hodi eta bideragailuak.

6. gaia (JTO-BT-22/24): Gainintentsitateen aurkako babesa. Gaintentsioen aurkako babesa. Zuzeneko eta zeharreko kontaktuen aurkako babesa.

7. gaia (JTO-BT-25/27): Etxe barruko instalazioak: zirkuitu kopurua eta ezaugarriak. Instalazio baldintza orokorrak. Bainuontzia edo dutxa duten lokalak.

8. gaia (JTO-BT-28): Jendea hartzen duten lokaletako instalazioak.

9. gaia (JTO-BT-29/30): Sutea edo eztanda gertatzeko arriskua duten lokaletako instalazio elektrikoetarako baldintza bereziak. Ezaugarri berezidun lokaletako instalazioak.

10. gaia (JTO-BT-31): Xede berezietarako instalazioak: igerilekuak eta iturriak.

11. gaia (JTO-BT-32): Xede berezietarako instalazioak: jaso eta garraiatzeko makinak. Behin-behineko eta aldi baterako obra-instalazioak.

12. gaia (JTO-BT-34/35): Xede berezietarako instalazioak: azokak eta standak. Nekazaritza-eta barazki-establezimenduak.

13. gaia (JTO-BT-36/42): Oso behe-tentsioko instalazioak. Tentsio bereziko instalazioak. Xede berezietarako instalazioak: kirofano eta operazio-geletako instalazio elektrikoen betekizun bereziak. Aziendarentzako hesi elektrikoak. Behe-tentsioa sortzen duten instalazioak. Karabana eta karabana-parkeetako instalazio elektrikoak. Laketontzientzako kaietako instalazio elektrikoak.

14. gaia (JTO-BT-43/46): Hartzaileen instalazioak: xedapen orokorrak. Argiteriarako hartzaileak. Berokuntza-aparatuak. Kableak eta folio erradiatzaileak etxebizitzetan.

15. gaia (JTO-BT-44/49): Hartzaileen instalazioak: Motorrak. Transformadoreak eta autotransformadoreak. Erreaktantziak eta artezgailuak. Kondentsadoreak. Instalazio elektrikoak altzarietan.

Kontuan izan behar da erreferentziazko araudietan aldaketak gerta daitezkeela eskaera-orriak aurkezteko epea bukatu bitartean.