Bitarteko teknikari hauek Ingurumen Zerbitzuko Arduradunaren zuzendaritzapean, ondorengo zeregin zehatz hauek bete beharko dituzte, ustiapen-unitate ezberdinetan banatuta:            

1.    Etxeko hondakin bilketa zerbitzuarekin lotutakoak:  

— Zerbitzu berriak dimentsionatzeko garaian laguntza lanak bete, beharrak identifikatzeko garaian, zerbitzu berrien dimentsionamendua kalkulatzeko, kontratari informazioa pasatzeko, kontratuen aldaketak berridazteko, etab.

— Bilketa plegu teknikoen idazketan parte hartu.            

— Kontratak emandako zerbitzuen kontrolean parte hartu, kamioiek egindako ibilbideak aztertuz, eguneko parteak ikuskatuz, intzidentziak kudeatuz, erabiltzaileen kexak bideratuz, etab.

— Hondakinen Informazio Bulegoko zereginak burutu, herritarrei arreta eskainiaz.

— Kontratak egindako lanengatik pasatako fakturen kontrolean lagundu.

— Gainontzeko lankideekin batera, Zerbitzuan jasotzen diren kexei kasu egin.

2.    Epeleko hondakin ez arriskutsuen zabortegiarekin lotutakoak:

— Ingurumen Baimen Bateratuan ezarrita dauden betebeharrak aurrera ateratzeko laguntza eman: isuritako lixibiatu eta gasen kontrolean, kontrol topografikoa eramateko, urteroko Ingurumen Zaintzarako Programa garatzeko, jarraipen meteorologiko lanak egiteko, onarpen eskaeren Kudeaketan, hondakinen jarraipen frogen kontrolean, etab.        

— IKS-eeM plataformaren barruan, eskaerak kudeatu, onarpenak eman, hondakinen poltsak eguneratu, DMA egin, etab.           

— Ikuskaritza lanetan parte hartu, zabortegiko araudia bete dadin.

— Plataformaren topografia kontrola eramateko datuak jaso.
— Obren kontrolerako jarraipen lanetan parte hartu, obra zuzendaritzarekin batera bilerak eginez, zertifikazioen kontrola eramanaz, obran sortutako arazoak aztertuz, etab.

— Zabortegiko funtzionamendu ona bermatzeko prozedura berriak sortu edota hauen jarraipena egin.

— Zabortegiko erabiltzaileen eskaerak jaso eta aztertu.    

— Obra hondakinak balorizatzeko plantaren Kudeaketa lanetan parte hartu: ikuskaritza lanak egin, onarpenak eman, obra hondakin metaketak kontrolatu, etab.        

— Hirugarrenek, kokapen honetan egindako lan edo horniketengatik sortutako fakturei onespena eman.

— Hilero zabortegian emandako sarrerak fakturatzeko lanetan parte hartu.

3.    Garbigune zerbitzuarekin lotutakoak:

— Instalazio mailan sortutako behar berrien Kudeaketan parte hartu, obra txikiak planifikatuz, instalazio berriak ezarriz, diru laguntzak eskatuz, pleguak idatziz, etab.            

— Jasotzen diren hondakinekin egon daitezkeen irizpide aldaketak kudeatzen lagundu: IKS-eeM sisteman hondakin berriak sartuz, logistika berria planifikatuz, prozedurak idatziz, etab.     

— Zerbitzu honetara lotutako fakturei onespena eman.

— Garbiguneko erabiltzaileak ezarritako kexa eta eskaerak aztertu.

4.    Ingurumen arloko prebentzio, informazio eta sentsibilizazioarekin lotutakoak:

— Hondakinen bilketa selektiboaren, sortze-prebentzioaren, berrerabilpenaren eta birziklatzearen arloko jarduerak, informazio eta sentsibilizazio kanpainak eta materialak sustatu, diseinatu, koordinatu eta jarraipena egin; behar denean, beste erakunde eta entitateekin koordinazioan. Ekintza hauekin erlazionatutako fakturak gainbegiratu eta oniritzia eman.

— Kudeaketa Sistema Integratuen (KSI; Ecovidrio eta Ecoembes) komunikazio fondoak eskuratu, kudeatu eta KSIetara bideratutako materialen jarraipena egin.       

— Erakunde ezberdinetako diru-laguntza programak sistematikoki behatu, baloratu, eskaerak prestatu, jarraipena egin, zuriketa prestatu eta fakturak gainbegiratu.           

— Arrasateko Udalaren Ingurumen Eskolarekin elkarlanean, urtero Debagoieneko ikastetxe guztietan egiten den «Hondakinen problematika aztertzen» kanpaina koordinatu.              

— Herritar edo erabiltzaileen informazio beharrak asetzeko bete behar diren lanak aurrera eraman: web orriaren Kudeaketa eta eguneraketa, mailing-ak, prentsa oharrak, etab.

— Zerbitzuaren jarduera eta funtzionamenduaz urtero laburpenak egin, baita txostenak ere.

— Ingurumeneko zerbitzu guztietako urteko egutegiak prestatzen lagundu (GBN-ak, Epele zabortegia, GBN ibiltaria, traste zaharrak, etab.) eta ezagutzera eman (buzoneoak, herrietako gidak, web orria, mailing-ak, etab.).

5.    Zeregin orokorrak:

— Zerbitzuetako langileei laguntza eman arauak era koordinatuan interpretatu ahal izateko.

— Zerbitzu ezberdinetako langileen egutegiak egiten lagundu.

— Ingurumen arloan irteten diren legedi arau berrien ezarpenean parte hartu: lege testuak aztertu, prozedurak sortu, irizpideak bateratu, etab.

— Horniketak, obrak edota zerbitzu berriak kontratatzeko pleguak idatzi eta aurkeztutako proposamenen balorazioetan parte hartu.

— Lan prebentzio arloan, indarrean dagoen araudia betearazten lagundu, Mankomunitateko prebentzio teknikariak ezarritako agindu eta prozedurak jarraituz. 

— Ingurumen Zerbitzuko artxibo dokumentala kudeatu. 

— Ingurumen Zerbitzuetako bere zereginetan gaurkotuta egon, onuragarriak izan daitezkeen hitzaldi edota ikastaroetara joanez, etab.

— Ingurumen zerbitzuaren barruan eta arduradunaren zuzendaritzapean, arlo teknikoan kokatzen den edozein gaik eskatzen duen lana bete.

Ingurumen Zientziak, Biologia, Kimika, Geologia, Ingurumenarekin lotutako Ingeniaritza edo baliokideren baten gradu titulu ofiziala edo homologatua edukitzea, edo titulua emateko eskubideak ordainduta edukitzea.

Gutxienez euskararen 3. hizkuntza eskakizuna edo baliokidea egiaztatzen duen ziurtagiria izatea.

a)    Europar Batasuneko Estatu kideren bateko nazionalitatea edukitzea, edo, Europar Batasunak egindako eta Espainiako Estatuak berretsitako nazioarteko itunen aplikazioaren arabera, langileen zirkulazio librea aplikatzen zaion Estatu bateko nazionalitatea edukitzea.

Parte hartu ahal izango du, halaber, Europar Batasuneko estatu kideren bateko nazional baten ezkontideak –bere nazionalitatea edozein dela ere– baldin eta zuzenbidez bananduta ez badago, eta baita haren ondorengoek eta ezkontidearen ondorengoek ere, baldin eta bi ezkontideak zuzenbidez bananduta ez badaude, hogeita bat urtetik beherakoak badira edo 21 urtetik gorakoak izanik, haien kontura bizi badira.

b)    16 urte beteta edukitzea eta, hala badagokio, nahitaezko erretirorako gehieneko adina ez gainditzea.

c)    Ingurumen Zientziak, Biologia, Kimika, Geologia, Ingurumenarekin lotutako Ingeniaritza edo baliokideren baten gradu titulu ofiziala edo homologatua edukitzea, edo titulua emateko eskubideak ordainduta edukitzea.

d)    Gutxienez euskararen 3. hizkuntza eskakizuna edo baliokidea egiaztatzen duen ziurtagiria izatea.

Mankomunitateko lanpostuen zerrendako Ingurumen Zerbitzuko teknikari lanpostuek 4. hizkuntza-eskakizuna dutenez nahitaezkoa, 4. hizkuntza-eskakizuna egiaztatzen duten izangaiek izango dute lehentasuna, nahiz eta hautaketa-prozesuan lortutako guztizko puntuazioa txikiagoa izan.

e)    B gidabaimena edukitzea.

f)    Lanpostuari berez dagozkion zereginak betetzeko gaitasun funtzionala edukitzea.

g)    Edozein administrazio publikoren zerbitzutik, konstituzio edo estatutu organoetatik diziplina espediente bidez bereizita ez egotea, ezta, ebazpen judizial baten ondorioz, enplegu edo kargu publikorako desgaikuntza erabatekoa edo berezia izatea ere, bereizia edo desgaitua izan den funtzionario kidegora edo eskalara iristeko.

h)    Abenduaren 26ko 53/1984 Legeak –Herri Administrazioen zerbitzuko Pertsonalaren Bateraezintasunei buruzkoak– ezarritakoaren arabera, ezintasun edo bateraezintasunezko kausa legalen batean sartuta ez egotea, baina lege-arau horrek berorrek aipatzen duen aukera-eskubidea erabil dezakete dagoeneko postu publiko batean daudenek edo bateraezina den jarduera pribatu batean dihardutenek.

Eskari eredua Mankomunitatearen web orrian dago (www.debagoiena.eus). Eskari eredua Mankomunitatearen egoitzan aurkeztuko da, behar bezala beteta, NANaren kopiarekin batera, Arrasateko Nafarroa etorbideko 17 zenbakian dagoen Erregistroan, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan xedatzen diren gainerako moduetako batean.          

OINARRIAK (PDF, 190 KB)

1.      Debagoieneko Mankomunitatearen etxeko hondakinak biltzeko ordenantza arautzailea.

2.      Prebentzio, minimizazio, berrerabilera eta birziklapen printzipioak etxeko hondakinak eta parekoak kudeatzeko hierarkian. Hondakin organikoen tratamendua: konpostatzea eta biometanizazioa. Balorizazio energetikoa eta hondakinen erraustegiak.

3.      22/2011 Legea, uztailaren 28koa, hondakinei eta lurzoru kutsatuei buruzkoa. I. Titulua, II. Kapitulua: Hondakin politikaren printzipioak eta eskumen administratiboak. III. Titulua: Hondakinen ekoizpena, jabetza eta Kudeaketa. V. Titulua: Lurzoru kutsatuak.

4.      1/2016 Legegintzako Errege Dekretua, abenduaren 16koa, Kutsaduraren Prebentzio eta Kontrol Integratuaren Legearen testu bategina onartzen duena (IPPC). III. Titulua: Ingurumen baimen integratuaren araubide juridikoa, I. Kapitulua: Helburua eta aplikazioa, eta I. Eranskina, Ingurumen Baimen Integratuari men egin beharreko instalazioei buruzkoa.

5.      49/2009 Dekretua, otsailaren 24koa, hondakinak hondakindegietan biltegiratuta eta betelanak eginda ezabatzea arautzen duena. II. Titulua: Hondakindegiak, I. Kapitulua: Hondakindegi motak eta hondakinen onarpena, eta II. Eranskina: Hondakindegietan hondakinak onartzeko prozedura eta irizpideak. II. Titulua: Hondakindegiak, IV. Kapitulua: Hondakindegiak kontrolatu eta zaintzeko prozedura, eta IV. Eranskina: Kontrol eta zaintze prozedurak, ustiapen fasean eta ondorengo mantentze fasean.

6.      110/2015 Errege Dekretua, otsailaren 20koa, gailu elektrikoen eta elektronikoen hondakinei buruzkoa. IV. Kapitulua: GEEHak jasotzea, eta V. Kapitulua: GEEHen tratamendua. VII. eranskina: GEEHak jasotzeko eta garraiatzeko baldintzak, VIII. eranskina: Biltegiratzeko baldintzak, GEEHak jasotzeko zatikiak eta GEEHen sailkapena LEER-RAEE kodeen arabera, IX. eranskina: Berrerabiltzeko prestatzeko baldintza teknikoak.

7.      Laneko arriskuen prebentziorako legea. III. Kapitulua: Eskubideak eta betebeharrak. V. Kapitulua: Kontsulta eta parte hartzea.