Idazkaritza nagusiaren bulegoko arduraduna
Gipuzkoa
Erakundearen defentsan parte hartzea eta lege- eta administrazio-alderdi guztietan aholkulari juridikoari eta/edo erakundeko idazkaritzari laguntzea.
Funtzio nagusiak:
• Instantzia edo auzitegi guztien aurrean erakundearen defentsan laguntzea.
• Prozedurak (zigortzaileak, baimenak, kontratazioak, aseguruak, ondarea, proiektuak, obrak eta emakidak) betetzearekin zerikusia duten espedienteen izapideak koordinatzea eta haien segimendua egitea.
• Erakundeak parte hartzen duen kontratuen deialdirako, esleipenerako eta segimendurako izapide administratiboen segimendua koordinatzea eta egitea.
• Hiri-antolamenduko plan orokorrekin, plan bereziekin eta portuko lekuak erabiltzeko planekin zerikusia duten izapide administratiboen segimendua koordinatzea eta egitea.
• Kanpoko erakunde ofizial eta profesionalekin dauden harremanak kudeatzea.
• Erakundeko gobernu- eta kudeaketa-organoei laguntza juridiko-administratiboa ematea bilerei eta hartutako akordioei dagokienez.
• Espedienteen eta araudiaren fitxategiaren kudeaketa koordinatzea eta gainbegiratzea eta erakundeko erregistro-prozedurak gainbegiratzea.
• Gainerako sailei arlo juridikoan aholku ematea.
• Bere lanpostuaren esparruan ezarritako segurtasuneko, datuak babesteko, hizkuntza normalizazioa, kalitateko eta ingurumeneko politikak betetzen direla zaintzea.
• Bere jarduerarekin zerikusia duten txostenak, azterketak, proiektuak eta aurrekontuak egitea eta haietatik eratorritako dokumentazio administratiboa kudeatzea.
• Bere funtzioen edukiarekin zerikusia duten jardueretan sailei laguntzea.
• Esleitutako baliabide materialak eta giza baliabideak kudeatzea, eta, horretarako, bere funtzioak egiteko erabilgarri dituen baliabide guztiak erabiltzea.
• Lanpostuaren zereginarekin zerikusia duen jarduera oro.
• Lanpostua Kontratazio Zerbitzuari atxikita dagoenez, berariaz jasota geratzen da kontratazio elektronikorako administrazio-izapidetzea Sektore Publikoko Kontratazio Plataformaren bidez, bai eta pleguak idazteari lotutako eginkizunak eta kontsultak eta erreklamazioak ebaztea ere, Pasaiako Portuko Agintaritzaren kontratazio publikoko prozeduren barruan.
Unibertsitate Gradu edo Lizentziatura Zuzenbidean
3HE
Gutxienez 16 urte izatea.
Nazionalitatea eta funtzio publikoak betetzeko gaitasuna.
Lanposturako gaitasun físiko eta psikikoa.
Onartutako hautagaiak oposizio fasearen probak gainditu beharko dituzte.
Dokumentazioa Pasaiako Portu Agintaritzaren egoitza elektronikoan
https://pasaiaport.sede.gob.es/
dagoen erregistro elektronikoan txertatu ahal izango dute, "Erregistro elektronikoa" esteka sakatuz. Izapidea elektronikoki osatzeko, indarrean dagoen ziurtagiri elektroniko batekin sartu behar da (NAN-e barne), edo cl@ve PIN24H edo cl@ve sistema iraunkor baten bidez.
Parte hartzeko eskaerak aurkezteko, beharrezkoa da PCan Autofirma programa instalatuta izatea. Eskaera sinatu eta aurkeztu ondoren gehitutako dokumentazioarekin, sistemak egiaztagiri bat eskainiko du. Sistemak ez badu egiaztagiririk ematen, esan nahi du eskaera ez dela behar bezala aurkeztu eta, beraz, ezin dela onartutzat jo.