Harreragile
Gipuzkoa
—Udal kirol instalazioetarako abonuak egitea: Abonatuen fitxak izapidetzea, mota guztietako datuak euskarri informatikoan tratatzea, txartelak egitea, jakinarazpenak prestatzea, tasak kobratzea eta itzulketak izapidetzea, kirol-eremuak erreserbatzea, bidalketak sortu eta egiaztatzea…
—Erabiltzaileei kirol-zerbitzuari buruzko guztiaren berri ematea, inskripzioak egitea, erreserbak, fitxak, informazio-kartelak eta Udalak onartutako prezio publikoak kobratzea. Horretarako eskura dauden bitartekoak erabiliko ditu: aplikazio informatikoa, esku-orriak, inprimakiak, seinaleak, iragarki-taula, megafonia, telefonoa,…
—Erabiltzaileen asistentzia kontrolatzea, irakasleekin elkarlanean eta programa informatikoaren bidez. Bertaratutakoen zerrendak egitea.
—Kutxako dirua egunero zenbatzea eta emaitza jasotzea.
—Mantentze-laneko zerbitzuari, irakasleei, garbiketako zerbitzuari,… laneko oharrak banatzea.
—Kirol instalazioak irekitzea eta ixtea, ezarritako egutegiaren eta ordutegiaren arabera. Argiak piztu eta itzali direla eta alarmen, klimatizazioaren eta abarren funtzionamendua egiaztatzea, horiek irekitzeko eta ixteko nahitaezko tarteak zainduz.
—Instalazioetara sartzen diren pertsonen eta taldeen sarbidea kontrolatzea; instalazioen egoera pertsonalki edo telebista-zirkuituaren laguntzarekin zaintzea, ondo erabiltzen direla eta ezarritako ordutegiak betetzen direla ziurtatuz.
—Herritarrei erantzuteko egin beharreko izapide administratibo guztiak egitea. Hona hemen adibide batzuk: Instalazioetara sartzeko txartelak eta bitartekoak ematea, ikastaroetan ematen diren alta eta bajak izapidetzea, pistak eta instalazioen erreserbak jasotzea,….
—Abonatuen eta, oro har, herritarren eskaerak eta galderak erantzutea, aurrez aurre zein telefonoz (inskripzioak, erreklamazioak, pistak erreserbatzeko eta alokatzeko eskaerak,….).
—Materialak eta instalazioak zaintzea, eta materialaren entrega, erabilera eta itzulketa kontrolatzea. Materialetan eta instalazioetan hondatze premiagabeak edo arriskutsuak eman ez daitezela zaintzea.
—Ekipamenduen kontserbazio-egoera eta funtzionamendu egokia egiaztatzea, horretarako ekipamendua bertatik bertara ikuskatuz edo neurketa-tresnak irakurriz. Segidan, antzemandako akatsak konpondu, kontsumigarriak eta produktu kimikoak berrezarri edo konpontzera etor daitezen abisua eman. Askotariko kontsumoen datuak hartzea.
—Instalazioetan antzemandako anomalia guztien berri zuzendaritzari edo mantentze-laneko arduradunari ematea; halaber, mantentze-lanen agendan instalazioetan gertatzen diren matxura edo apurketak jasotzea.
—Instalazioan dagoen edozein enpresa, klub, federazio edo langileri laguntza eskaintzea eta haien lana erraztea, hori eragozten duten oztopoak gainditzeko elkarlanean arituz.
—Instalazioetan erabiltzaileen sarrera eta zirkulazio egokia kontrolatzea, Zerbitzuen Araudia eta ezarritako ordutegiak eskura dituzten bitarteko guztiak jarriz.
—Instalazioetan gertatzen diren gorabehera guztien zerrenda bat egitea eta erreklamazioei lehen instantzian erantzutea.
—Kasu zehatzetan eta salbuespenezkoetan garbiketa-lan puntualak egitea, garbiketaz arduratzen diren langileak instalazioetan ez daudenean. Horretarako erabiliko diren baliabideak garbiketa-lanaz arduratzen den enpresarenak izango dira.
—Instalazioetan energia elektrikoaren, erregaiaren, uraren eta abarren ahalik eta gastu txikiena sortzen dela zaintzea.
—Era berean, agintzen zaizkion zereginak egitea, lanpostuan sartzeko eta jarduteko eskatzen den kualifikazioarekin bat etorriz, aurretik zerrendatutakoak alde batera utzi gabe.
DBH-ko gradu-titulua edo baliokidea izatea.
2. Hizkuntza-Eskakizuna edo baliokidea izatea.
a) Espainiako nazionalitatea izatea, Espainian legezko bizilekua izatea edo Europar Batasuneko estatu kide diren estaturen bateko nazionalitatea izatea, baldin eta, Europar Batasunak izenpetu eta Espainiako estatuak berretsitako nazioarteko tratatuen arabera, langileen zirkulazio askea aplikatzekoa bada, Europako Erkidegoa eratzeko Tratatuan zehaztutako moduan.
Halaber, parte hartu ahal izango dute Europar Batasuneko estatu kideetako herritarren ezkontideek, zuzenbidez bananduta ez badaude, bai eta haien ondorengoek eta ezkontideen ondorengoek ere, baldin eta bi ezkontideak zuzenbidearen arabera bananduta ez badaude, 21 urtetik beherako ondorengoak izan edo adin horretatik gorakoak izan, eta haien kontura bizi badira (5/2015 LEDko 57. artikulua).
b) Aurretiazko eskaera egitea.
c) Lanpostuari dagozkion ohiko lanak betetzeko gaitasun funtzionala edukitzea.
d) Hamasei urte beteta izatea eta, hala badagokio, nahitaezko erretiroa hartzeko gehieneko adina ez gainditzea.
e) Diziplinako espediente bidez edozein administrazio publikotako edo autonomia-erkidegoetako konstituzio- edo estatutu-organismotako zerbitzutik bereizita ez egotea; halaber, ebazpen judizial bidez enplegu edo kargu publikoetarako desgaikuntza absolutu edo berezirik ez izatea, funtzionarioen kidego edo eskaletan sartzeko.
Beste Estatu bateko herritarra izanez gero, desgaituta edo egoera baliokidean ez egotea, eta bere Estatuan baldintza berberetan enplegu publikorako sarbidea eragozten duen diziplina-zehapenik edo zehapen baliokiderik ez izatea.
f) DBH-ko gradu-titulua edo baliokidea izatea edo eskuratzeko moduan egotea eskabideak aurkezteko epea amaitzen den egunean.
Titulazioa atzerrian lortu duten izangaiek dagokion baliozkotzea edo, hala badagokio, homologazioa egiaztatzen duen egiaztagiria dutela egiaztatu beharko dute.
g) Herri Administrazioen zerbitzuko langileen bateraezintasunen arloan indarrean dagoen araudian aurreikusitako ezgaitasun edo bateraezintasuneko legezko kausaren batean sartuta ez egotea; nolanahi ere, kargu publiko bat edo jarduera pribatu bateraezin bat betetzen ari direnek aipatutako lege-arauetan aipatzen den aukera-eskubidea baliatu ahal izango dute.
h) Hautaketa-prozesuan 2. Hizkuntza-Eskakizuna edo baliokidea izatea egiaztatzea, edo hautaketa-prozesu honetan horretarako deitzen diren egiaztapen-probak gainditzea. Eskakizun hori hautaketa-prozesu honetako hizkuntza-eskakizuna egiaztatzeko proba egiten den egunean bete beharko da.
Legazpiko Udalaren egoitza elektronikoan, www.legazpi.eus webgunean.
Legazpiko Udalaren Erregistro Orokorrean (Herritarrentzako Arreta Bulegoa).
Halaber, eskabideak aurkeztu ahal izango dira Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan adierazitako administrazio publikoen erregistroetan, hargatik eragotzi gabe 39/2015 Legearen laugarren xedapen iragankorrean xedatutakoa. Udaleko Alkatetzara zuzenduko dira, eta dagokion funtzionarioak data eta zigilua jarri beharko dizkie, eskabideak aurkezteko epearen barruan.
1. gaia. Espainiako Konstituzioa. Printzipio orokorrak. Oinarrizko eskubide eta betebeharrak.
2. gaia. Estatuaren lurralde-antolaketa. Autonomia erkidegoak. (Espainiako Konstituzioaren VIII. Titulua).
3. gaia. Tokiko korporazioen zerbitzura dauden langileak. Motak. Eskubideak eta betebeharrak. (5/2015 Legegintzako Errege-Dekretua, urriaren 3koa, Enplegatu Publikoaren Oinarrizko Estatutuaren Legearen testu bategina onartzen dueña, II. Titulua, III. Tituluko I. kap. eta VI. kap.).
4. gaia. Udal Organoak: Alkatea, alkateordeak, Udalbatzarra eta Tokiko Gobernu-batzordea. (2/2016 Legea, apirilaren 7koa, Euskadiko Toki Erakundeena eta 7/1985 Legea, apirilaren 2koa Tokiko araubidearen oinarriak arautzen dituena).
5. gaia. Udalerria. Elementuen definizioa. Udal biztanleria. Biztanleen errolda. Udal-eskumenak (2/2016 Legea, apirilaren 7koa, Euskadiko Toki Erakundeena eta 7/1985 Legea, apirilaren 2koa Tokiko araubidearen oinarriak arautzen dituena).
6. gaia. 39/2015 Legea, urriaren 1ekoa, Administrazio Publikoen Administrazio Prozedura Erkidearena: prozedurako interesdunak, administrazio-egintza: betekizunak, eraginkortasuna, deuseztasuna eta deuseztagarritasuna. Ebazteko betebeharra eta administrazio-isiltasuna. Administrazio-prozedura, prozeduraren erregulazioa, printzipioak eta faseak (I. Titulua, II. Titulua, III. Titulua, IV. Titulua).
7. gaia. Jendeari arreta egitea. Zerbitzu publikoaren kontzeptua. Komunikazio-prozesu baten oinarrizko elementuak. Arreta eraginkorra. Kexa, erreklamazio eta iradokizunei erantzutea. Telefono bidezko arreta.
8. gaia. Komunikazioa. Komunikazio motak. Komunikazioa lan-tresna gisa. Komunikazio-estiloak. Hizkuntza komunikabide gisa. Gizarte-trebetasunak telefono bidezko komunikazioan. Telefono-arretako bikaintasun-teknikak. Entzute aktiboa. Berrelikadura. Komunikazio-akatsak. Hitzik gabeko komunikazioa. Hizkuntzan alterazioak dituzten erabiltzaileekiko komunikazioa: dislexia, toteltasuna, arazo neurologikoak.
9. gaia. Sektore publikoaren funtzionamendu elektronikoa (40/2015 Legea, urriaren 1ekoa, Sektore Publikoaren Araubide Juridikoarena. Atariko titulua, V. kapitulua).
10. gaia. 10/1982 Legea, azaroaren 24koa, Euskararen erabilpena arauzkotzeko oinarrizkoa.
11. gaia. 3/2007 Lege Organikoa, martxoaren 22koa, emakumeen eta gizonen berdintasun eraginkorrerakoa. (I. Titulua, II. Titulua).
12. gaia. 31/1995 Legea, azaroaren 8koa, Laneko Arriskuen Prebentzioari buruzkoa. 54/2003 Legea, abenduaren 12koa, lan-arriskuen prebentzioari buruzko arau-esparrua aldatzen duena.
13. gaia. 3/2018 Lege Organikoa, abenduaren 5ekoa, Izaera Pertsonaleko datuen babestekoa eta eskubide digitalak bermatzekoa: xedapen orokorrak, printzipioak eta pertsonen eskubideak.
14. gaia. 19/2013 Legea, abenduaren 9koa, gardentasunari, informazio publikoa eskuratzeari eta gobernu onari buruzkoa: jarduera publikoaren gardentasuna (I. Titulua).
15. gaia. Dokumentuen sarrera- eta irteera-erregistroen antolaketa eta funtzionamendua EAEn.
16. gaia. 23/2003 Dekretua, otsailaren 18koa, erabilera kolektiboko igerilekuen osasun-araudia onartzen duena. 208/2004 Dekretua, azaroaren 2koa, erabilera kolektiboko igerilekuen osasun-araudia aldatzen duena.
17. gaia. Autokontrol-plana. Bikuña kiroldegiko autobabeserako plana.
18. gaia. Udal kirol-instalazioak. Udal kirol-instalazioen erabiltzaile motak. Erabiltzaileen eskubideak eta betebeharrak.
19. gaia. Legazpiko kirol-klubak eta -elkarteak. Kirol ikastaroak eta kanpainak. Instalazioen erreserba.
20. gaia. Legazpiko kale-izendegia eta eraikin esanguratsuenak.