Goi-mailako Teknikaria komunikazioa eta IKTak
Bizkaia
— Negozioari lotutako datuak eta analitika kudeatzea eta zuzentzea, BGPri zuzendutako garraio publikoaren digitalizazioan eta datuaren kulturarantz (data driven) aurrera egiteko.
— Erakunde baten datuen diseinuaren, mantentzearen eta berrerabiltzearen ardura hartzea.
— Datuen elkarreragingarritasunaren kalitatea bermatzeko protokoloak eta estandarrak definitzea.
— Bizkaiko garraio publikoaren datu guztiak zentralizatzeko eta bateratzeko tresnak eta plataformak kudeatzea, BGPri irekitako formatu estandarretan.
— Datu pertsonalen babesari buruzko araudia ezagutzea, beharrezkoa den prozesu guztietan aplikatzeko.
— Garraio-sistemaren datuak lortzeko prozesuan eboluzionatzeko ardura, datuak denbora errealean lortzeari begira.
— Egituratu gabeko informazio-iturri berrietan batzea errazteko tresnak diseinatzea, sare sozialetako edukia, esaterako, eta teknologia berriak aplikatzea informazioa ikusaraztea errazteko.
— Data analytics tresnen diseinuaren eta mantentzearen ardura hartzea.
— Machine learning tresnak diseinatzea eta diseinua gainbegiratzea, datuen analisia eta iragarpen- eta optimizazio-ereduak hobetzeko aukera izateko.
— Datuen eta datuak sortzen dituzten sistema zentralen kalitatea, zehaztasuna eta finkotasunaren ardura hartzea.
— Garraio-txartelen eta -tiketen datuen egitura diseinatzea, kudeatzeko, ustiatzeko eta eboluzionatzeko modalitate eta euskarri guztietan.
— Bizkaiko garraio publikoko operadore guztien sistema zentralen datuen egitura diseinatzea, kudeatzeko, ustiatzeko eta eboluzionatzeko.
— Beharrezkoa denean eta baldintzatzaile berriek hala eskatzen dutenean, Barik sistemaren segurtasun-plataforma osatzen duten osagaien jarraipena, kudeaketa, berrikuspena eta egokitzapena egitea.
— BGPren aplikazioak (Barik, ibilbideen planifikatzaileak, erabiltzaileen oharrak…) diseinatzea, ezartzea, zabaltzea, homologatzea, kudeatzea eta gainbegiratzea plataforma guztietan.
— Aplikazioen data analytics tresnen kudeaketaz arduratzea.
— Ordainketa-baliabide digitalen eta horiek aplikazio eta plataformetan integratzearen ardura hartzea.
— Barik sistemaren eta kudeaketa-tresnen web-ataria diseinatzea, kudeatzea eta egokitzea.
— Teknologia berriak erabiltzea Barik sistema modernizatzeko (baliozkotzea, onboarding…).
— Tarifen Kudeaketa eta Koordinazio Zerbitzuaren barruan eskatzen den titulazioarekin zerikusia duten eta eskatzen diren beharrezko beste lan, garapen, aholkularitza eta kudeaketako lan guztiak.
Informatika Ingeniaritza edo Informatika Lizentziatura edo Telekomunikazio Ingeniaritza edo Graduko baliokidea.
Derrigorrezkoa den III. hizkuntz eskakizuna
a) Nahitaez ondoko egoeretako batean egotea:
— Europar Batasuneko estatu kideetako bateko herritarra izatea.
— Ezkontidea izatea espainiar naziotasuna edo Europar Batasuneko estatu kideetako bateko naziotasuna duena, betiere zuzenbidez bananduta ez badaude, baita seme-alabek edo ezkontidearen seme-alabek ere, baina horiek ere zuzenbidez bananduta ez badaude, hogeita bat urte baino gazteagoak badira edo adin hori baino helduagoak baina inoren menpean badaude.
— Europar Batasunak sinatutako eta Espainiak berretsitako nazioarteko itunen ezarpen-eremuaren barruan egotea, betiere haietan langileen zirkulazio askea ezar badaiteke.
b) Hamasei (16) urte beteta eduki behar dira eta derrigorrezko erretirorako adinera iritsi gabe egotea.
c) Eginkizunak betetzeko gaitasun funtzionala edukitzea.
d) Diziplinazko espediente baten bitartez administrazio publikoetarik edozeinen zerbitzutik bereizita ez egotea, ezta epailearen ebazpen baten bidez lan edo kargu publikoak betetzeko zein funtzionarioen kidego edo eskalean sartzeko erabat ezgaitua egotea ere. Beste estatu bateko kidea izanez gero, ezgaitua edo egoera baliokidean ez egotea, ezta norberaren estatuan baldintza berberetan lan publikora iristea eragozten duen diziplinazko zigorrik edo antzekorik edukitzea ere.
e) Eskatutako titulazioa edukitzea eta oinarri berezietan agertzen diren baldinttzak betetzea. Hautagaiek atzerrian lortu badituzte titulazioak, baliozkotze egokia edo —hala denean— homologazioaren ziurtagiria dutela egiaztatu beharko dute.
f) Oinarri berezietan errazitako gainerako baldintza guztiak betetzea.
Bizkaiko Garraio Partzuergoaren erregistroan (Ugaskobidea, 5-bis.ean, 48014 Bilbon) aurkez daitezke.
Era berean, urriaren 1eko 39/2015 Herri Administrazioen Prozedura Administratibo Erkidearen Legearen 16.4. artikuluan ezarrita dauden tokietarik edozeinetan ere aurkeztu ahal izango dira.
Baliabide elektronikoak erabilita, (Lan Publikoaren Eskaintza) web orriaren bidez www.ctb.eus