EPE Euskadiko Administrazio Orokorra

1.    Udal eraikinetako komunen garbiketa eta desinfekzioa egitea; komuneko papera, xaboia eta eskuzapiak birjartzea.

2.    Geletako lurrak eta paretak garbitzea.

3.    Eskailera, helduleku eta sarrera-irteerak garbitu eta desinfektatzea.

4.    Mahai eta aulkien garbiketa egitea.

5.    Hautsa kentzea.

6.    Kristal eta azulejuak garbitu eta desinfektatzea.

7.    Eraikuntza lanen ostean hondakinak kentzen direnean, haien garbiketaz arduratzea.

8.    Gaikako hondakinen bilketa lanen baitan, edukiontzien garbiketa egitea.

9.    Eraikinak itxita daudenean garbiketa orokorrak egitea.

10.    Zaborrak ateratzea.

11.    Garbiketako karroetan materiala birjarri eta garbitzea.

12.    Garbitzen diren eraikinetako alarmak konektatu eta leiho eta ate guztiak itxi direla egiaztatzea.

13.    Aurreko guztiaz gain, Zestoako Udalak agintzen dizkion bestelako eginkizunak betetzea, Udalaren helburuak lortzeko; betiere, bere gaitasun eta prestakuntza profesionalaren arabera.

Eskola ziurtagiria edo baliokidea izatea, edo titulua eskuratzeko eskubideak ordainduta izatea.
Atzerrian eskuratutako titulazioen kasuan, dagokion baliozkotzea edo, hala badagokio, homologazioaren egiaztagiria eduki behar da.

Euskarako 1. hizkuntza eskakizuna (B1) egiaztatzen duen agiriaren jabe izatea, edo, hala badagokio, zortzigarren oinarrian ezarritakoaren arabera eskuratzea.

a)    Europar Batasuneko estatu kide bateko nazionalitatea edukitzea, edo Europar Batasunak egin eta Espainiar Estatuak berretsitako nazioarteko hitzarmenen bidez langileen zirkulazio askea duten estatuetakoa izatea.

Parte har dezakete, halaber, Europar Batasuneko estatu kideetako nazionalitatea dutenen ezkontideek, duten nazionalitatea dutela, baldin eta zuzenbidez bananduta ez badaude, eta baita nazionalitate hura dutenen ondorengoek eta haren ezkontide zuzenbidez banatu gabearen ondorengoek ere, 21 urte baino gutxiago badituzte, edota gehiago izanik ere haien kontura bizi badira.

b)    16 urte beteak edukitzea eta derrigorrez erretiratzeko adina ez gainditzea.

c)    Eskola ziurtagiria edo baliokidea izatea, edo titulua eskuratzeko eskubideak ordainduta izatea.
Atzerrian eskuratutako titulazioen kasuan, dagokion baliozkotzea edo, hala badagokio, homologazioaren egiaztagiria eduki behar da.

Baldintza hori ez zaie eskatuko beren kualifikazio profesionala, profesio arautuen esparruan, Europako Batasuneko Zuzenbideko xedapenen babesean aitortua duten izangaiei. Izangaiei dagokie aitorpen hori egiaztatzea.

d)    Euskararen 1. hizkuntza eskakizuna (B1) egiaztatzen duen agiriaren jabe izatea, edo, hala badagokio, zortzigarren oinarrian ezarritakoaren arabera eskuratzea.

e)    Postuak berezkoak dituen funtzioak betetzeko gaitasun funtzionala izatea, eragotzi gabe aniztasun funtzionala duten pertsonen eskubideei eta haien gizarteratzeari buruzko Lege Orokorraren testu bategina aplikatzea, azaroaren 29ko 1/2013 Legegintzako Errege Dekretuak onartutakoa. Bere garaian egiaztatu beharko da eskakizun hori betetzen dela dagozkion hautaketa probak gaindituz eta Udalak berariaz ezarritako zerbitzuetan dagokion osasun azterketa ere gaindituz.

f)    Diziplinazko espedientearen bidez edozein administrazio publikoetako edo organo konstituzionaletako edo autonomia erkidegoetako organo estatutarioetako zerbitzutik baztertuta ez egotea; eta ebazpen judizial bidez ezgaitasun erabatekoa edo berezia ez izatea enplegu edo kargu publikoetarako, baztertua edo ezgaitua izan den funtzionarioen kidegoan edo eskalan sartzeko.

Beste estatu bateko nazionalitatea izanez gero, ezgaitua edo egoera baliokidean ez egotea, eta ez izatea diziplina-zehapenik edo baliokiderik, dagokion estatuan baldintza berberetan enplegu publikora iristea eragotziko duenik, hain zuzen.

g)    Indarrean dagoen araudiaren arabera, abenduaren 26ko 53/1984 Legearen arabera, legezko ezgaitasun edo bateraezintasun kasuren batean ez egotea, betiere legeak ematen duen aukeratzeko eskubidea alde batera utzita.

• Zestoako Udalaren erregistro elektronikoan (www.zestoa.eus).

• Zestoako Udaleko harrera bulegoan.
•  Era berean, eskabideak Administrazio Publikoen Administrazio Prozedura Erkidearen 2015eko urriaren 1eko, 39/2015 Legeak 16.4. artikuluak aipatzen duen edozein tokitan aurkeztu ahal izango dira.

OINARRIAK (PDF, 185 KB)

GAITEGI OROKORRA

1. 7/1985 Legea, apirilaren 2koa, Toki-araubidearen oinarriak arautzen dituena.
— I. titulua. Xedapen orokorrak.
— II. tituluko II. Kapitulua. Antolakuntza.

2. 39/2015 Legea, urriaren 1ekoa, Administrazio Publikoen Administrazio prozedura erkidearena.
— I. titulua. Prozedurako interesdunak.
— II. titulua. Herri-administrazioen jarduera.

3. Enplegatu Publikoen Oinarrizko Estatutua. 5/2015 Legegintzako Errege Dekretua, urriaren 30ekoa.
— II. titulua. Administrazio publikoetako langileak.

— III. tituluko I. eta VI. kapituluak. Eskubidea. Enplegatu publikoen eginbeharrak. Jokabide kodea.

— VII. titulua. Diziplina araubidea.

4. Eusko Legebiltzarraren 4/2005 Legea, otsailaren 18koa, Emakumeen eta Gizonen Berdintasunerakoa.
— Atariko titulua. Xedea, aplikazio eremua eta emakumeen eta gizonen berdintasunaren arloan herri aginteen jarduna zuzendu behar duten printzipio orokorrak.

5. Udal antolamendua: udal organoak. Udal eskumenak.

GAI ZERRENDA ESPEZIFIKOA

1.    Garbitasuneko tresneria. Garbitasunerako oinarrizkoak diren erremintak eta tresnak.

2.    Zoruaren oinarrizko tratamendua. Bainugela eta komun publikoen garbitasuna.

3.    Garbitzeko sistemak.

4.    Eraikin publikoen garbiketa.

5.    Garbitasunarekin lotutako alderdi ekologikoak. Hondakinak deuseztatzea. Hondakinen tratamendua Zestoan.

6.    Lan arriskuen prebentzioa garbitasun lanetan.

7.    Garbitzeko produktuak. Produktu kimikoak, produktuen inguruko arau orokorrak, desinfekzioa garbiketagatik, produktuen erabileratik etor daitezkeen arriskuak identifikatzea eta produktuen etiketatzea.

8.    Garbitasun zerbitzuen antolaketa eta kontrola. Lan taldeak. Garbitasun lanetan erabiltzen den materialaren zaintza.