EPE Euskadiko Administrazio Orokorra

MISIOA:

Baso-eremuko proiektuen kudeaketaren buru izatea, Baso Ziurtagirietan arreta berezia jarriz, hau da, haien koherentzia bilatzea eta horiek behar bezala gauzatzeko koordinazio lanak egitea, Arloko arduradunak ezarritako jarraibideen arabera; proiektu-taldeak osatzen dituzten profesionalen taldea gainbegiratzea, garatzen diren proiektuek basogintza- eta zurgintza-sektorearen produktibitatea eta merkaturatzea zuzenean edo zeharka ahalbidetu dezaten; lerro eta proiektu horien emaitzen ardura bere gain hartzea Arloko arduradunaren eta bezeroaren aurrean.

ERANTZUKIZUN ARLO NAGUSIAK ETA FUNTZIOAK:

• Baso-inbentarioen eta euskal baso-mendigunearen egoeraren kontrolaren arloan alderdi teknikoetarako erreferentziazko pertsona izatea (datu-hartzea eta aldagai dasometrikoen kalkulua, baso-masen egoera eta masa horien produktibitate-parametroak).
• EAEko baso-mapa egitea.
• Euskal Autonomia Erkidegoko baso-masetarako produktibitate-parametroak zehaztea.
• Datuak biltzen eta prozesatzen laguntzea, baso-inbentarioa egin eta eguneratzeko.

• Alderdi teknikoetarako erreferentziazko pertsona izatea basogintzako datuen digitalizazioarekin, geolokalizazioarekin eta aurkezpen digitalarekin zerikusia duen guztian.
• Aldagai dasometrikoen kalkulua, Informazio Geografikoko Sistemek (IGS) ematen dituzten tresnak erabilita.
• Mozketa- eta birpopulatze-uneak hautematea, IGS tresnen bidez. Basoen egoerak zehaztea, Sentinel datuetan eta bestelako satelite bidezko informazioan oinarrituta.

• Baso-produkzioarekin lotutako proiektuen eta lan-eremuen buru izatea eta egindako jarduketa guztiei koherentzia ematea:
  • Irtenbide integralak definitzeko eskumena duten arduradun teknikoekin (foru‑aldundiak, profesionalen elkarteak, zurgintza‑sektorea…) harremanetan egotea.
  • Erabakiak hartzea arloko ardura handieneko postuekin batera eta bezeroarekin ezarritako proiektuak kontrolatzeko beharrezkoak diren neurriak hartzea.
  • Proiektuak definitzea eta abiaraztea, hala propioak nola lankidetzakoak, estrategikoak edo operatiboak, horien guztien ikuspegi holistikoa eta koherentea izateko bere ezagutza-eremuan, foru-aldundietako basogintza‑arloko arduradun teknikoekin lankidetzan.

• Alderdi teknikoetarako erreferentziazko pertsona izatea baso-kudeaketarako aholkuak eta laguntza ematean.
  • Bezeroak eskatzen dituen funtzionaltasunetara egokitutako irtenbide teknologikoak eskaintzen dituzten baso-kudeaketako tresnak garatzean buru izatea eta aholkuak ematea.
  • Baso-espezien funtzionamendu-ereduak sortzea zenbait egoeratan.
  • Baso-masen osasun-egoera diagnostikatzea teledetekzio-tekniken bidez.
  • LGPren Idazkaritza Teknikoari laguntzea basogintzaren arloan.

• Beharrak hautematea eta euskal basogintza-sektorera egokitutako proiektu‑irtenbide berriak proposatzea eta ikuspegi globalean txertatzea:
  • Sektoreko agenteekin zuzeneko harremana izatea, aukerak identifikatzeko (teknologikoak, metodologikoak, produkziokoak…) euskal basogintzaren errealitatera egokitu daitezkeen irtenbideak definitzeko.
  • Laguntza osoa ematea hautemandako beharra egiteko edo definitzeko prozesu osoan. Proposamenak aurkeztea, beharrak estaltzeko.
  • Europako beste eskualde batzuekin batera egin beharreko baso-proiektuak garatzeko diseinuan parte hartzea.

• Arloaren ikuspegi estrategikoari erantzungo dion Kudeaketa Plana egiten parte hartzea.

• Aktiboki parte hartzea partzuergoko proiektuak identifikatzen, definitzen eta teknikoki garatzen.
• Arloko arduradunarekin batera, esleitutako profesionalen taldea osatzen duten kideen kudeaketan parte hartzea.

• Berariazko ezagutza teknikoa etengabe eguneratzen dela bermatzea, bide batez, barne- eta kanpo-dibulgazioa egin ahal izateko.

• HAZI Fundazioaren barne-prozesuei buruzko araudia betetzea.

Basoen Ingeniaritza edo Mendien Ingeniaritza/ Baliokidea unibertsitate‑graduan

Euskarako C1

Ezinbesteko betekizunak eta betekizun baztertzaileak:

• Baso‑inbentarioarekin eta baso‑mendiguneen egoera ezagutzeko eta ebaluatzeko tresnekin zerikusia duten lanetan frogatutako esperientzia “Basogintza, Inbentariatzea, Antolatzea eta Baso‑ziurtagiria” atalak garatua)
• Basogintza‑arloan IGS tresnekin egindako lanetan frogatutako esperientzia (“Bulegotikaren eta jarduera-arloaren edo ‑esparruaren berezkoak diren beste sotware batzuen ezagutza” atalak garatua).
• Euskara, C1 maila edo baliokidea
• B motako gidabaimena
• Lekualdatzeko aukera izatea

Betekizun baloragarriak:

1.- Lanpostuaren berariazkoak:

Balorazioa idatzizko frogaren bidez egingo da; profilean adierazitako ezagutzetan oinarrituko dira:

• Baso-inbentarioarekin eta baso-mendiguneen egoera ezagutzeko eta ebaluatzeko tresnekin lotutako lanetan ezagutzea izatea (0-15)
• Basogintza‑arloan IGS tresnekin egindako lanetan ezagutza izatea (0-15)
• Arloan ezagutza aurreratua eta esperientzia izatea, baso‑inbentarioa (datuak hartzea landan) (0-10)
• Arloan ezagutza aurreratua eta esperientzia izatea, baso‑inbentarioa (datuak kudeatzea bulegoan) (0-10)
• Ezagutza eta esperientzia aurreratua izatea satelite bidezko datuekin lotutako administrazio‑sistema espezifikoetan (0-10)
• Mendiaren digitalizazioarekin lotutako tresna berrien ezagutza aurreratua izatea (0-10)
• Erakundeen sarea eta Euskal Herriko basoen produktibitate‑sektorearen ezagutza izatea (0-5)
• Basogintza‑sektorearen enpresa‑ekosistema ezagutzea, produktibitatearen, ustiapenaren eta baso‑aprobetxamenduaren esparruan (0-5)
• Ezagutza eta esperientzia izatea baso‑antolamenduaren arloan (0-5)
• Baso‑ eta zur‑ziurtagirien arauak ezagutzea (0-5)
• Produktibitate‑ eta eraldaketa‑sektorearekin lotutako zuzentarau europar, nazional, autonomiko eta lurraldekoak ezagutzea (0-5)
• Ezagutza eta esperientzia izatea Power BIren bidez datuak kudeatzen (0-5)
• Ezagutza izatea baso-osasunaren arloan (0-5)
• Baso‑espezien eta baso‑jabetzaren banaketan eragiten duten geografia‑aldagaien ezagutza izatea (0-5)

Idatzizko froga gainditzeko gutxienez 55 puntu lortu behar dira.

2.- Frogatutako esperientzia:

Baso‑inbentarioarekin eta IGS tresnekin lotutako lanetan frogatutako esperientzia baloratuko da, honako baremo honen arabera:

• 1 urte eta 2 urte arteko esperientzia (1 puntu)
• 2 urte eta 3 urte arteko esperientzia (2 puntu)
• 3 urte baino gehiagoko esperientzia (3 puntu)

3.- Gaitasunen arloak:

Gaitasun‑betekizunak idatzizko froga balorazio‑fasearen bidez gainditu dutenei egingo zaien elkarrizketa pertsonalaren bidez baloratuko dira (0-68).

Honako hauek dira prozesu honen xede den lanposturako baloratuko diren gaitasunak:

• Antolatzeko, planifikatzeko eta kudeatzeko gaitasuna
• Arazoak konpontzea eta erabakiak hartzea
• Zehaztasunei arreta jartzea eta ikuspegi globala
• Informazioa jasotzea eta aztertzea
• Komunikazio eraginkorra
• Pertsonen arteko harremanetarako eta talde‑lanerako gaitasunak

4- Prestakuntza osagarria eta hizkuntzak (euskara, ingelesa eta frantsesa):

Honako baremo honen arabera baloratuko dira:

• Baso‑inbentarioaren arloarekin eta IGS tresnekin lotutako masterrak, graduondokoak eta antzekoak (2 puntu masterreko, gehienez 6)
• Beste basogintza-gai batzuekin lotutako masterrak, graduondokoak eta antzekoak (1 puntu masterreko, gehienez 3)
• Baso‑inbentarioaren arloarekin eta IGS tresnekin lotutako ikastaroak (1 puntu ikastaroko, gehienez 3)
• Euskara C2 maila (3 puntu)
• Ingelesa (B1, 1 puntu; B2 edo gehiago, 2 puntu)
• Frantsesa (B1, 1 puntu; B2 edo gehiago, 2 puntu)

Azken balorazioan atal bakoitzaren ekarpena honako hau da:

• Idatzizko froga: % 55 (guztira gehienez: 110 puntu)
• Esperientzia: % 1,5 (gehienez: 3 puntu)
• Prestakuntza osagarria: % 6 (gehienez: 12 puntu)
• Hizkuntzak: % 3,5 (gehienez: 7 puntu)
• Elkarrizketa pertsonala: % 34 (gehienez: 68 puntu)

GUZTIRA: % 100 (guztira gehienez: 200 puntu)

Interesdunek honako helbidera bidali beharko dute hautagaitza (CV eguneratua eta eskatutako profilera egokitua): seleccion@hazi.eus

Egin lan gurekin - Hazi