Industria, Trantsizio Energetiko eta Jasangarritasun Saila

Nekazaritza, Arrantza eta Elikagaien Politika

Argitalpenak eta dokumentazioa

Arautegia

Inprimatu

EBAZPENA, 2014ko uztailaren 4koa, zeinen bidez Ekonomiaren Garapen eta Lehiakortasun Saileko lurralde-ordezkarien esku uzten baitira zenbait gairi buruzko eskumenak.

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Ekonomiaren Garapen eta Lehiakortasun Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 127
  • Hurrenkera-zk.: 3041
  • Xedapen-zk.: ---
  • Xedapen-data: 2014/07/04
  • Argitaratze-data: 2014/07/07

Gaikako eremua

  • Gaia: Administrazioaren antolamendua; Ekonomi Jarduerak
  • Azpigaia: Gobernua eta herri administrazioa; Merkataritza eta turismoa; Funtzio publikoa
Deskribapenak

Testu legala

Aurkibidea erakutsiAurkibidea ezkutatu

Ekonomiaren Garapen eta Lehiakortasuneko sailburuaren 2014ko ekainaren 25eko Aginduak (merkataritza-establezimenduak modernizatzeko laguntza-programa arautzen du) Merkataritzako zuzendariari ematen dio programa horren araberako laguntza-eskabideak ebazteko eskumena.

Ekonomiaren Garapen eta Lehiakortasuneko sailburuaren 2014ko ekainaren 25eko Aginduaren bitartez, zenbait eskumen ematen zaizkio Merkataritzako zuzendariari (agindu horrek merkataritza-establezimenduak modernizatzeko laguntza-programa arautzen du). Bada, administrazio-izapideak eraginkortasun handiagoz eta azkarrago egiteko, beharrezko ikusten da eskumen horiek eskuordetzea, hala aholkatzen baitute teknika- eta lurralde-arloko arrazoiek.

Era horretan, administrazio-jarduera gobernatzen duten ekonomia-, azkartasun- eta eraginkortasun-printzipioekin egokiago ezkontzen den laguntza-programaren kudeaketa erdietsi nahi da.

Ondorioz, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 13. artikuluan xedatutakoarekin bat etorriz, honako hau

EBAZTEN DUT :

Lehenengoa. Ekonomiaren Garapen eta Lehiakortasun Saileko lurralde-ordezkariaren esku uztea (bakoitzari dagokion lurralde-esparruaren barruan), merkataritza-establezimenduak modernizatzeko laguntza-programa arautzen duen Ekonomiaren Garapen eta Lehiakortasuneko sailburuaren 2014ko ekainaren 25eko Aginduan Merkataritzako zuzendariari laguntza-eskabideak esleitzeko eman zaion eskumena.

Bigarrena. Aipagai dugun arloari dagokionez, organo eskudun gisa Merkataritzako zuzendariak ezarritako jarraibide eta irizpideak eragotzi gabe egiten da eskuordetze hau.

Hirugarrena. Eskuordetze honen bitartez ematen diren ebazpenek adierazi egin beharko dute zirkunstantzia hori, hain justu ere Euskal Herriko Agintaritzaren Aldizkariko argitalpen-eguna eta aipamen bat jasoz; eta, bestalde, Merkataritza Zuzendaritzak emandakotzat joko dira.

Aipatu ebazpenen aurka aurkeztutako administrazio-errekurtsoez arduratzea Merkataritza eta Kontsumoko sailburuordeari egokituko zaio, halaxe agintzen baita merkataritza-establezimenduak modernizatzeko laguntza-programa arautzen duen Ekonomiaren Garapen eta Lehiakortasuneko sailburuaren 2014ko ekainaren 25eko Aginduaren 12. artikuluan.

Laugarrena. Merkataritza Zuzendaritzak edozein momentutan ezezta dezake eskuordetze hau, eta edozein espedienteren ardura beregana dezake.

Bosgarrena. Merkataritza eta Turismoko sailburuordeak 2014ko ekitaldirako egindako deialdiei dagozkien espedienteei aplikatuko zaie eskuordetze hau, eta, ezeztatzen ez bada, hurrengo deialdiei ere aplikatuko zaie.

Seigarrena. Ebazpen honek Euskal Herriko Agintaritzaren Aldizkarian argitaratu eta hurrengo egunetik izango du eragina.

Vitoria-Gasteiz, 2014ko uztailaren 4a.

Merkataritzako zuzendaria,

JON ANDONI ZARATE ZARRAGA.

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.