Kutsaduraren prebentzioa, ingurumenaren ikuskaritza eta kontrola

2005eko uztailaren 29an, Cintas Adhesivas Ubis, S.A. enpresak Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Hernaniko (Gipuzkoa) udalerrian zinta itsaskorren fabrikazio-jarduerarako. Eskaerarekin batera honako dokumentazio teknikoa aurkeztu zuen:

A agiria: «Memoria» (2005eko uztailaren 29koa).

B agiria: «Dokumentazio osagarria» (2005eko uztailaren 29koa).

Erreferentziako baimena eskatzeko unean, Cintas Adhesivas Ubis, S.A. enpresak, besteak beste, jarduerarako 2005eko otsailaren 1eko baimena zuen. Baimen hori Lastaola Poligonoan oinarri disolbatzailean itsaskortzeko linea berri baten jarduerarako eman zen. Halaber, enpresa sustatzaileak isurketak saneamendu-sarera egiteko zegokion baimena zuen, 2005eko martxoaren 11koa, uren esparruan indarrean dagoen araudiak xedatutakoari jarraituz.

Beranduago, 2005eko uztailaren 6an, xede dugun proiektuaren eta Hernaniko hirigintza-plangintzaren arteko bateragarritasunari buruzko udal txostena bidali zen.

2005eko irailaren 20an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, Ingurumen Organoaren bidez proiektua jendaurrean jartzeko izapidea adosteari dagokionez. Hain zuzen, Hernaniko Udalari, Eusko Jaurlaritzako Osasun eta Industria Sailei, Ingurumen Saileko Uren Zuzendaritzari, Iparraldeko Ur Konfederazioari eta Añarbeko Uren Mankomunitateari.

Ingurumen Organoak agiri osagarriak eskatu zizkion sustatzaileari 2006ko martxoaren 7an; espedientea 2007ko urriaren 23an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako Ebazpenaren bidez jendaurrean jarri zen, 30 egun baliodunen epean, Cintas Adhesivas Ubis, S.A. enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Gipuzkoako Aldizkari Ofizialean argitaratu zen, bietan 2007ko abenduaren 3an. Halaber, proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegaziorik ez dagoela egiaztatu da.

Uztailaren 1eko 16/2002 Legearen 17. eta 18. artikuluetan xedatutakoa betez, Ingurumenaren Kalitatearen Zuzendaritzak, 2008ko otsailaren 8an, txostena eskatu zien Hernaniko Udalari, Gipuzkoako Osasun Publikoko Zuzendariordetzari, Aguas del Añarbe-Añarbeko Urak, S.A. sozietateari eta Iparraldeko Ur Konfederazioari.

2008ko urtarrilaren 30ean, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Cintas Adhesivas Ubis, S.A. enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2008ko otsailaren 12an sustatzailearen jakinarazpena jaso zen. Jakinarazpen hartan hainbat ohar egiten ziren Ingurumeneko Baimen Bateratuaren Ebazpen Proposamenari lotuta.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Apirilaren 20ko 509/2007 Errege Dekretuaren, uztailaren 1eko Kutsaduraren Prebentzio eta Kontrol Integratuari buruzko 16/2002 Legea garatu eta burutzeko Erregelamendua onartzen duenaren 3. artikuluan xedatutakoarekin bat eginez, baimen honetan sartzen dira ekoizpen-elementu eta linea guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Cintas Adhesivas Ubis, S.A. enpresaren kasuan, baimen hauek guztiak behar ditu: hondakin arriskutsu eta ez-arriskutsuen sortzaileak behar dituen baimenak; kolektorera isurketak egiteko baimena; ingurumen izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta hari aurre hartzeari dagozkionak. Gainera, eskumeneko beste administrazio eta organismo batzuk luzatutako txostenak barne hartuko dira espedientean.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak ordezten du jarduera sailkatuetarako udal lizentziaren prozedura, azaroaren 30eko 2414/1961 Dekretuan, jarduera gogaikarri, osasungaitz, kaltegarri eta arriskutsuei buruzkoan aurreikusten zena; ez du ordezkatzen, ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Cintas Adhesivas Ubis, S.A. enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Hernaniko Udalaren eta Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan da teknika onenen erabilera. Zehazki, Europako Batzordearen 2006ko azaroko «Reference document on Best Available Techniques for Surface Treatments Using Organic Solvents» BREF txostenaren edukia kontuan hartu da.

Espedienteko txostenak aztertu ondoren, Ebazpen Proposamena sinatu eta Cintas Adhesivas Ubis, S.A. enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta 2002ko uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta 2005eko urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duenaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 28an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; ekainaren 28ko 1302/1986 Errege Dekretu Legegilea, Ingurumen Inpaktuaren Ebaluazioari buruzkoa eta maiatzaren 8ko 6/2001 Legeak aldatzen duena; irailaren 30eko 1131/2005 Dekretua, berau garatzeko erregelamendua onartzeko dena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplikatzeko den gainerako araudia,

Lehenengoa. Helbide soziala Hernaniko (Gipuzkoa) udalerriko Lastaola Industrialdeko 39. zenbakian duen eta IFK: A20024567 zenbakia duen Cintas Adhesivas Ubis, S.A. enpresari Ingurumeneko Baimen Bateratua ematea, zinta itsaskorrak fabrikatzeko jarduerarako Hernaniko udalerrian, eta Ebazpen honen Bigarren atalean zehaztutako baldintzak jarraituz.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago. Hain zuzen ere, 10.1 kategorian, «Disolbatzaile organikoak erabiltzen dituzten material, objektu edo produktuen azalerak tratatzeko instalazioak, bereziki distira emateko, estanpatzeko, estaltzeko eta deskoipetzeko, iragazgaizteko, itsasteko, lakatzeko, garbitzeko edo bustitzeko, orduko 150 kg disolbatzaile edo 200 tona/urteko kontsumitzeko gaitasunarekin».

Enpresa Lastaolako Industrialdeko hiru lurzatitan dago kokatuta eta guztira 31.296 m2-ko azalera betetzen du.

Cintas Adhesivas Ubis, S.A. enpresaren instalazioetan garatzen den jardueraren ardatz nagusia enbalatzeko, babesteko eta beste erabilera batzuetarako zinta itsaskorrak fabrikatzea da eta, zehazkiago, polibinil klorurozko (PVC) eta propilenozko (PP) zintak, beira-zuntzarekin indartutako zintak, crepe paperezko zintak edo masking-zintak, bi alboetatik itsaskorrak diren zintak, eta papergintza eta bulegorako zelofana eta zinta inprimatuak, 1, 2 eta 3 koloretan.

Bi ekoizpen-prozesu garatzen dira zinta itsaskorrak lortzeko: alde batetik, oinarri disolbatzailean itsaskortzea (M2 eta M4 makinak) eta Hot Melt itsaskortzea (M3 makina) bestetik. Guztizko ekoizpen-bolumena 453.000.000 m2 da (345.000.000 m2 oinarri disolbatzaileko itsaskortze-prozesurako eta 108.000.000 m2 HOT MELT itsaskortze-prozesurako).

Oinarri disolbatzaileko itsaskortze-prozesuan, bestalde, honako etapa hauek bereiz daitezke:

Itsasgarria prestatzea.

Itsaskortzea.

Moztea.

Prestatzea.

Inprimatzea.

Erroiluak etiketatzea.

Paletak biltzea.

Honako etapa hauek bereizten dira Hot Melt itsaskortze-prozesuan:

Estrusioa.

Berniza nahastea.

Itsaskortzea.

Moztea.

Prestatzea.

Inprimatzea.

Erroiluak etiketatzea.

Paletak biltzea.

Fabrikan erabiltzen diren lehengaiak multzokatu egiten dira euskarri (PVC, Crepe papera, eta abar), disolbatzaile (toluenoa, hexanoa, isopropanola, azetona, eta abar), eta beste lehengai batzuen arabera (kautxua, erretxinak, oxidoak, eta abar).

Bestalde, fabrikan energia elektrikoa kontsumitzen da, gas naturala kontsumitzen da makinak elikatzeko (C2, C3 eta C4) eta gasoila, berriz, fabrikako orga jasotzailetarako. Instalazioetan kontsumitzen den ura Lastaolako Industrialderako hartune orokor batetik hartzen da.

Fabrikan atmosferara isurketak egiten dituzten 12 foku daude, hexanoa berreskuratzeko prozesuetan sortutakoak, toluenoa berreskuratzetik sortutakoak, lurruna sortzearen ondoriozkoak, pikortzeko makinak eta estrusio-makinak sortutakoak, eta inprimagailuetan sortutakoak. Ezarritako neurri zuzentzaileen artean, hexano-berreskuratzaileetan disolbatzailea berreskuratzeko sistemak instalatu dira, ikatz bidezko erregenerazio-adsortzioaren bidez, eta partikulen iragazki bat jarri da estrusio-makinan.

Cintas Adhesivas Ubis, S.A. enpresako instalazioetan sortutako efluenteak 2 eta 3 makinetatik, R2 eta R3 hexano- eta tolueno-berreskuratzaileetatik, estrusio-makinatik eta prestaketa-makinatik datozen hozte-urak dira, eta Urumea ibaiaren ibilgura zuzentzen dira, C3 galdarako purgekin batera, instalazioko euri-uren sarera egindako hiru lotuneren bitartez. Bestalde, Añarbeko Uren saneamendu-sarera isurtzen dira hexano- eta tolueno-berreskuratzaileetako kondentsatuen industria-urak, instalazio osoko ur sanitarioekin eta C4 galdarako eta M4 hozte-dorreetako purgekin batera, eta bi isurketa-puntu independente erabiltzen dira horretarako.

Gehienez ere bi urteko epean instalazioko hondakin-uren sareak aldatzea aurreikusi da eta, modu horretan, ez da isurketa gehiago egingo Urumea ibaira eta Añarbeko Uren sareko isurketa-puntuak bakarrik erabiliko dira. Aurreikusitako jardueren artean, R-2 hexano-berreskuratzailea kentzea aurreikusi da, bai eta R-3 tolueno-berreskuratzailea 4 makina kokatzen den lurzatian jartzea ere, edo estrusio-makinaren Hozte-ura birzirkulatzea, hartara, berriro erabili ahal izateko, eta prestaketa-makinaren isurketa ekiditea, ur horiek berriro zirkulazioan jarriz edo zirkuitu itxiko hozte-sistema propio bat sortuz.

Prozesuaren kodea: A20034567/2000015229/1.

1, hondakina: «Kautxu naturala, hidrokarburoen erretxina eta disolbatzaile ez-halogenatuak».

Identifikazioa: A20034567/2000015229/1/1.

Hondakinaren kodea: Q8//R13//P13//C41-43//H3B//A704(1)//B5520.

HEZ: 080409.

Urtean sortutako kantitatea: 3 t.

Bobinak osatzeko estaldurak itsaskortzeko prozesuan sortzen da. Hondakinarentzat identifikatu den bidoi batean jaso eta sortzen den postua(k) zehaztu behar d(ir)a. Behin bete ondoren, hondakinen biltegira eramaten da.

2. hondakina: «Disolbatzaile ez-halogenatuak dituzten tinta-hondarrak».

   Identifikazioa: A20034567/2000015229/1/2.

   Hondakinaren kodea: Q8//R13//L5-12//C41-43//H3B//A704(1)//B5520.

   HEZ: 080312.

   Urtean sortutako kantitatea: 1.000 kg.

   Produktu amaitua osatzeko bobinak mozteko prozesuaren baitako inprimaketa-azpiprozesuan sortzen da. Hondakinarentzat identifikatu den bidoi batean jaso eta sortzen den postua(k) zehaztu behar d(ir)a. Behin bete ondoren, hondakinen biltegira eramaten da. Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

3. hondakina: «Erretxina halogenatuak».

   Identifikazioa: A20034567/2000015229/1/3.

   Hondakinaren kodea: Q7//D13//P13//C40//H6//A704(1)//B5520.

   HEZ 08 04 09.

   Urtean sortutako kantitatea: 1.000 kg.

   Zinta itsaskorreko erroiluak nahastu, itsaskortu eta osatzeko prozesuetan sortzen da; disolbatzaileak ditu. Hondakinarentzat identifikatu den bidoi batean jaso eta sortzen den postua(k) zehaztu behar d(ir)a. Behin bete ondoren, hondakinen biltegira eramaten da.

2. prozesua: «Disolbatzaileak berreskuratzea».

   Prozesuaren kodea: A20034567/2000015229/2.

1. hondakina: «Ikatz aktiboa».

   Identifikazioa: A20034567/2000015229/2/1.

   Hondakinaren kodea: Q9//D15//S28//C41-43//H5//A704(1)//B10008.

   HEZ: 150202.

   Urtean sortutako kantitatea: 22 t.

   Disolbatzailea berreskuratzean sortzen da. Hexanoaren eta toluenoaren berreskuratzaile bezala erabiltzen da, eta itsaskortzeko faseko labean sortutako gas-efluentea likido bihurtzen du.

   Hondakinarentzat identifikatu den bidoi batean jaso eta sortzen den postua zehaztu behar da. Behin bete ondoren, hondakinen biltegira eramaten da.

3. prozesua: «Zerbitzu orokorrak».

   Prozesuaren kodea: A20034567/2000015229/3.

1. hondakina: «Olio lubrifikatzaile erabilia».

   Identifikazioa: A20034567/2000015229/3/1.

   Hondakinaren kodea: Q7//R13//L8//C51//H5-6//A704(1)//B0019.

   HEZ: 130208.

   Urtean sortutako kantitatea: 1.000 kg.

   Nahasketa egiteko, itsaskortzeko eta produktua osatzeko ataletako ekipoetan olioa aldatzean sortzen da; olio nahastu erabiliak dira. Hondakinarentzat identifikatu den bidoi batean jaso eta sortzen den postua(k) zehaztu behar d(ir)a. Behin bete ondoren, hondakinen biltegira eramaten da.

2. hondakina: «Bateria agortuak».

   Identifikazioa: A20034567/2000015229/3/2.

   Hondakinaren kodea: Q6//R4//S37//C18-23//H8//A704(1)//B0019.

   HEZ: 160601.

   Urtean sortutako kantitatea: 100 kg.

   Beruna eta disoluzio azidoa duten bateria erabiliak berritzerakoan sortzen da. Hondakin hori identifikatzeko edukiontzian biltzen dira, horretarako berariaz jarritako gunean.

3. hondakina: «Hodi fluoreszenteak».

   Identifikazioa: A20034567/2000015229/3/3.

   Hondakinaren kodea: Q6//R13//S40//C16//H14//A704(1)//B0019.

   HEZ: 200121.

   Urtean sortutako kantitatea: 5 kg.

   Big-bag-etan ontziratzea.

   Merkurioa duten lanpara erabiliak birjartzeko eragiketetan sortzen da. Hondakinarentzat identifikatu den zonan jasotzen da, hondakin arriskutsuen biltegian.

4. hondakina: «Disolbatzaile ez-halogenatuekin bustitako zatarrak».

   Identifikazioa: A20034567/2000015229/3/4.

   Hondakinaren kodea: Q5//D15//S40//C41/51//H5//A704(1)//B0019.

   HEZ: 150202.

   Urtean sortutako kantitatea: 3.000 kg.

   Xurgatzaileak eta ehunak biltzean sortzen da; olio, disolbatzaile, eta abarrez bustitako zatarrak dira. Hondakinarentzat identifikatu den bidoi batean jaso eta sortzen den postua(k) zehaztu behar d(ir)a. Behin bete ondoren, hondakinen biltegira eramaten da.

5. hondakina: «Metalezko ontzi hutsak».

   Identifikazioa: A20034567/2000015229/3/5.

   Hondakinaren kodea: Q5//R13//S36//C37/41/51//H5//A704(1)//B0019.

   HEZ: 150110.

   Urtean sortutako kantitatea: 2.000 kg.

   Ontzi hutsak jaso eta pilatzerakoan sortzen da; olioak, isozianatoak eta disolbatzaileak jaso dituzten ontzi metalikoak dira. Hondakin hori identifikatzeko edukiontzian biltzen da sortzen den lekuetan, eta bete ondoren, hondakin-biltegira eramaten da.

6. hondakina: «Plastikozko ontzi hutsak».

   Identifikazioa: A20034567/2000015229/3/6.

   Hondakinaren kodea: Q5//R13//S36//C41/51//H14//A704(1)//B0019.

   HEZ: 150110.

   Urtean sortutako kantitatea: 1.500 kg.

   Ontzi hutsak jaso eta pilatzerakoan sortzen da; olioak eta disolbatzaileak jaso dituzten plastikozko ontziak dira.

   Hondakin hori identifikatzeko edukiontzian biltzen da sortzen den lekuetan, eta bete ondoren, hondakin-biltegira eramaten da.

   1. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

   2. Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

   3. Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen du dekretu horrek) 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

   4. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

   5. Gainerako hondakin arriskutsuak ezin izango dira 6 hilabete baino gehiago gorde.

   6. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

   7. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Cintas Adhesivas Ubis, S.A. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

   8. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

   9. Cintas Adhesivas Ubis, S.A. enpresak sortutako olio erabilia ekainaren 2ko 679/2006 Errege Dekretuari, industrian erabilitako olioaren kudeaketa arautzen duenari, jarraituz kudeatu beharko da.

   10. Aipatutako ekainaren 2ko 679/2006 Errege Dekretuan aurreikusitako kudeaketa-sistema bateratu baimendu bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Cintas Adhesivas Ubis, S.A. enpresak.

   11. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

   12. Cintas Adhesivas Ubis, S.A. enpresak poliklorobifeniloak eduki ditzaketen gailuak dituenez, kudeaketa egokia izan dadin, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen 1999ko abuztuaren 27ko 1378/1999 Errege Dekretuaren baldintzak eta errege dekretu hori aldatzen duen 2006ko otsailaren 24ko 228/2006 Errege Dekretua.

   13. Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Cintas Adhesivas Ubis, S.A. enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

   14. Cintas Adhesivas Ubis, S.A. enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

   16. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

   17. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Cintas Adhesivas Ubis, S.A. enpresak neurri zuzentzaileak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

   18. Aurreko f) eta g) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

   19. Amiantoa duten hondakinak antzemanez gero, Cintas Adhesivas Ubis, S.A. enpresak 108/1991 Errege Dekretuan (3. artikulua), amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

       1.3.2. Hondakin ez-arriskutsuak.

       Sustatzaileak adierazitako hondakin ez-arriskutsuak hauek dira:

       (Ikus .PDF)

   1. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.

   2. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

   3. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Cintas Adhesivas Ubis, S.A. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

   4. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

   5. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

   6. Aurreko c) eta d) (kudeatzaileak EAEn daudenean), eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

      1.4. Lurzorua babesteko baldintzak.

      Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Cintas Adhesivas Ubis, S.A. enpresak kanpoaldean kokatuta dauden disolbatzailea berreskuratzeko instalazioen eroanbideak kontrolatuko ditu aldiro eta prestaketa-zonetan zolatak duen egoera kontrolatuko du, halaber; gaur egungo instalazioen mantentze-lanez arduratuko da, gerta daitezkeen isurketak instalazioetara eta euri-uren sarera zabaltzea ekiditeko. Era berean, inguruko lurzoruaren kalitatea aztertzeko ikerketa bat egingo du, gaur egun erabiltzen ez diren gordailu zaharrak kokatzen diren zonako zoruaren egoera eta/edo litezkeen afektazioak ezagutzeko.

      1.5. Zaratari buruzko baldintzak.

      Jarraian adierazitako zarata-mailak ez gainditzeko neurriak hartu eta instalatuko dira:

   1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB(A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB(A) ere gehienezko balioetan.

   2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB(A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB(A) ere gehienezko balioetan.

   3. Era berean, zarata ezin da 60 dB(A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

   4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

   2. Ingurumenaren Jagoletza Programa.

      Ingurumenaren Jagoletza Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

      1. Atmosferara botatzen diren poluitzaileak kontrolatzea.

   1. Cintas Adhesivas Ubis, S.A. enpresak isurien kontrola egin beharko du, informazio honi jarraituz:

      (Ikus .PDF)

      Aurreko atalean aipatutako neurketa guztiak baimendutako kontrol-erakunde (BKE) batek egin beharko ditu (zortzi ordutan hartutako hiru neurri, gutxienez ordubetekoa bakoitza), eta aldizkako kontrol horiei buruzko txostenak Ingurumen Sailburuordetza honek prestatutako «Baimendutako kontrol-erakundeen gutxieneko txostenean» ezarritakora egokitu beharko du. Nolanahi ere, kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

      Arestian eskatutako parametro guztien neurketen KEB txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan kontrol-maiztasuna ezarri aurretik egindakoak badira. Atmosferara egiten diren isurketen ondorengo kontrolak, egindako azken neurketan adierazitako maiztasunarekin egingo dira.

      Cintas Adhesivas Ubis, S.A. enpresak urtarrilaren 31ko 117/2003 Errege Dekretuak, jarduera jakin batzuetan disolbatzaileen erabilerak eragindako konposatu organiko hegazkorren emisioak mugatzeko baldintzei buruzkoak, ezarritakoa bete behar du. Xede horretarako, Ingurumen Sailburuordetzak eskatzen duen informazioa aurkeztu behar da.

      1.1. Lortutako emaitzen erregistroa.

      Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

      2. Isurketa-uren kalitatearen kontrola.

   1. Sustatzaileak aurkeztu dituen agirien arabera, ondorengo analisiak egingo dira:

      (Ikus .PDF)

   2. Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek (Jabari Publiko Hidraulikoaren Erregelamenduaren 255. artikulua) egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

      Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

   3. Laginketak kutsatzaile gehien sortzen den aldietan egingo dira.

   4. Isurketek baimenean jarritako baldintza guztiak betetzen dituztela ulertuko da, B.1.2.3 ataleko parametro guztientzat ezarritako mugak betetzen badituzte.

   5. Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak dauden dioen adierazpen bat igorriko du titularrak urtero. Adierazpen horretan ekoizte-prozesuan manipulatu diren substantzia guztiak adierazi behar dira, nahiz eta isurketan ez detektatu.

   6. Era berean, txosteneko dokumentazioa osatzeko, honako azterketa hauek egin eta aurkeztuko dira hilabete bateko epean:

      DQO, DBO5, ekotoxikotasuna, R2 eta R3 kondentsadoreen hexano, tolueno eta fenolen guztizkoak, eta guztien laginak hartuko dira.

      DQO, DBO5, Ekotoxikotasuna, R4 kondentsatuen uren hexanoa eta toluenoa.

      3. Jardueraren adierazleak kontrolatzea.

      Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

      (Ikus .PDF)

      4. Zarataren kontrola.

      Jarduera garatzen den lurzatiko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

      Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako C.6 atalean aipatzen den Ingurumenaren Jagoletza Programako testu bateginarekin batera aurkeztuko da.

      5. Emaitzak kontrolatu eta bidaltzea.

      Ingurumenaren Jagoletza Programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumenaren Jagoletza Programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

      Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Gipuzkoako Ordezkaritza).

      6. Ingurumenaren jagoletza programari buruzko agiri bategina.

      Sustatzaileak Ingurumenaren Jagoletza Programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

      Era berean, Ingurumenaren Jagoletza Programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

   3. Ez-ohiko egoeretan, prebentzio-neurriak eta jardunerako baldintzak.

      1. Fabrika gelditzeko eta abiarazteko eragiketak eta mantentze-lanetarako programatutako eragiketak.

      Ebazpen honetan zehaztutako neurriak bete beharko dira gelditzeko eta abiarazteko eragiketetan (urteko geldialdiak).

      2. Jarduera uztea.

      Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea, eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Cintas Adhesivas Ubis, S.A. enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

      3. Ez-ohiko jardunean aplikatzeko prebentzio-neurriak eta jarduerak.

      Proiektu Teknikoko 11. kapituluan barne hartutako proposameneko egoera ez-ohikoetarako prebentzio-neurrien eta funtzionatzeko baldintzei kalterik egin gabe, ondorengo ataletan zehaztutako baldintzak bete beharko dira:

   1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

   2. Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurre hartzeko.

   3. Prebentziozko mantentze-lanen eskuliburu horretan kutsadura atmosferikoa prebenitzeko eta zuzentzeko sistemen (arazketa, minimizazioa, eta abar) egoera ona bermatzeko neurriak jaso beharko dira.

   4. Era berean, ustiapenari buruzko eskuliburu bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.

   5. Olioak, ikatz aktiboa, disolbatzaile ez-halogenatuak eta, orokorrean, instalazioan sortutako hondakinak maneiatzeak lurzorua eta ura kutsa ditzake. Beraz, isurketak, jarioak edo ihesak gertatzeko arriskua izan dezaketen azalera guztiak iragazgaiztuko dira.

   6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

   7. Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

   8. Larrialdirik gertatuz gero, berehala eta eraginkortasunez esku hartzeko beharrezkoak diren material guztiak edukiko dira, kantitate nahikoan: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.

   9. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

   10. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

   11. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko.

       Estazioan erroilu erako edo gai pikortatuzko, edo antzeko berariazko gai xurgatzailea izango da, ustekabeko jario edo ihesetan berehala aplikatu ahal izateko.

       Ebazpen honetan deskribatutako jarduerez gain, gasoleoa biltegiratzeko eta manipulatzeko instalazioak behar den bezala isolatuko dira, ustekabeko hausturak edo jarioak, eta abar, gertatzen direnean horiei eusteko.

   12. Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (besteak beste, isurpenaren muga-balioak gainditzea eta ustekabeko isuri bat egitea), sustatzaileak gorabehera edo ez-ohiko gertaera horren berri eman beharko dio Ingurumen Sailburuordetzari.

   13. Gertakari edo arazo larriren bat edo ustekabeko isuriren bat egonez gero, SOS DEIAK eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

       Gertakari mota.

       Gertakaria non, zergatik eta zer ordutan gertatu den.

       Iraupena.

       Ustekabeko isuria bada, emaria eta isuritako gaiak.

       Mugak gaindituz gero, isurtzeei buruzko datuak.

       Eragindako kalteen balioespena.

       Hartutako neurri zuzentzaileak.

       Berriro gerta ez dadin aurreikusitako neurriak.

       Prebentzio-neurriak eraginkortasunez aplikatzeko ezarritako epeak.

   14. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

   4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta Ingurumenaren Jagoletza Programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta Ingurumenaren Jagoletza Programa jardueraren sustatzaileak hala eskatuta, edo ofizioz, aldaraz daitezke, Ingurumenaren Jagoletza Programan lortutako emaitzetan oinarrituta.

   5. Urtean behin Cintas Adhesivas Ubis, S.A. enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

      Informazio hori ekitaldi horren hurrengo martxoaren 31 baino lehen bidali beharko dira. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

      Halaber, ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

      Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

   6. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

      Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako Bigarren ataleko puntu hauetan ezarritako baldintzak betetzen direla: B.1.2.4 (Isurketak egokitzeko ezartzeke dauden neurriak); B.1.3.1.f) eta B.1.3.2.c) (Hondakin arriskutsuak eta ez-arriskutsuak onartzeko agiriak); B.1.3.1.o) eta B.1.3.2.e) (Hondakin arriskutsuen eta ez-arriskutsuen Erregistro Eredua); B.1.4 (Lurzoruaren babesari dagozkion baldintzak); hala badagokio, C.1 (Atmosferara egiten diren isurketen kontrola); C.1.1 (Atmosferara egiten diren isurketen Erregistro Eredua); C.6 (Ingurumenaren Jagoletza Programaren testu bategina); D.3.a) (Prebentziozko mantentze-lanen eskuliburua); D.3.d) (Ustiapenaren eskuliburua); D.3.g) (Produktu kimikoak biltegiratzeko ziurtapenak); D.3.h) (Larrialdietarako materialen zerrenda); D.3.i) (Kubetak husteko protokoloa); D.3.n) (Suteen kontrako babes-ziurtapenak).

      Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den biharamunetik kontatzen hasita.

      Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

      Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen integratua eraginkortzat aitortuko da.

      Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

      Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

      Apirilaren 20ko 509/2007 EDren 7. artikuluaren arabera, baimena berritzeko gutxienez aurkeztu behar den dokumentazioa instalazioko gertaera, egoera eta gainerako ezaugarri teknikoen agiriak, eta prozesuaren eta kokapenaren agiriak dira, betiere jatorrizko baimen-eskaeran edo balioaldiak iraun duen bitartean aurkeztu ez bada. Baimena berritzeko izapideei dagokienez, informazio publikoko izapidea beteko da eta udaletxeari eta Arroko Erakundeari kasuan kasu txostenak eskatuko zaizkie; halaber, entzunaldi-izapidea beteko da.

      Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

      Seigarrena. Cintas Adhesivas Ubis, S.A. enpresak Ebazpen honen xede den zinta itsaskorrak fabrikatzeko jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.

      Zazpigarrena. Baimen honek balioa galduko du kausa hauek gertatzen direnean:

      Epearen barruan ez egiaztatzea ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

      Cintas Adhesivas Ubis, S.A. enpresaren nortasun juridikoa bukatzea, indarrean dagoen araudian ezarritako kasuetan.

      Baimena indarrean jartzen dela adierazten duen ebazpenean xedatutakoak.

      Zortzigarrena. Ebazpen honen edukia jakinaraztea Cintas Adhesivas Ubis, S.A. enpresari, Hernaniko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

      Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

      Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamenduko sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

      Vitoria-Gasteiz, 2008ko apirilaren 25a.

      Ingurumeneko sailburuordea,

      Ibon Galarraga Gallastegui.