Enplegu publikoa

Egoitza elektronikoa

Arautegia

Inprimatu

EBAZPENA, 2005eko abenduaren 30ekoa, Euskal Herriko Unibertsitateko Idazkari nagusiarena, Euskal Herriko Unibertsitateko Gobernu Kontseiluak 2005eko abenduaren 22an hartutako erabakia Euskal Herriko Agintaritzaren Aldizkarian argitaratzeko agindua emateko dena. Ebazpen horren bidez aldi baterako eten zen Gobernu Kontseiluaren Funtzionamendurako Arautegiko Bigarren Xedapen Indargabetzailearen eraginkortasuna.

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Euskal Herriko Unibertsitatea
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 42
  • Hurrenkera-zk.: 1069
  • Xedapen-zk.: ---
  • Xedapen-data: 2005/12/30
  • Argitaratze-data: 2006/03/01

Gaikako eremua

  • Gaia: Hezkuntza; Administrazioaren antolamendua
  • Azpigaia: Sailak; Gobernua eta herri administrazioa
Deskribapenak

Testu legala

2005eko abenduaren 5ean Gobernu Kontseiluaren Funtzionamendurako Arautegia argitaratu zen Euskal Herriko Agintaritzaren Aldizkarian, eta arautegi horretako bigarren xedapen indargabetzaileak honakoa dio: "Indargabetuta geratu dira Gobernu Kontseiluak beste organo batzuei eskuordetutako eskumenak".

Xedapen horrek zerikusi zuzena dauka Gobernu Kontseiluko Batzorde Iraunkorraren sorrera eta abian jartzearekin. Izan ere, aipatutako organoa Gobernu Kontseiluaren 2005eko urriaren 27ko erabakiaren bidez sortu zen, baina oraindik ez da eratu.

Horregatik, bitarte honetan administrazio arazorik gerta ez dadin eta, batez ere, beste inor kaltetua izan ez dadin, beharrezkotzat ikusi da aipatutako xedapen indargabetzailearen eraginkortasuna atzeratzea, Gobernu Kontseiluko Batzorde Iraunkorra abian jarri arte.

Hori guztia kontuan hartuta,

ERABAKI DU T:
Lehenengoa. Agindua ematea Euskal Herriko Agintaritzaren Aldizkarian argitaratzeko Gobernu Kontseiluak 2005eko abenduaren 22an hartutako erabakia, horretan honakoa baitago zehaztuta:

"Gobernu Kontseiluaren Funtzionamendurako Arautegiko bigarren xedapen indargabetzailearen eraginkortasuna atzeratzea, Gobernu Kontseiluko Batzorde Iraunkorra eratu eta abian jarri arte. Erabaki honek onartzen den egunetik aurrera izango ditu ondorioak".

Bigarrena. Ebazpen hau irmoa da, eta, beraz, administrazio bidea agortzen du. Honen kontra aukerako berraztertzeko errekurtsoa jar daiteke hilabeteko epean, ebazpena eman duen organo beraren aurrean; bestela, administrazioarekiko auzi-errekurtsoa jarri ahal izango da administrazioarekiko auzietarako Bilboko auzitegietan, bi hilabeteko epean.

Leioa, 2005eko abenduaren 30a.

Idazkari nagusia,

IÑAKI ESPARZA LEIBAR.

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.