Arautegia

Inprimatu

AGINDUA, 2022ko ekainaren 1ekoa, Berdintasun, Justizia eta Gizarte Politiketako sailburuarena, Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko kidegoetarako, hizkuntza eta/edo lanpostua dela-eta bereziturik dauden lanpostuak betetzeko berariazko lehiaketa behin betiko ebazten duena.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Berdintasun, Justizia eta Gizarte Politiketako Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 126
Hurrenkera-zk.: 2971
Xedapen-zk.: ---
Xedapen-data: 2022/06/01
Argitaratze-data: 2022/06/30

Gaikako eremua

Gaia: Kultura eta Kirola; Segurtasuna eta justizia; Administrazioaren antolamendua
Azpigaia: Justizia; Funtzio publikoa

Deskribapenak

Testu legala

Aurkibidea erakutsiAurkibidea ezkutatu

- EBAZTEN DUT :

Ikusi da Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko kidegoetarako, hizkuntza eta/edo lanpostua dela-eta bereziturik dauden lanpostuak betetzeko, Berdintasun, Justizia eta Gizarte politiketako sailburuaren 2021eko martxoaren 16ko Aginduaren bidez deitutako lekualdatze-lehiaketa espezifikoaren ondorioz izapidetutako espedientea.

Botere Judizialaren uztailaren 1eko 6/1985 Lege Organikoa aldatzen duen abenduaren 23ko 19/2003 Lege Organikoaren VI. liburuko VIII. tituluan eta abenduaren 7ko 1451/2005 Errege Dekretuak onartutako Justizia Administrazioaren zerbitzuko funtzionarioen sarrerari, lanpostuak betetzeari eta lanbide-sustapenari buruzko Erregelamenduaren 43. artikuluan eta hurrengoetan xedatutakoarekin bat etorriz, honako hau.

Ondorioz, honako hau

EBAZTEN DUT :

Lehenengo artikulua Behin betiko ebaztea Justizia Administrazioko Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako eta Eskaletako funtzionarioen arteko lekualdatze-lehiaketa, Justizia, Lan eta Gizarte Politiketako sailburuaren 2022ko martxoaren 16ko Aginduaren bidez deitutakoa, eranskinean adierazten den moduan.

Bigarren artikulua Lehiaketa honetan parte hartu eta destinorik lortu ez duten eskabideak iraungitzat jotzea. Beraz, hurrengo lekualdatze-lehiaketetan ez dira kontuan hartuko.

Hirugarren artikulua Lehiaketa honetan esleitu ez diren plazak bete gabe uztea.

Laugarren artikulua Destinoa lortu eta zerbitzu aktiboan, zerbitzu berezietan edo senideak zaintzeko borondatezko eszedentzian dauden funtzionarioek 2022ko uztailaren 1ean utziko dute lanpostua, baldin eta ez badira itzultzen lehiaketa honetan aipatzen diren kidego edo eskaletako batera ere.

Bosgarren artikulua Funtzionarioak lanpostua utzi eta hurrengo hiru egun baliodunetan jabetuko dira lanpostuaz, baldin eta herriz aldatzen ez bada, edo hurrengo zortzi egun baliodunetan, autonomia-erkidegoz aldatzea badakar, eta hogei egun baliodunetan, autonomia-erkidegoz aldatzea badakar, Kanarietako Autonomia Erkidegoan, Balear Uharteetako Autonomia Erkidegoan, Ceutan eta Melillan izan ezik, horietan hilabetekoa izango baita. Plaza baten esleipendunak lanpostuaz jabetzearekin batera zerbitzu aktibora itzultzea lortzen badu, lanpostuaz jabetzeko epea hogei egun baliodunekoa izango da, eta agindu hau Euskal Herriko Agintaritzaren Aldizkarian argitaratzen den egunetik aurrera zenbatu beharko da.

Lanpostuaz jabetzeko epeei dagokienez, lanpostu bat zerbitzu-eginkizunetan betetzen ari den funtzionarioa «funtzionarioaren herritzat» joko da zerbitzuak benetan ematen ari den herria.

Seigarren artikulua Esleitutako destinoei ezin zaie uko egin. Justizia Administrazioko Zuzendaritzak horien esleipenaren berri emango dio Justizia Ministerioari.

Zazpigarren artikulua Esleitutako plazak betetzen ari diren bitarteko funtzionarioek lanpostua utzi beharko dute titularra lanpostuaz jabetzearen aurreko egun baliodunean. AZKEN XEDAPENETAKO LEHENENGOA

Agindu honen aurka aukerako berraztertzeko errekurtsoa aurkez dakioke Berdintasun, Justizia eta Gizarte Politiketako sailburuari, hilabeteko epean, edo administrazioarekiko auzi-errekurtsoa Vitoria-Gasteizko Administrazioarekiko Auzien Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.

AZKEN XEDAPENETAKO BIGARRENA

Agindu hau Euskal Herriko Agintaritzaren Aldizkarian eta Estatuko Aldizkari Ofizialean argitaratu eta hurrengo egunean jarriko da indarrean.

Aldi berean argitaratzea lortzen ez bada, epeak Euskal Herriko Agintaritzaren Aldizkarian argitaratu eta hurrengo egunetik aurrera zenbatuko dira.

Vitoria-Gasteiz, 2022ko ekainaren 1a.

Berdintasun, Justizia eta Gizarte Politiketako sailburua,

BEATRIZ ARTOLAZABAL ALBENIZ.

(Ikus .PDF)

Gaiarekin lotutako edukiak

Arauaren historia (1)

Ikus: AGINDUA, 2022ko martxoaren 16koa, Berdintasun, Justizia eta Gizarte Politiketako sailburuarena, zeinaren bidez berariazko lehiaketa baterako deialdia egiten baita Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko kidegoetarako, eginkizunak edo hizkuntza direla-eta bereziturik dauden lanpostuak betetzeko.

Arreta Soziosanitarioa