Lehenengoa. Gipuzkoako Foru Aldundiak (Hurrengoek ordezkatuta: María Jesús Aranburu Orbegozo andreak, Kultura eta Euskara Departamentuaren Foru Diputatu gisa; Haritz Solupe Urresti jaunak, Sustapeneko eta Hedapeneko Zuzendari Nagusi gisa; Estibaliz Alkorta Barragan andreak, Euskarako Zuzendari Nagusi gisa; eta Xabier Huitzi Belamendia jaunak), Villabonako Udalak (Maixabel Arrieta Galarraga andreak ordezkatuta, Alkatesa gisa), Euskal Herriko Bertsozale Elkarteak (Joseba Iñaki Murua Jauregi jaunak ordezkatuta), eta Euskal Herriko Unibertsitateak (Ludger Karl Paul Mees jaunak ordezkatuta, Euskara Errektoreorde gisa) Mintzola Fundazioa eratu zuten, Donostian, 2008ko abenduaren 12an, Donostiako Eduardo Clausen Zubiria notario jaunaren aurrean egiletsitako eskritura publikoaren bidez (protokolo-zk.: 1069).

Inskribatzeko eskabidea 2008ko abenduaren 19an aurkeztu zen. Dokumentazioa aztertu ondoren, Euskal Autonomia Erkidegoko Fundazioen Erregistroko zerbitzu teknikoek 2009ko ekainaren 12an Euskal Autonomia Erkidegoko Fundazioei buruzko ekainaren 17ko 12/1994 Legearen Laugarren Xedapen Gehigarriaren 2.b) atalak aipatzen duen justifikazioa egiaztatzeko errekerimendua egin zioten. Honi erantzunez, 2009ko uztailaren 17an María Jesús Aranburu Orbegozo andreak bidalitako bi txostenei sarrera ematen zaie: Bata Gipuzkoako Foru Aldundiko Euskararen Normalkuntza eta Sustapen Zerbitzuko buruak egindakoa; eta bestea OPE Consultores enpresak egindakoa, Mintzolarentzako figura juridiko eta antolaketa egituraren proposamenari buruzkoa. Biek osatu egiten dute Gipuzkoako Foru Aldundiaren Diputatuen Kontseiluko Idazkariak egindako ziurtagirian jasotzen den aipamena, eratze tituluan ere jasotzen dena (aipamen hori Euskal Autonomia Erkidegoko Fundazioei buruzko ekainaren 17ko 12/1994 Legearen laugarren xedapen gehigarriak aipatzen dituen txosten eta memoriak espedientean jasotzeari buruzkoa da).

Euskal Autonomia Erkidegoko Fundazioen Babeslaritzaren Aholku-Batzordeak, Batzorde Tekniko moduan bilduta, fundazioaren xedeen zilegitasuna eta interes orokorra egiaztatzeko helburuarekin, 2009ko urriaren 19an, erregistroan inskribatzearen aldeko txostena ematen du.

Bigarrena. Hona Mintzola Fundazioaren helburuak, Estatutuetako 3. artikuluak ezarritakoaren arabera:

Fundazioaren helburu da euskarazko ahozko tradizioaren behatoki dinamikoa izatea, eta gizarteak dituen ahozko komunikazio premiei erantzun egokia ematea. Bi egiteko hauen arteko ezinbesteko zubia ikerketa izango da, eta ondorioz, ahozkotasunaren ikerketa Mintzola Fundazioaren zeregin nagusia izango da.

Zeregin hori lau ardatz nagusien bitartez garatuko dela aurreikusten da, eta hura osatuko dute bai oinarrizko ikerketak, bai ikerketa aplikatuak ere, eta bere hedapenak; hauek guztiak fundazioaren Estatutuetako 3. artikuluan garatzen dira.

Hirugarrena. Fundazioaren helbidea, Estatutuetako 5. artikuluan ezarritakoaren arabera, Villabonan (Gipuzkoa) egongo da, eta hau izango da: Subijana etxea. Kale Nagusia, 70.

Laugarrena. Hasierako dotazioa hogeita hamar mila eurokoa da (30.000 euro), eta diru hori jarri dela agiri bidez egiaztatu da fundazioa erregistroan inskribatzeko espedientean, Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuko 37.1.c artikuluarekin bat etorriz.

Ondare-dotazioa egokitzat eta nahikotzat jotzen da fundazioaren helburuak betetzeko, aplikatzekoa den Fundazioei buruzko abenduaren 26ko 50/2002 Legeko 12.1 artikuluaren arabera, eta azken xedapenetako 1.ari jarraiki.

Bosgarrena. Fundazioa gobernatzea, administratzea eta ordezkatzea Patronatuari utzi zaizkio. Patronatuko kideek dohainik beteko dituzte beren egitekoak, Fundazioaren Estatutuetako 9. artikuluan jartzen duen moduan.

Seigarrena. Ondorengo hauek osatuko dute hasierako Patronatua, fundazioaren eratze-eskrituran eta fundazioaren Estatutuetako 10. artikuluan ezartzen den moduan:

Kargua

Cargo Iraupena

Vigencia

Lehendakaria/Presidenta María Jesús Aranburu Orbegozo andrea, (Gipuzkoako Foru Aldundiko Kultura eta Euskara Departamentuaren Foru diputatu gisa/ Diputada Foral del Departamento de Cultura y Euskera de la Diputación Foral de Gipuzkoa). Mugagabea/Indefinida

Lehendakariordea/Vicepresidenta Estibaliz Alkorta Barragan andrea (Gipuzkoako Foru Aldundiko Euskarako zuzendari nagusi gisa/Directora General de Euskera de la Diputación Foral de Gipuzkoa). Mugagabea/Indefinida

Idazkaria/Secretario Joseba Iñaki Murua Jauregi jauna (Euskal Herriko Bertsozale Elkarteko lehendakari gisa/Presidente de la asociación Euskal Herriko Bertsozale Elkartea). Mugagabea/Indefinida

Batzordekidea/Vocal Haritz Solupe Urresti jauna (Gipuzkoako Foru Aldundiaren Sustapeneko eta Hedapeneko zuzendari nagusi gisa/Director General de Difusión y Desarrollo de la Diputación Foral de Gipuzkoa). Mugagabea/Indefinida

Batzordekidea/Vocal Xabier Huitzi Belamendia jauna (Gipuzkoako Foru Aldundia ordezkatuz/Representante de la Diputación Foral de Gipuzkoa). Mugagabea/Indefinida

Batzordekidea/Vocal Maixabel Arrieta Galarraga andrea (Villabonako Udaleko alkate gisa/Alcaldesa del Ayuntamiento de Villabona). Mugagabea/Indefinida

Batzordekidea/Vocal Ludger Karl Paul Mees jauna (Euskal Herriko Unibertsitateko Euskara errektoreorde gisa/Vicerrector de Euskera de la Universidad del País Vasco). Mugagabea/Indefinida

Guztiek onartu dituzte beren karguak, Euskal Autonomia Erkidegoko Fundazioei buruzko ekainaren 17ko 12/1994 Legearen 12.1 artikuluaren arabera onartu ere.

Lehenengoa. Justizia eta Herri Administrazioko sailburuari dagokio fundazioaren eraketa inskribatzeko espedientea agindu bidez ebaztea, Euskal Autonomia Erkidegoko Fundazioei buruzko ekainaren 17ko 12/1994 Legearen 40. artikuluan, Euskal Autonomia Erkidegoko Fundazioen Babeslaritzaren Erregelamendua onartzen duen ekainaren 19ko 100/2007 Dekretuaren 4. artikuluan eta Justizia eta Herri Administrazio Sailaren egitura organikoa eta funtzionala ezartzen dituen abuztuaren 28ko 472/2009 Dekretuaren 4. artikuluan agindutakoaren arabera.

Bigarrena. Eskumena daukan pertsona batek abiarazi du espediente hau. Espedienteari, bestalde, funtsezkotzat jotzen diren datu eta agiriak erantsi zaizkio, eta bereziki, Euskal Autonomia Erkidegoko Fundazioei buruzko ekainaren 17ko 12/1994 Legearen 6., 7. eta 9. artikuluetan eta Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 36. artikuluan eta ondorengoetan agindutako baldintzak bete dira. Kasu honetan, eraketa espedientean azaltzen diren arrazoiak Fundazioaren eraketan parte hartzen duten pertsona juridiko-publiko guztiei hedatzen zaizkiela interpretatzen da. Ebazpen honen aurrekarietan azaldutako arrazoiek, fundazio baten bitartez interes orokorreko helburuak hobeto lortuko direla aintzat hartzen dute; ondorioz, nahikotzat balioesten dira.

Kontuan hartuz aipatutako arauak eta aplikagarri diren gainerako arau orokorrak,

Justizia eta Herri Administrazioko sailburuak hauxe

Lehenengoa. Villabonako (Gipuzkoa) MIntzola Fundazioa eta Patronatuaren hasierako osaera Euskal Autonomia Erkidegoko Fundazioen Erregistroan gaurko datarekin eta F-250 zenbakiarekin inskribatzeko agintzea. Patronatuko kideak seigarren aurrekarian aipatzen dira eta guztiek espresuki onartu dituzte beren karguak.

Bigarrena. Fundazio hori bere helburuekin bat datorren Euskal Autonomia Erkidegoko Fundazioen Erregistroko 1. sekzioan inskribatzea, Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 2. artikuluan ezarritakoari jarraiki.

Hirugarrena. Agindu hau Euskal Herriko Agintaritzaren Aldizkarian argitaratzea.

Agindu hau azkena da administrazio-bidean. Bere aurka aukerako berraztertzeko errekurtsoa aurkeztu ahal izango zaio Justizia eta Herri Administrazioko sailburuari, hilabeteko epean, jakinarazten den egunaren biharamunetik aurrera; edo bestela, administrazioarekiko auzi-errekurtsoa jar daiteke Euskal Autonomia Erkideko Auzitegi Nagusiko administrazioarekiko auzien salan, hilabete biko epean, jakinarazten den egunaren biharamunetik aurrera.

Vitoria-Gasteiz, 2009ko azaroaren 12a.

Justizia eta Herri Administrazioko sailburua,

IDOIA MENDIA CUEVA.