Enplegu publikoa

Egoitza elektronikoa

Arautegia

Inprimatu

AGINDUA, 2003ko martxoaren 14koa, Nekazaritza eta Arrantza sailburuarena, Euskal Autonomi Erkidegoko barruko uretako arrantza eta itsaski-bilketari buruzko zenbait debeku kentzen dituena.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Nekazaritza eta Arrantza Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 54
  • Hurrenkera-zk.: 1571
  • Xedapen-zk.: ---
  • Xedapen-data: 2003/03/14
  • Argitaratze-data: 2003/03/17

Gaikako eremua

  • Gaia: Ekonomi Jarduerak; Ingurune naturala eta etxebizitza
  • Azpigaia: Industria; Ingurumena; Nekazaritza eta arrantza
Deskribapenak

Testu legala

"Prestige" petroliontziaren istripuak sortutako egoera dela-eta, beste neurri batzuen artean, arrantza eta itsaski-bilketa mugatzeko xedapenak ezarri dira.

Horiek horrela, 2002ko abenduaren 9ko agindu bidez, oinezko itsaski-bilketa, jolaserakoa zein profesionala, debekatu zen Euskal Autonomi Erkidegoko kostaldean. Debeku hori epe-mugarik gabe ezarri zen eta indarrean jarraituko zuen berariaz kendu arte (EHAA, 2002ko abenduaren 11ko 236. zk.).

Bestalde, 2003ko otsailaren 14ko agindu bidez, aurrezaintzeari begira, Euskal Autonomi Erkidegoko barruko uretako arrantza eta itsaski-bilketa debekatu zen, eta horrela jarraituko zuen alderantzizko xedapena eman arte (EHAA, 2003ko otsailaren 18ko 34. zk.).

Egungo egoeraren baldintzak ikertu eta aztertu ondoren, eta azterketa horien ondorioz, komenigarria eta beharrezkoa iritzi zaio egun indarrean dauden zenbait debeku kentzeari eta beste batzuei, aldiz, badaezpada eusteari.

Adierazitakoaren arabera, eta Itsas arrantzari buruzko martxoaren 13ko 6/1998 Legean eta ezargarri diren gainerako arauetan zehaztutakoarekin bat etorriz, honako hau,

EBATZI DUT :
Lehenengoa. Euskal Autonomi Erkidegoko barruko uretako arrantza eta itsaski-bilketari, merkaturatzekoari zein jolaserakoari, dagokienez 2002ko abenduaren 9ko aginduaren eta 2003ko otsailaren 14ko aginduaren bidez ezarritako debekuak kentzea, jarraian adierazitakoak izan ezik. Izan ere, honako hauen debekuak indarrean jarraituko du alderantzizko ebazpena eman arte:

  1. Ingurasareko arrantza.

  2. Honako itsaski-espezie hauek biltzea:

    • Lanperna.

    • Ostra.

    • Ostratzarra.

    • Lapa.

    • Karrakela.

  3. Gainerako itsaskien bilketa, beita gisa erabiltzeko ezpada.

Bigarrena. Agindu honen aurka, berraztertzeko errekurtsoa aurkez diezaiokete interesatuek Nekazaritza eta Arrantza sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik kontatzen hasita; edo bestela, administrazioarekiko auzi-errekurtsoa aurkez dezakete, bi hilabeteko epean, agindua argitaratu eta biharamunetik kontatzen hasita.
Hirugarrena. Agindu hau, Euskal Herriko Agintaritzaren Aldizkarian argitaratu eta biharamunean jarriko da indarrean.

Vitoria-Gasteiz, 2003ko martxoaren 14an.

Nekazaritza eta Arrantza sailburua,

GONZALO SAENZ DE SAMANIEGO BERGANZO.

Gaiarekin lotutako edukiak


Arauaren historia (2)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.