Autonomia Estatutuak 10.16 artikuluan agindutakoari jarraiki eta Euskal Unibertsitate Sistemari buruzko otsailaren 25eko 3/2004 Legeak xedatzen duenaren arabera, Eusko Jaurlaritzak, azaroaren 13ko 191/2007 Dekretuaren bidez, Ikerketarako Euskal Kontseilua sortu zuen, Euskal Autonomia Erkidegoan ikerketa, garapena eta berriztapena behatu, koordinatu eta sustatzeko.

Dekretu horren 4. artikuluan kontseiluaren osaketa azaltzen da eta eta g) idatz-zatian, berriz, partaideak nortzuk diren: «Eusko Jaurlaritzako Sail hauetako ordezkari bana, sailburuen proposamenez: Industria, Merkataritza eta Turismo Saila, Osasun Saila, Nekazaritza, Arrantza eta Elikadura Saila eta Ingurumen eta Lurralde Antolamendu Saila».

Lehendakariaren maiatzaren 8ko 4/2009 Dekretuaren bidez, Euskal Autonomia Erkidegoaren Administrazioko sailak sortu, ezabatu eta aldatu, eta horien egitekoak eta jardun-arloak finkatu ziren (dekretu hori gero uztailaren 30eko 20/2009 Dekretuak aldatu zuen), eta 2. artikuluan Euskal Erkidegoko Administrazioaren sailen antolamendua.

Horren ondorioz, Hezkuntza, Unibertsitate eta Ikerketa Sailak, Industria, Berrikuntza, Merkataritza eta Turismo Sailak, Osasun eta Kontsumo Sailak, eta Ingurumen, Lurralde Plangintza, Nekazaritza eta Arrantza Saileko sailburuen proposamenez, Aholkularitza Juridikoko Batzordeak esandakoarekin bat eginez eta Jaurlaritza Kontseiluak 2011ko urtarrilaren 18an egindako bilkuran aztertu eta onartu ondoren, hau