Argitalpenak eta dokumentazioa

1. – Legearen arabera deitu eta eratutako Akziodunen Batzar Nagusia da Baltzuaren organo erabakigarria. Horrek baliotasunez har ditzan erabakiak akziodun guztiek bete beharko dituzte nahitaez, batzarrean agertu ez edo disidenteek ere bai.

2. – Lehendakaria Batzar Nagusiak berak aukeratuko du Baltzuaren akziodun diren bazkideen edo entitate juridikoetako ordezkarien artetik. Kasuan kasuko idazkaria ere Batzar Nagusiak aukeratuko du.

3. – Baltzu Anonimoen Legean ezarritakoa betez egingo da Batzarretarako deia; eta modu berean aztertuko dira gaiak eta hartuko erabakiak.

Administrazio Kontseiluak osatzen du Baltzuaren organo kolegiatua. Bere egitekoa da Baltzua modurik zabalenean kudeatzea eta ordezkatzea epaiketetan eta horietatik kanpo. Batzar Nagusiaren erabakien eta legeek edo estatutuek Batzarrari egotz diezazkioten ahalmenen araberako mugak baino ez ditu izango bere jardunean.

1. – Gutxienez hiru administratzailek eta gehienez hemeretzik osatuko dute Administrazio Kontseilua. Ez dute nahitaezkoa izango Baltzuaren akziodun izatea.

2. – Batzar Nagusiaren eskumenak: kontseilari kopurua finkatzea, horiek izendatzea eta gura duenean kargutik kentzea, eta Kontseiluko karguak (lehendakariak, lehendakariordea eta idazkaria) izendatu eta aldatzea.

3. – Baltzua osatzerakoan izendatutako administratzaileek Legean ezarritako iraupen-aldia izango dute euren karguetan. Beste era batera izendatutakoen aginte-aldia Batzar Nagusiak mugatuko du kasuan kasuan. Hala ere, bai batzuk zein besteak, epemuga zehatz barik aukera daitezke, edo edozein unetan kendu ditzake euren karguetatik Batzar Nagusiak.

4. – Kontseiluko kideak, gehienez ere, bost urterako izendatuko dira. Behin eta berriro berraukeratu daitezke epe berorretarako.

1. – Administrazio Kontseilua biltzeko deia lehendakariak egingo du, edo Administratzaileen herenak eska dezake bilera egitea. Baltzuaren jardunerako egoki iritzitako beste bider bildu daiteke Kontseilua, gutxienez hiruhilabeterik behin.

2. – Gutxienez berrogeita zortzi ordu lehenago egingo da deialdia; edo lehendakariak on deritzonean, premiatasuneko kasuetan. Aztergaien zerrenda finkatu beharko da.

3. – Kontseilurako aldez aurretik deia egitea ez da beharrezkoa izango. Erabakiak hartzeko nahikoa izango da kontseilari guztiak bertan egon eta aho batez bilera egitea ebaztea.

4. – Galarazpen eta bateraezintasunen barruan leudekeenek —batik bat abenduaren 26ko 25/1983 Legearen eraginpekoek— ezingo dute kargurik bete Baltzuan.

1. – Administrazio Kontseilua baliotasunez osatzeko nahikoa izango da kideen erdia gehi bat agertzearekin, bai bertara azalduta edo norbait botaz euren ordez.

2. – Baltzuaren edozein direktibo edo enplegatu joan daiteke —hitz egiteko eskubidez, baina boto barik— Kontseiluko bileretara, baldin eta Kontseiluko lehendakariak bidezkotzat jotzen badu horiek bertan egotea, aholkuak edo argibideak emateko.

3. – Administrazio Kontseiluko lehendakaria izango da bileretako buru, eta berak zuzenduko ditu. Berori ez balego —kargua betetzeke dagoelako, gaixo dagoelako edo beste eragozpenen bat duelako—, lehendakariordeak edo, bestela, kontseilaririk zaharrenak beteko du lehendakariaren lekua.

   Kontseiluko idazkariak izapidetuko ditu deialdiak eta prestatuko ditu bilerak. Jazotakoaren aktak egingo ditu eta, lehendakariaren oniritziarekin, izenpetuko egingo ditu. Hartutako erabakien ziurtagiriak ere emango ditu.

   Idazkaria ez badago –kargua betetzeke dagoelako, gaixo dagoelako edo beste eragozpenen bat duelako–, kontseilaririk gazteena jarriko da bere ordez.

4. – Kideen erabateko gehiengoz hartuko ditu erabakiak Kontseiluak. Lehendakariaren kalitatezko botoak ebatziko ditu berdinketak. Kontseiluko ahalmenak era iraunkorrean delegatu ahal izateko nahitaezkoa izango da kontseilarien bi herenen aldezko botoa ematea.

5. – Bileretako Akta Liburu bat izango du Baltzuak. Horren zaintza eta kontserbazioa Kontseiluko idazkariaren ardura izango da.

Kontseiluaren eskumenak:

1. Baltzuaren jarduna antolatu, zuzendu eta gainbegiratu.

2. Batzar Nagusiaren erabakiak gauzatu.

3. Epaiketetan edo epaiketetatik kanpo Baltzua erantzukizun osoz ordezkatzea, ekintza eta kontratu guztietan eta bai pertsona edo entitate publiko edo pribatuen aurrean ere.

4. Langileen errolda gauzatzeko eta langileak aukeratu era ordaintzeko irizpideak proposatu Batzar Nagusiari.

5. Baltzuaren langileak kontratatu eta ordainsariak finkatu Batzar Nagusiak adierazitako irizpideen ildotik.

6. Baltzuaren helburua den jarduerarekin lotutako negozio, baltzu edo enpresetan parte hartzeko proposatu Batzar Nagusiari.

7. Baltzuaren helburuak betetzeko beharrezkoak edo bidezkoak izan daitezen ekintzak burutu eta kontratuak izenpetu; hor sartzen direla, besteak beste, higiezinak erosi eta saltzea. Horretaz gain, eskubide errealak sortu, aldatu eta ezabatu, hipotekarena eta errentamenduko bereziarena barne izanik.

8. Baltzuarentzat onuragarriak izan daitezkeen kreditu eragiketak eta beste eragiketa finantzario batzuk erabaki.

9. Baltzuaren fondoak zelan erabili, non kokatu eta nola inbertitu behar diren Zehaztu. Gordailuak eratu; kontu korronteak —eskudiruak edo kredituak— ireki Baltzuaren izenean banku- edo kreditu-entitate edo –erakunde publiko edo pribatutan; eskudirua edo, oro har, baloreak atera. Truke letrak eta kredituko edo igorpeneko gainerako efektu merkantilak jaulki, endosatu, onartu, ordaindu, aurkatu eta negoziatu. Azken baten, bankuen eta merkataritzaren munduko eragiketa guztiak burutu, ezelango muga barik.

10. Baltzuaren urteko ekitaldia amaitzen denetik kontatzen hasi eta gehienez ere hiru hilabeteko epean urteko kontuak, kudeaketa txostena, emaitza aplikatzeko proposamena eta, beharko balitz, kontuak eta kontsolidatutako kudeaketa txostena formulatu.

11. Euskal Autonomia Erkidegoko baltzu publikoek nahitaez aplikatu behareko xedapenetan eskatzen diren programak, aurrekontuak eta gainerako dokumentazio ekonomikoa eta finantzarioa gertatu.

12. Baltzuari daragioten eskubide, akzio, erreklamazio eta errekurtsoez baliatzerakoan egokiena erabaki era, maila eta jurisdikzio guztietako epaitegi eta auzitegietan eta Estatuko, erkidego autonomoetako, probintzietako, udalerrietako eta beste ente publiko batzuetako agintari eta bulegoen aurrean; eta batzuei zein besteei uko egin bidezko irizterakoan. Ildo horretatik, letratu eta prokuradoreen alde ahalmenak egiletsi Baltzua defendatzeko.

13. Edozein izaerako ondasun eta eskubideei buruzkoa gaiak bideratu. Zuzenbidearen arbitrajera edo ekitatera jo prozedura hori beharko luketen gatazka guztietan.

14. Baltzuaren helburuarekin bat datozenean, Euskal Autonomia Erkidegoko Administrazioaz besteko pertsonei edo administrazio publiko zien pribatuari zerbitzuak eskaintzea erabaki.

    2. – Aurreko lerroaldeetan aipatutako eskumenek ez dituzte mugatzen Administrazio Kontseiluak dituen ahalmenak Baltzuaren negozioak eta interesak gobernatu, zuzendu eta administratzerakoan, baldin eta ez badaude beren-beregi gordeta Akziodunen Batzar Nagusiarentzat.

1. – Administrazio Kontseiluaren eskumenak:

   1. Bere kideen artetik batzorde betearazle bat edo gehiago osatu, bere ahalmen guztiak, edo batzuk, betiko edo aldi baterako eskuordetuz. Osatzeko orduan finkatuko da euren eginkizuna eta, beharko balitz, jardunerako arauak.

   2. Aholkularitzarako batzorde bat edo gehiago osatu. Ez da izango beharrezkoa kide guztiak Baltzuaren kontseilariak izatea. Osatzerakoan finkatuko dira eginkizunak eta, beharko balitz, jardunerako arauak. Adierazi diren aholkularitza- eta betearazpen-batzordeetako buru Baltzuko lehendakaria edo honek eskuordetutako kontseilaria izango da.

   3. Zenbait eginkizun betiko edo aldi baterako eskuordetu.

   4. Egoera jakin batzuetarako ahalordetze bereziak eman, ezelango muga barik kopuruaren aldetik.

2. – Aurreko artikuluko lehenengo paragrafoko d), f), j) eta k) lerroaldeetan ezarritakoaren arabera, Kontseiluari dagozkion ahalmenak ezingo dira eskuordetu.

Estatutu hauetako beste artikulu batzuetan esleitutakoez gain, honako ahalmen hauek dagozkio Administrazio Kontseiluko lehendakariari:

Lehendakariaren kargua betetzeke balego, edo ez egotea gertatuko balitz, bere ordez lehendakariordeak jardungo luke haren ahalmenekin, gehi Administrazio Kontseiluak eskuordetu diezazkiokeenekin.