1. Ikasleek bigarren hezkuntzan egindako aukerabideei egokitzea.

2. Xede ezberdinak (prestakuntza, lanbide-jarduerarako bide ematea eta helburu akademikoak) bateratzen dituzten lehen zikloko titulazioen eskaintza handitzea.

3. Inguruneko gizartearen, produkzioaren eta zerbitzuen eskabideei erantzutea.

4. Titulazioari dagozkion jakintza-arloetarako irakasle gaituak eta ikerketa-taldeak egotea. Horrelakorik ez badago, titulazioa ezarri aurretik ezinbestekoa izango da irakasleak prestatzeko programa bat burutzea, dagokion Unibertsitate Planean sartu beharko dena.

1. Lurralde historiko bakoitzeko egoera sozioekonomikoak eta hori garatzeko planek sortarazitako titulazio-eskaera.

2. Lurralde bakoitzean dagoen ikasle-kopurua eta lurralde horretako bilakaera demografikoa, bigarren hezkuntzako matrikula-datuak eta ikasleek adierazitako hobespenak aintzat hartuta.

3. Eskaerak horretara bultzatzen badu, lehen zikloko titulazioak lurralde batean baino gehiagotan ezartzea.

4. Interes orokorrak lortzen laguntzea.

5. Komunitatearen eskabide soziokulturalei egokitzea.

1. Salbuespenez bakarrik, eta interes orokorreko arrazoiengatik, baimena eman ahalko da goi-mailako zikloko edo bigarren zikloko titulazio berak zentro batean baino gehiagotan ezartzeko. Lehen zikloko edo ziklo laburreko titulazioak zentro batean baino gehiagotan ezartzeko baimena ere eman ahalko da, baldin eta eskaerak horretara bultzatzen badu, eta lurralde historiko bakoitzean lanbide heziketa garatzeko jarraibideak aintzat hartuta.

2. Titulazio bat zentro bakarrean ezartzeko baimena ematen bada ere, horrek ez du baztertzen Universidad del País Vasco / Euskal Herriko Unibertsitateak egokien jotzen duen moduan antolatu ahal izatea baimendutako ikasketen irakaskuntza, unibertsitatearen autonomiaz baliatuz.

3. Bi zikloko edo bigarren zikloko titulazio berriak ezartzen direnean, ahalik eta ikastetxe berri gutxien sortzera joko da, baldin eta proposatutako tituluaren jakintza-arlo bereko tituluak lortzeko ikasketen administrazio-kudeaketaz eta antolakuntzaz arduratzen diren zentroak badaude.

   Bestela, bi aukera daude: aurretik dagoen zentroren bat eraldatzea edo berri bat sortzea, Euskal Autonomia Erkidegoko hiru lurralde historikoetako campus bakoitzaren bitartekoak eta bertan ezarrita dauden titulazioak kontutan hartuta.

4. Titulazio berriak ezartzean titulazio bat baino gehiago ¿ziklo batekoak eta bikoak- eskaintzen dituzten zentroak osatzera joko da, dauden baliabideei ahalik eta etekin handiena ateratzearren.

Unibertsitate Kontseiluak ikasketa-plana onartutakoan, Euskal Herriko Agintaritzaren Aldizkarian eta Estatuko Aldizkari Ofizialean argitara dezaten aginduko du Universidad del País Vasco / Euskal Herriko Unibertsitateak; azken horretan argitaratu arte ezin izango dira irakaskuntza horiek eman.

1. Proposamena justifikatzen duen memoria, alderdi hauek jasoz:

   1. Ezarri edo aldatu nahi den titulazioa zein zentrotan emango den. Titulazio horrek zein lotura duen zentro horretan ematen diren gainerakoekin eta Universidad del País Vasco / Euskal Herriko Unibertsitateko beste zentro batzuetan ematen direnekin, bai eta Euskal Autonomia Erkidegoan egoitza duten beste unibertsitate batzuetan ematen direnekin ere.

   2. Titulazio horri dagokionez, zentroaren eta Universidad del País Vasco / Euskal Herriko Unibertsitatearen departamentuen egitura, eta departamentu berriak sortu edo daudenak aldatu beharrik dagoen.

   3. Irakaskuntza horien eskaintza eta eskaeraren azterketa. Aurreikusten den matrikula eta guztiz ezarri arte izen dezakeen bilakaera. Aurreikuspen horiek eta ikasle-jendeari buruzko datu demografikoak baterabiltzea, eta antzeko ikasketen aurreikuspen eta eskaerarekin alderatzea.

   4. Ezarri, aldatu edo kendu nahi diren titulazioek inguruko jarduera ekonomikoarekin duten lotura. Lanbide-eremu horretako titulatuen eskaintza eta eskaeraren azterketa. Horrelakorik balego, sektorearen langabezia-tasa eta gerora egon daitekeen eskaerari buruzko aurreikuspena.

   5. Titulazioak ezarri, aldatu edo kentzeak irakasleengan izango duen eraginaren azterketa xehatua, honakoak adieraziz: kontratazio berriak egin behar diren, dauden bitartekoak nahiko diren, irakaslerik soberan dagoen, plazak amortizatu behar diren eta eragindako irakasleak birkokatzeko planak. Irakasleei dagokienez, egoera berriak ekarriko duen kostearen ebaluazio ekonomikoa, titulazio berria guztiz ezarri artekoa edo daudenak aldatu edo kendu artekoa.

   6. Titulazioa ezarri, aldatu edo kentzeko epeen zehaztapena; nolanahi ere, ikasleek hasitako ikasketak amaitzeko duten eskubidea zaindu beharko da.

   7. Titulazio ezarri berriak edo aldatuak zein titulazioaren ordez jarriko diren, edo kentzen direnen ordez zein jarriko den, ikasle guztiek hasitako ikasketak amaitu ahal izatea benetan bermatuz.

   8. Titulazioak ezarri edo aldatu nahi diren zentroaren irakaskuntza eta ikerketarako egitura; zentroko ikerketa ildo nagusiak titulazio berrira nola egokitzen diren zehaztu beharko da.

2. Ikasketa-plana, onarpen eta homologazioaren ziurtagiriarekin batera. Ikasketa-plan berria landu eta ezartzean, honakoak hartuko dira kontutan:

   1. Titulazioak jakintza-arlo bereko gainerako titulazioekin eta beste jakintza-arlo batzuetako kidekoekin duen lotura.

   2. Jakintza-arlo baten barruan titulazio ezberdinetako enborreko eta derrigorrezko irakasgaiek elkarren artean duten lotura.

   3. Irakasgaiak taxutzean malgutasuna egotea departamentuei dagokienez, dauden baliabideei etekin hobea ateratzeko beharrezkoa denean, irakasgaiak sail ezberdinek eman ahal izan ditzaten, espezialitateak eta jakintza-arloak berariaz sail bakarrari atxikitzen bazaizkio ere.

   4. Hautazko irakasgaiak nola egokitzen zaizkien irakaskuntza-proiektuari, gizartearen eskaerari eta titulazio berriarekin lotutako ikerketa-ildoei.

   5. Titulazio bateko lehen ziklotik bigarrenera sarbidea izatea, edo bakarrik bigarren zikloa duen titulazio batera.

   6. Ikasketa-planak beren egokitasuna aldizka ebaluatzeko sistema baten menpe egotea; ebaluaketa akademiko gaituek egingo dute.

3. Txosten ekonomikoa, titulazioa guztiz ezarri, aldatu edo kendu arteko epeak zehaztuta; alderdi hauek jasoko ditu nahitaez:

   1. Dagoen azpiegitura materiala eta egoera berrirako zenbateraino balioko duen.

   2. Beharrezkoa den azpiegitura materiala, ekipamendu higigarri zein higiezinei dagokienez. Koste ekonomikoaren ebaluazioa eta finantzatzeko proposamena.

   3. Dagoen irakaskuntzako eta ikerketarako azpiegitura eta egoera berrirako zenbateraino balioko duen.

   4. Beharrezkoa den irakaskuntzako eta ikerketarako azpiegitura.

   5. Dagoen administrazioko eta zerbitzuetako pertsonala eta, halakorik balego, dotazio gehiagoren beharrak edo soberakinak sortzeak eragingo lituzkeen aldaketak.

   6. Gaur egun edo geroan kanpotik etor daitekeen finantzaketaren analisia, materialetarako eta ikerketarako hornikuntza bereziki aipatuz.

   7. Unibertsitateak eta unibertsitate-zentroak sortu eta aitortzeari buruzko apirilaren 12ko 557/1991 Errege Dekretuaren Eranskinean zehaztutako gutxieneko betekizun materialak zenbateraino betetzen diren.

4. Gobernu Batzordeak onartutako erabakiaren egiaztagiria, Unibertsitateko Idazkaritza Nagusiak emana.

5. Direnak direlako ikasketak ezarri, aldatu edo kentzeko proposatzen duen erabakiaren egiaztagiria, Gizarte Kontseiluko Idazkaritza Teknikoak emana.