1. atala.¿ Egitekoak eta jardun-arloak.

   Jaurlaritzaren Lehendakariordetzak egiteko hauek izango ditu: Jaurlaritzaren lehendakariordea eta Ogasun eta Herri Administrazio sailburua izendatu zituen urtarrilaren 4ko 3/1999 Dekretuan emandakoak; Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen urtarrilaren 4ko 1/1999 Dekretuaren 5. atalak ematen dizkion jardun-arloei buruzkoak; eta dekretu honetan lehendakariak ematen dizkion eskurantzak, datozen ataletan agindutakoari jarraituz.

2. atala.¿ Egitura Orokorra.

1. ¿ Jaurlaritzaren Lehendakariordetzak, aurreko atalean aipatzen diren eginkizunak betetzeko, organo hauek ditu:

   1. Erakundeekiko Politikarako eta Koordinaziorako Idazkaritza Nagusia:

      1. ¿ Koordinazio Zuzendaritza.

      2. ¿ Autonomia Garapen eta Erakundeekiko Harremanetarako Zuzendaritza.

      3. ¿ Administrazioa Eraberritzeko Bulegoaren Zuzendaritza.

   2. Araubide Juridikoaren Idazkaritza Nagusia:

      1. ¿ Auzibide Zuzendaritza.

      2. ¿ Lege Garapen eta Arau Kontrolerako Zuzendaritza.

      3. ¿ Jaurlaritzaren Idazkaritzako eta Legebiltzarrarekiko Harremanetarako Zuzendaritza.

2. ¿ Idazkaritza nagusietako titularrek sailburuorde maila izango dute, Jaurlaritzari buruzko ekainaren 30eko 7/1981 Legearen ondorioetarako.

3. atala.¿ Jaurlaritzaren lehendakariordea.

1. ¿ Jaurlaritzaren lehendakariordeak, lehendakariaren gidaritzapean, Jaurlaritzaren jardun orokorra eta arlokakoa koordinatuko ditu, sailburu bakoitzak bere jarduna-alorrak kudeatzeko dituen eskumenei eta erantzukizunei ezer kendu gabe.

2. ¿ Bere eginkizunak betetzeko, lehendakariordeak eskumen hauek ditu:

   1. Jaurlaritzatik lortutako laguntza eta informazioa ematea Legebiltzarrari.

   2. Sailen artean eskumenen inguruan sortzen diren auziei aterabidea ematea, sailburuek konponbiderik lortzen ez badute.

   3. Jaurlaritzaren Ordezko Batzordeen bileretarako deia egitea eta, kasua bada, horien gidaritza eta zuzendaritza bere gain hartzea.

   4. Jaurlaritzaren legegintza-programa koordinatzea.

   5. Jaurlaritzaren zereginak zuzen burutzeko eta hartu beharreko erabakiak egoki betetzeko behar diren barne arauak ezartzea.

   6. Jaurlaritzak eta berorren ordezko batzordeek hartutako erabakien gauzatzea bultzatzea eta koordinatzea, eta beharrezko bada, argitaratzea.

3. ¿ Lehendakaria egon ez edo gaixorik dagoenean, lehendakariordeak ordezkatuko du, horrela xedatzen baita Jaurlaritzari buruzko ekainaren 30eko 7/1981 Legean.

.¿ Erakundeekiko Politikarako eta Koordinaziorako Idazkaritza Nagusia.

1. ¿ Erakundeekiko Politikarako eta Koordinaziorako Idazkaritza Nagusiaren egitekoak hauek dira:

   1. Jaurlaritzaren jarduna koordinatzeko eginkizunetan lehendakariari urgaztea.

   2. Jaurlaritzaren jardunaren informazio eta segimendurako baliabideen kudeaketa zuzentzea eta koordinatzea.

   3. Estatuarekiko eta beste lurralde erakunde batzuekiko harremanetarako politika garatzea autonomia garatzeko eragina izan dezaketen gaietan, eta horretarako sortzen diren organo mistoetan parte hartzea.

   4. Euskal Autonomia Erkidegoaren eskumenei buruzko zerbitzuen transferentziak artikulatzeko politika burutzea, bai Estatuari dagokionez, bai lurralde historikoei dagokienez.

   5. Jaurlaritzaren legegintza-egutegia prestatzea, garatzea, horren segimendua egitea eta Legebiltzarrean izapidetzea, Araubide Juridikoaren Idazkaritza Nagusiarekin lankidetzan arituz.

   6. Jaurlaritzak onartutako egitasmo eta programen egutegia prestatzea, garatzea eta horren segimendua egitea.

   7. Jaurlaritzaren programa garatu eta aplikatzeko, sailen arteko jardueren koordinazio orokorrari eta arlokakoari buruzko jarraibideak onartzeko proposamena egitea Jaurlaritzaren lehendakariordeari eta horien gauzatzea ikuskatzea.

   8. Administrazio publikoa razionalizatzeari eta hobetzeari buruzko lanak zuzendu eta koordinatzea; sailekin batera jardungo du eta Jaurlaritzaren lehendakariordeak eta Ogasun eta Herri Administrazio sailburuak egingo dute gainbegiratzea.

   9. Jaurlaritzaren Lehendakariordetzaren komunikazio eta informaziorako politika burutzea. Harreman publiko eta erakundeekiko harremanen eremuan lehendakariordeak esleitzen dizkion jardunak ere garatuko ditu.

2. ¿ Erakundeekiko Politikarako eta Koordinaziorako Zuzendaritzak Jaurlaritzaren Lehendakariordetzako kontratazio-organoari dagozkion ahalmenak erabiliko ditu, kontratuaren hasierako aurrekontua 25.000.000 PTAtik gorakoa (150.253,03 euro) denean.

5. atala.¿ Koordinazio Zuzendaritza.

   Hauek dira Koordinazio Zuzendaritzaren eginkizunak:

   1. Jaurlaritzaren jarduna eta programa garatu eta betetzeko sailek burutu beharreko jarduerak planifikatzea, programatzea eta ebaluatzeko teknikak eta metodoak proposatzea.

   2. Jaurlaritzaren jarduna programatzeari, duen lege¿egutegiari eta programaren betetze-graduari buruzko txostenak eta proposamenak gertatzea, Jaurlaritzaren Idazkaritzarako eta Legebiltzarrarekiko Harremanetarako Zuzendaritzarekin lankidetzan.

   3. Jaurlaritzaren jardunari buruzko informazio eta segimendu-baliabideak kudeatzea.

   4. Bere ohiko jardunean Jaurlaritzak beteko dituen plan, programa eta ekintza esanguratsuen egutegia prestatzea; eta sailen eta gainerako erakundeen plan, programa eta ekintzei buruzko informaziorako eta horien segimendurako prozedurak proposatu eta burutzea, Lehendakariordetzari dagozkion koordinatzeko eginkizunak errazteko.

   5. Jaurlaritzaren Lehendakariordetzak gauzatzen dituen koordinatze-eginkizunak burutzeko beharrezkoa den laguntza teknikoa eskaintzea, batik bat sail bati baino gehiagori eragiten dioten plan, programa edo ekintzei dagokienez.

   6. Jaurlaritzako sailen jarduna koordinatzeko beharrezkoak diren txostenak eta azterlanak egitea. Jaurlaritzaren jarduna eta programa gauzatuz sailek prestatzen dituzten plan eta programa orokorren eta arlokakoen berri emango du, bereziki.

   7. Jaurlaritzaren lehendakariordeari dagozkion segimendu eta koordinaziorako eginkizunetarako beharrezkoak diren agiriak eta urgazpena eskatzea sailei.

   8. Administrazio eta kudeaketa mailan sailek eta erakundeek egiten dituzten jardunak hobetzeko planak garatzea eta ekimenak aurkeztea, Administrazioa Eraberritzeko Bulegoaren zuzendaritzarekin batera. Jaurlaritzaren ekintza administratiboa koherentea izateko eta disfuntzioak eta jardun autonomo eta koordinaziorik gabekoak ekiditeko izango dira aipatu hobekuntzak.

   9. Jaurlaritzaren Kontseiluak edo Ekonomia Gaietarako Ordezko Batzordeak eztabaidatzekoak diren gaien gainean aholkuak ematea, Jaurlaritzaren lehendakariordeak edo Erakundeekiko Politikarako eta Koordinaziorako Zuzendaritza Nagusiak eskatuta.

   10. Sailen arteko koordinazioari dagokionez esleitzen zaizkion gainerakoak.

6. atala.¿ Autonomia Garapen eta Erakundeekiko Harremanetarako Zuzendaritza.

1. ¿ Autonomia Garapen eta Erakundeekiko Harremanetarako Zuzendaritzaren egitekoak hauek dira:

   1. Autonomiaren garapena bultzatzea eta aztertzea, legeetan jasotzen diren eskumenei buruzko ikerketa juridikoak eginez.

   2. Jaurlaritzak, Estatuarekin, beste autonomia erkidego batzuekin edo foru eta toki mailako erakundeekin, biren artean nahiz askoren artean izango dituen erakunde-harremanetarako politika exekutatzea edo horretan lankide izatea.

   3. Estatutik eta beste lurralde-erakunde batzuetatik transferentziak eskuratzeko politika bultzatzea, gai horietaz aholkuak ematea eta lan hori koordinatzea eta gauzatzea.

   4. Transferentzien Batzorde Mistoetako idazkaritza-lana egitea. Autonomia-Estatutuko aldibaterako xedapenetatik bigarrenean eta «Autonomia-Elkarte Osorako Erakundeen eta bertako Kondaira Lurraldeetako Foruzko Ihardutze-Erakundeen arteko Harremanei buruzko Legea»ren aldibaterako xedapenetatik lehenengoan aipatzen dira aipatu batzordeak.

   5. Jaurlaritzaren eta Estatuko Administrazioaren artean eta foru eta toki mailako instituzioen artean eskumenen inguruan sortzen diren auzien inguruan ikerketak egitea eta Jaurlaritzari aholkuak ematea.

   6. Euskal Autonomia Erkidegoko erakundeen arteko lankidetza, koordinazioa, plangintza bateratua eta artikulazioa bultzatzea eta garatzea.

2. ¿ Erakundeekiko Politikarako eta Koordinaziorako Zuzendaritzak Ogasun eta Herri Administrazio Saileko organoekin batera egingo du lan, transferentzien ekononomia-balorazioari eta foru eta toki mailako erakundeekiko harreman eta ekintzei dagozkienez.

7. atala.¿ Administrazioa Eraberritzeko Bulegoaren Zuzendaritza.

1. ¿ Administrazioa Eraberritzeko Bulegoaren Zuzendaritzak honako egiteko hauek izango ditu:

   1. Antolaketa, zerbitzuen kalitatea, informatika, giza baliabideak, ekonomia kudeaketa, merkatu-indarren bertaratzea eta beharrezkotzat jotzen diren eremu batzuk egokitzeko eta hobetzeko, sail ezberdinen arteko planak lantzea, koordinatzea eta bultzatzea.

   2. Legeetan egin beharreko aldaketak gertatzea Administrazioa arrazionalizatu eta hobetu ahal izateko. Lege-aldaketa horiei buruzko arautegiak garatzea.

   3. Sailek edo Euskal Autonomia Erkidegoko Administrazioko erakunde autonomoek, bakoitzak bere aginte-eremuaren barruan, sustatzen dituzten arrazionalizazio eta hobekuntza proiektuak informatu beharko ditu obligazioz eta proiektu horiek aplikatu diren ala ez gainbegiratu.

   4. Barne-eraketari, ente instituzionalak sortzeari edo giza-baliabideak eratzeari dagokienez sailek mamitzen dituzten egintzei buruzko berriak ematea.

   5. Lan administratiboak sinplifikatzeko neurriak aplika daitezen proposatzea eta bultzatzea; neurri horiek bete daitezen zaintzea.

   6. Zerbitzu-eskaintzaren kalitatea eta, oro har, herritarrek Administrazioa ezagutu dezaten eta horretaz balia daitezen xedetzat duten eraketa eta prozedurako proposamenak lantzea.

   7. Sail guztienak diren zerbitzuak emeki-emeki deszentralizatzeko beharrezkoak diren ekintzei buruzko proposamenak egitea, ekintza horiek koordinatzea eta kudeaketa-arloan autonomia izan dezaten bultzatzea.

   8. Administrazioen arteko harremanetan eragina izango duten arrazionalizazio eta hobekuntzarako proiektu eta proposamenak landu eta sustatzea, horiek aplikatu eta betetzen diren gainbegiratuz.

2. ¿ Administrazioa Eraberritzeko Bulegoaren Zuzendaritzaren lan-metodoa proiektu bidezko kudeaketan oinarrituko da: proiektu bakoitzeko lan-talde bat eratuko da, beste sail batzuetako ordezkarien eta, hala badagokio, kanpoko adituen partaidetzarekin.

3. ¿ Bere funtzioak betetzeko, Administrazioa Eraberritzeko Bulegoaren Zuzendaritzak Ogasun eta Herri Administrazio Saileko organoen lankidetza izango du eta, bereziki, informazio-sistemekin, giza-baliabideekin, hainbat sail hartzen dituzten zerbitzuekin eta kudeaketa ekonomikoarekin zerikusia duten gaietan eskumenak dituzten organoekin; Zuzendaritza horrek esku artean dituen proiektuek horrela eskatzen badute berarekin elkarlanean arituko dira aipatutako organoak.

8. atala.¿ Araubide Juridikoaren Idazkaritza Nagusia.

   Araubide Juridikoaren Idazkaritza Nagusiak egiteko hauek ditu:

   1. Zerbitzu Juridiko Nagusia den aldetik, Jaurlaritzaren Goi Mailako Kontsulta Zentroa da, eta berari dagozkio bai Euskal Autonomia Erkidegoko Administrazio Orokorraren eta Instituzionalaren kontsulta eta aholkularitza lanak, bai Administrazio horiek ordezkatzea eta babestea edozein jurisdikzioren aurrean.

   2. Sailekin batera Jaurlaritzak Legebiltzarrean hartu dituen konpromisoak zenbatean bete diren jagotea.

   3. Jaurlaritzaren eta Ekonomia Gaietarako Ordezko Batzordearen zereginak antolatzea, bai eta Jaurlaritzari buruzko ekainaren 30eko 7/1981 Legearen 22. atalean jasotakoaren arabera sortzen diren gainerako batzordeen lanak antolatzea ere.

   4. Legebiltzarrarekin eta Arartekoarekin dituen harremanetan Jaurlaritzaren lehendakariordeari urgaztea; beharrezkoa bada, halaber, Jaurlaritza ordezkatuko du Legebiltzarreko Bozeramaileen Batzordearen aurrean.

9. atala.¿ Auzibide Zuzendaritza.

   Honako hauek dagozkio Auzibide Zuzendaritzari:

   1. Euskal Autonomia Erkidegoaren Administrazio Orokorraren eta bere Administrazio Instituzionalaren ordezkotza eta babesketa egiteko beharrezkoak diren aurre-ekintzak gidatzea, koordinatzea eta burutzea.

   2. Judizio aurreko txosten, errekerimendu eta ekintza egokiak gauzatzea, eta Jaurlaritzaren interesen ordezkotza eta babesketa zuzentzea konstituzio maila duen jurisdikzioaren aurrean eta Arbitraje Batzordearen aurrean.

   3. Judizio-ekintzak hasiarazteari buruz aholkuak ematea, gaiari buruzko txostenak lantzea eta jardunak koordinatzea.

   4. Errekurtsoak edo erreklamazioak jartzea gutxitzearren edo horiei aurre egitearren, Administrazioaren jarduera zuzentzeko neurriak proposatzea.

   5. Epaiak betearazteak, prozesuen gastuetarako dirua biltzeak edo kostuak ordaintzeak sor ditzaketen administrazio-ekintzak koordinatzea.

   6. Sententziek antolamendu juridikoaren gain izan dezaketen eragina eta, oro har, judizio-prozeduren ondorioak aztertzea.

   7. Zerbitzu Juridiko Nagusikoak ez diren legelariak habilitatzea, Euskal Autonomia Erkidegoaren Epaietarako Ordezkotza eta Aldezpenari buruzko ekainaren 26ko 7/1986 Legean xedatzen denaren arabera, eta eskumen zibil eta penalaren aurrean ertzainak defendatu eta ordezkatzeari buruz apirilaren 25eko 250/1995 Dekretuan aipatzen direnen kaltetan gabe.

   8. Erabakitzea zein kasutan bereganatu behar den Jaurlaritzako funtzionario eta goi-kargudunen defentsa zibil eta penala, haien jardueren ondorioak direla kausa.

10. atala.¿ Lege Garapen eta Arau Kontrolerako Zuzendaritza.

    Honako hauek dagozkio Lege Garapen eta Arau Kontrolerako Zuzendaritzari:

    1. Jaurlaritzaren legegintza-egutegiaren artikulazio tekniko-juridikoari buruzko informazioa eta aholkuak ematea, egutegi horretan sartzen diren Lege Aurreproiektuak lantzeak irauten duen bitartean.

    2. Sailek eta Erakunde Autonomoek hala eskatzen dutenean, horien agintepekoak diren arazoei buruzko irizpenak edo txosten juridikoak lantzea.

    3. Beste ente instituzional batzuek hala eskatzen dutenean, hauentzat interesgarriak izan daitezkeen irizpenak edo txosten juridikoak lantzea.

    4. Araubide Juridikoaren Idazkaritza Nagusiari Goi Mailako Kontsulta Zentroa izatea dagokion aldetik, arauzkoak izan daitezen txosten juridikoak gertatu beharko ditu.

    5. Lege Aurreproiektuen, arau-indarra duten xedapen¿proiektuen eta Jaurlaritzaren Kontseiluak agintzen dizkion beste gai batzuen legezkotasuna barnetik zaintzea.

    6. Defentsa jurisdikzionala egiteko ardura duten organoentzako txostenak lantzea eta aholku juridikoak ematea, Zuzendaritza honek landutako xedapenen aurkako inpugnaziorik aurkeztuz gero.

11. atala.¿ Jaurlaritzaren Idazkaritzako eta Legebiltzarrarekiko Harremanetarako Zuzendaritza.

1. ¿ Jaurlaritzaren Idazkaritzako eta Legebiltzarrarekiko Harremanetarako Zuzendaritzak, Jaurlaritzaren Kontseiluari eta Ekonomia Gaietarako Ordezko Batzordeari dagokienez, eta bai Jaurlaritzari buruzko ekainaren 30eko 7/1981 Legearen 22. atalaren arabera sor daitezkeen gainerako Ordezko Batzordeei dagokienez ere, ondorengo lerrokadetan adierazten diren eginkizunak beteko ditu:

   1. Kontseilu eta batzorde horien bilkurak gertatzea; horietarako gai zerrendak eta aztergaiak ezagutzeko beharrezko diren agiriak, aurrekinak eta datuak gertatu eta banatzea; erabakiak izapidetzeko eta, hala dagokionean, horiek balioa izan dezaten beharrezko diren lege eta finantzaketa mailako baldintzak bete daitezela zaintzea eta, beharrezkoa bada, aginduzko txostenak eskatzea.

   2. Aztergaiak izapidetzeari buruzko arauak eta jarraibideak zein legegintza-teknikari buruzko artezpideak, denak ere Jaurlaritzak onartutakoak, bete daitezen zaintzea.

   3. Onartu diren erabakiei buruzko aktak gertatzea eta jagotea, bete daitezen zainduz.

   4. Bileretan aurkeztu behar diren agiriak normalizatzeko jarraibideak ezartzea.

   5. Jaurlaritzaren organo kolegiatu horien lanei buruzko agirien tratamendu informatikoa.

   6. Aipatutako organoek ezagutu, eztabaidatu eta onar ditzaten haien esku jarritako gaien testuak jasotzen dituzten agirien kautotutako kopiak ematea.

   7. Haien bilkuren aktetan ageri diren akordioak ziurtatzea.

2. ¿ Halaber, honako egiteko hauek beteko ditu Legebiltzarrarekiko harremanei dagokienez:

   1. Jaurlaritzaren eta Legebiltzarraren arteko harreman eta komunikazio organo izatea.

   2. Legegintza programa ikertzeko, jarraitzeko eta koordinatzeko lanak egitea, programa hori Legebiltzarrean dagoen bitartean. Legebiltzarrean aurkezten diren Lege Proposamen, Legez Besteko Proposamen eta Mozioak aintzat hartzeari dagokionez, ikerketak, dokumentazio-lanak eta aurre-ekintzak gauzatzea, Jaurlaritzak izan behar dituen irizpideak mamitze-bideetan laguntzeko. Legebiltzarrean aurkezten diren galdera eta interpelazioekin eta ekimen horiekin lotutako argibideak Administrazioko organo agintedunetatik eskuratzea. Ekimen, galdera eta interpelazio horiek ikertzea, era honetan, dagokien sailei txostenak eta laguntza eskaini ahal izateko. Legebiltzarrak Jaurlaritzari ezartzen dizkion konpromisoen jarraipena egitea eta, oro har, Legebiltzarreko gorabeheren berri Jaurlaritzari ematea.

   3. Jaurlaritzaren eta Arartekoaren arteko harreman eta komunikazio organo izatea.

3. ¿ Jaurlaritzaren Idazkaritzako eta Legebiltzarrarekiko Harremanetarako Zuzendaritzari atxikita egongo da organikoki Euskal Herriko Agintaritzaren Aldizkaria. Aldizkari hori argitaratzeko behar diren egiteko tekniko, ekonomiko eta administratiboak gauzatzea dagokio zuzendaritza honi, bertan sartu behar diren xedapenen eta administrazio-egintzen argitalpenen antolapen eta kontrol-lanak burutuz. Honako hauek zainduko ditu bereziki: aldizkarian sartu behar direnen lehentasun hurrenkera eta kasu bakoitzak dituen baldintza formalak bete daitezela, era honetan, Administrazioko organo bakoitzak dituen eskuduntzak errespetatu ahal izateko.

4. ¿ Zuzendaritza honen eskuduntza da Euskal Autonomia Erkidegoko administrazio publikoetako agintarien sinadura legeztatzea atzerrian indarra izan behar duten agiriei dagokioenez, legeztapen bakarrari edo apostilari aplika dakizkiokeen legeekin bat etorriz, baldin eta egiteko hori administrazio publikoetako beste organo batzuei eman ez bazaie.

5. ¿ Era berean, Euskal Autonomia Erkidegoko administrazio publikoetako organoek egindako irizpen-eskabideak Estatuaren Kontseilura bidaltzeko aurre-egintzak burutzea dagokio.

6. ¿ Zuzendaritza honetan egongo da diru berezietarako diren kredituetako fondoak erabiltzeko aukera duten agintarien ondare-ondasunen eta ¿eskubideen Erregistroa.

   GEHIGARRIZKO XEDAPENAK