Segurtasun Saila. Eusko Jaurlaritza

Gidak, urratsez urrats

Hauteskunde-mahaietako kideen jarduera nagusiak

Mahaiko kideen jarduera nagusiak honela daude egituratuta:

1. Bozketaren prestaketa.
   • Mahaiaren eraketa
   • Eratze-akta egitea
2. Bozketa
   • Bozketaren hasiera
   • Bozketaren garapena
   • Bozketaren amaiera
   • Posta bidezko botoa eta mahaiko bozketa
3. Boto-kontaketa
4. Hauteskunde-dokumentazioa ematea

Mahaiko kide bakoitzak 75 euroko dieta jasoko du eta Gizarte Segurantzaren estaldura izango du

Prestaketa

8:00-8:30 Mahaiaren eraketa.

• Mahaiburu batek eta bi mahaikidek osatuko dute mahaia.
• Ikuskatzaileen identifikazioa egingo da.
• Beharrezko elementuak egiaztatuko dira (hautestontzia, kabina, boto-txartelak, gutun-azalak eta gainerako hauteskunde-inprimakiak).

8:30-9:00 Mahaiaren eratze-akta beteko da eta akta eskatzen duten ikuskatzaileei eta ahalordedunei kopiak emango zaizkie.

Bozketa

9:00 Bozketaren hasiera.
9:00-20:00 Bozkatzeko ordutegia.

• Boto-emailearen identifikazioa.
• Erroldan inskribatuta dagoela egiaztatzea.
• Boto-emaileen zerrenda zenbakidunean jasotzea.
• Botoa hautestontzian sartzea.

20:00 Bozketa amaitu dela aditzera ematea
20:00-20:30

• Bozketa amaitu dela jakinaraztean barruan geratutako hautesleek botoa ematea onartuko da.
• Posta bidezko botoak hautestontzian sartuko dira.
• Ikuskatzaileek eta mahaiko kideek botoa emango dute.

Boto-kontaketa

Boto-kontaketa publikoa da eta mahaiak ardura hauek izango ditu:

• Hautagai-zerrendei emandako botoak, boto zuriak eta baliogabeko botoak zenbatzea.
• Lortutako emaitzak iragartzea.
• Aurkeztutako erreklamazioak ebaztea.
• Boto-kontaketaren behin-behineko jakinarazpena betetzea.
• Jakinarazpenaren kopia Administrazioaren ordezkariei, ikuskatzaileei eta ahalordedunei ematea.
• Mahaia dagoen lokalaren kanpoaldean jakinarazpenaren kopia jartzea.
• Saioaren akta betetzea eta akta eskatzen duten ikuskatzaileei eta ahalordedunei kopiak ematea.

Mahaiko dokumentazioa

Dokumentazioa 4 gutun-azal zenbakitutan banatuko da eta eduki hau izango dute:

1. gutun-azala:

• Eratze-akta (jatorrizkoa).
• Saioaren akta (jatorrizkoa).
• Baliogabetzat jotako edo erreklamazioaren xede izandako boto-txartelak.
• Hautesle-erroldako zerrenda.
• Boto-emaileen zerrenda zenbakiduna.
• Aurkeztutako erroldako ziurtagiriak edo epai judizialak.
• Ikuskatzaileen taloi-orriak edo egiaztagunak.

2. eta 4. gutun-azalak:

• Eratze-akta (kopia).
• Saioaren akta (jatorrizkoa).

3. gutun-azala:

• Eratze-akta (kopia).
• Saioaren akta (jatorrizkoa).
• Atzerritik emandako eta mahaian jasotako posta bidezko botoen frankeo-gastuak itzultzeko inprimakiak.

Mahaiak 4 gutun-azalak hurbilen dagoen lehen auzialdiko epaitegian edo bake-epaitegian utziko ditu.