Eusko Legebiltzarrerako hauteskundeetan posta bidezko boto hori erabiltzeko hautesle-erroldan erregistraturik egotea beharrezkoa al da?
a. Bai. Atzerrian diren egoiliarren hautesle-erroldan. b. Bai. EAEko egoiliarren hautesle-erroldan. c. Ez. Nahikoa da atzerrian aldi baterako bizitzea. Nork erabil dezake posta bidezko boto hau?
a. Atzerrira joatea aurreikusita duen eta, hauteskunderik ez dagoen arren, badaezpada eskatu nahi duenak. b. Eusko Legebiltzarrerako hauteskundeak deitzen direnetik egin bitartean atzerrian dagoen hautesleak, baldin eta kontsuletxean edo enbaxadan «ez-egoiliar» gisa erregistratuta badago. c. Atzerrian behin betiko egoitza duen orok. Zein da ezinbesteko baldintza era honetako postazko botoa erabiltzeko?
a. Bizilekutik hurbilen dagoen enbaxadan edo kontsuletxean norberak eskatzea. b. Hautesle Erroldaren bulegoak posta bidez bozkatzeko dokumentazioa bizilekura bidali arte itxarotea. c. Era horretako botoa Hautesle Erroldaren Bulegoari telefonoz eskatzea. Honako hau egin behar du hautesleak posta bidezko botoa eskatzeko:
a. Posta bidez botoa emateko eskabide-inprimakia jaso kontsuletxeetan eta enbaxadetako kontsul-ataletan edo deskargatu Eusko Jaurlaritzaren web-orrian edo Atzerri Arazoetako eta Lankidetzako Misterioarenean. b. Ez du ezer egin beharko. c. Telefonoz deitu Hautesle Erroldaren Bulegora. Hautesleak posta bidezko botoa eskatu duela Hautesle Erroldaren Bulegoak erroldan jasotakoan, pertsona hori zuzenean joan al daiteke bozkatzera EAEra?
a. Prozedura horren bidez bozkatuko du, eta dagokion hauteskunde-mahaian ere bozka dezake. b. Prozedura horren bidez bozkatuko du prozesu honetan eta egiten diren beste batzuetan. c. Hauteskunde-prozesu honetarako prozedura horren bidez baino ez du bozkatuko, eta bozketa-egunean ez du zuzenean bozkatzerik izango hauteskunde-mahaian. Hautesle Erroldaren Bulegoak nora bidaliko du dokumentazioa?
a. Dokumentazioa posta ziurtatuz eta urgentez bidaliko du hautesleak adierazitako helbidera. b. Ezin izango du dokumentazioa bidali hauteslearen helbidea ezezaguna delako. c. Ez du dokumentazioa bere helbidera bidaliko, hautesleak kontsuletxean jaso beharko baitu. Hautesleak dokumentazioa jaso ondoren....
a. Bozketa egin arte itxarongo du gutun-azala bidaltzeko. b. Hauteskunde-mahaiari zuzendutako gutun-azalean erroldako inskripzio-ziurtagiria eta hautatutako boto-txartela duen bozketarako gutun-azala sartuko ditu. c. Ez du ezer egingo jada ez delako beharrezko. Hauxe da botoa posta ziurtatuz atzerritik bidaltzearen kostua.
a. 75 €. b. 5 € gehi bidalketa-gastuak. c. Doakoa da. Espainiako Correos y Telégrafos SAren operadoreak frankeoaren gastu osoa itzuli ahal izango du, betiere frankeo-gastuak itzultzeko inprimakia betetzen eta mahaira bidaltzen badu; posta bidezko botoa emateko etxera bidalitako agiriekin batera igortzen da inprimaki hori. Posta bidezko boto hau eskatu eta bidalitakoan, ondoren EAEra joateko aukera suertatuz gero, Eusko Legebiltzarrerako hauteskundeetan zuzenean bozka al dezaket?
a. Bai. b. Bai, betiere mahaiak atzerritik jasotako posta bidezko botoa hausten badu. c. Ez Zer da beharrezko era horretako postazko botoa mahaiak onar dezan?
a. Mahaira zuzendutako gutun-azalak zigilu-markarik ez edukitzea, eta bozketarako gutun-azala eta erroldako inskripzio-ziurtagiria edukitzea. b. Mahaiari bidalitako gutun-azalak atzerriko herrialde horretako posta bulegoko inskribapen ofiziala edo zigilu-marka izatea, botoa gutxienez Eusko Legebiltzarrerako hauteskundeak baino hiru egun lehenago bidali dela ziurtatzen duena. Gainera, gutun-azalak bozketari dagokion gutun-azala eta Erroldako inskripzio-ziurtagiria izan beharko ditu. c. Mahaiari zuzendutako gutun-azalak bozketari dagokion gutun-azala izan behar du, eta, horren barnean, erroldako inskripzio-ziurtagiria. 
