Espainian bizi diren zer hauteslek bozka dezakete postaz Eusko Legebiltzarrerako hauteskunde hauetan?
a. Aldi baterako EAEtik kanpo bizi direnek. b. b. Hauteskunde-egunean mahaian bertan bozkatzerik ez dutela izango aurreikusten duten hautesleek. c. c. Atzerrian bizi diren egoiliarren hautesle-erroldan izena emanda daudenek. Zein da posta bidezko botoa eskatzeko epea? Eta non eskatzen da?
a. Epea hauteskundeak deitzen direnetik bozketa aurreko egunera arte doa, eta Hautesle Erroldaren Bulegoaren edozein probintziatako ordezkaritzan eskatu behar da. b. Epea hauteskundeak deitzen direnetik bozketa aurreko hamargarren egunera arte doa (abuztuaren 28tik urriaren 11ra), eta edozein posta-bulegotan eskatu behar da. c. Hauteskundeak deitzen direnetik aurrera lehen astearen barruan eska daiteke, edozein Hauteskunde Batzordetan. Nork eska dezake posta bidezko botoaren eskaera? Eta non?
a. Edonork aurkez dezake eskaera bere izenean posta-bulego batean. b. Eskaera hori posta elektroniko bidez bidal daiteke posta-bulego batera. c. Bete ondoren, eskaera posta-bulego batean zuzenean aurkeztu behar da. Bulegoko langileak eskatzailearen NANaren jatorrizkoa eskatuko du, sinadura eskaerakoarekin bat datorrela egiaztatzeko. Erroldaren Bulegoaren Probintziako Ordezkaritzak posta bidez bozkatzeko eskaera jasotakoan, zer eragiketa egin behar dira dokumentazioa eskatzaileari bidali aurretik?
a. Ordezkaritza horrek botoa eskatzen duena hautesle-erroldan ageri dela egiaztatuko du. b. Ordezkaritza horrek botoa eskatzen duena hautesle-erroldan ageri dela baino ez du egiaztatuko, eta, gainera, erroldako inskripzio-ziurtagiria egingo du. c. Ordezkaritza horrek botoa eskatzen duena hautesle-erroldan ageri dela egiaztatuko du; gainera, erroldan dagokion oharra egingo du, hauteskunde-egunean zuzenean bozka ez dezan, eta azkenik, erroldako inskripzio-ziurtagiria egingo du. Erroldaren Bulegoaren Probintziako Ordezkaritzak zer epe du postaz bozkatzeko dokumentazioa adierazitako helbidera bidaltzeko?
a. Hauteskundeak deitu osteko hogeita hamargarren eguna baino lehenago. b. Posta bidezko boto-eskaera bidali ondoko egunetik bozketa aurretiko hamargarren eguna arte. c. Deialdiaren osteko hogeita hamalaugarren egunetik hauteskundeen aurretiko seigarren egunera arte (urriaren 1etik 14ra). Nork sina dezake posta bidez bozkatzeko dokumentazioaren bidalketa egiaztatzen duen oharra, eta nork jaso dezake dokumentazio hori?
a. Posta bidez bozkatzea eskatu zuenak bakarrik. Etxean ez badago, postariak oharra postontzian utziko dio dokumentazioaren bila posta-bulegora joan dadin. b. Postaz bozkatzea eskatzen duenaren edozein senidek sina dezake abisua eta dokumentazioa bildu, betiere interesduna etxean ez badago. c. Posta bidez bozkatzea eskatzen duena ez dagoenean baino ezin du beste pertsona batek abisua sinatu eta dokumentazioa jaso, betiere dokumentazioa jasotzea baimentzen dion notarioaren ahalordea erakusten badu. Doako posta ziurtatuz bidali beharrean posta arruntez mahaira bidalitako postazko botoa baliozkoa al da?
a. Baliozkoa da, botoa postaz bidaltzen bada. b. Baliogabea da. Hauteskunde Legearen arabera botoa doako posta ziurtatuz bidali behar da mahaira. c. Baliozkoa da, betiere posta ziurtatuz bidaltzea ezinezkoa dela justifikatzen bada. Eskatzailearen errolda-inskripzioaren ziurtagiririk gabe mahaira bidalitako postazko botoak balio al du?
a. Baliogabea da, Hauteskunde Legearen arabera. b. Balio du, betiere mahaiak posta bidezko botoa bidali duena mahaiko erroldan erregistratuta dagoela egiaztatzen badu. c. Balio du. Izan ere, Hautesle Erroldaren Bulegoaren Probintziako Ordezkaritzak posta bidez bozkatzeko dokumentazioa igorri badu, horrek esan nahi du erroldan erregistraturik dagoela egiaztatu duela; bestela, ez zukeen bidaliko. Zer epe dago posta bidezko botoa hauteskunde-mahaira bidaltzeko? Eta nork bidal dezake?
a. Bidaltzeko epea hauteskundeak egin aurretiko seigarren egunean amaituko da, eta posta-bulego batean eskatu duenak baino ezin du posta ziurtatuz bidali. b. Bidaltzeko epea hauteskundeak egin aurretiko hirugarren egunean amaituko da, eta edonork bidal dezake posta ziurtatuz posta-bulego batetik. c. Hauteskunde-eguna iritsi aurretik bidali behar da, eta posta-bulego batean eskatu duenak baino ezin du posta ziurtatuz bidali. Hauteskunde Legeak xedatzen duenez, bozketa-eguneko 20:00 eta gero jasotako postazko botoa posta-bulegoek Eskualdeko Hauteskunde Batzordeei bidaliko diete. Zer egiten da postazko boto horrekin?
a. Lurralde Historikoko Hauteskunde Batzordeari igorri beharko dizkio postazko botoak, zenbaketa orokorrean ireki ditzaten. b. Gorde egin beharko ditu, hautagai-zerrendek aurkaratuko balituzte ere. c. Suntsitu egin beharko ditu, aldi baterako atzerrian bizi direnen posta bidezko botoa igortzeak eragindako posta-gastuen txartela izan ezik, dagokion ordainketa egin dadin. 
